Ləbije 15:5 - Maktub gə́ To gə Kəmee

⁵ Dəw gə́ rara gə́ ɔrɔ tira lə dəw neelé ndá yeḛ kara a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

Ləbije 15:5 Iomraidhean Croise

Pakɔsje 26:6

M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Pakɔsje 51:2

Loo gə́ Natan njetegginta lé ree rəa’g gə goo kaw gə́ Dabid aw ne rɔ Bat-Seba’g lé.

Pakɔsje 51:7

Aa oo, d’ojim dan néra gə́ kori-kori’g ləm, Kɔm kara taa kèm ləm dan kaiya’g ləm tɔ.

Teḛ-Raga 19:10

Tɔɓəi Njesigənea̰ ula Moyis pana: Aw rɔ koso-dəwje’g neelé ar dee d’unda rɔ dee gə kəmee mba ndɔ gə́ ɓogənè gə bèlè ləm tɔ ndá maji kar dee togo kubuje lə dee tɔ.

Esai 1:16

Togoje rɔ sí, Gə mba kàr ne ŋgad-ŋgad, Néra sí gə́ majel lé Ɔrje kəm’d gə́ gogo, Ǝwje rɔ sí raje né gə́ majel.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ejekel 36:29

N’a kɔr sí dan néje’g lə sí lai gə́ mina̰ lé. N’a ɓar kó karee taa loo pəl-pəl, n’a kula gə ɓoo-boo dɔ sí’g el ŋga.

Ləbije 11:24

Ɓó lé nana ɓa gə́ a kɔrɔ rɔ yoo dee ndá rəa a mina̰ saar kar kàr a kandə,

Ləbije 11:25

tɔɓəi nana ɓa gə́ odo yoo dee kara a togo kubuje ləa ləm, rəa a mina̰ ne saar kar kàr a kandə ləm tɔ.

Ləbije 11:28

Tɔɓəi nana ɓa gə́ odo yoo dee kara a togo kubuje ləa ləm, rəa a mina̰ ne saar kàr a kandə ləm tɔ. Seḭ a koo deeje gə́ néje gə́ mina̰ ya.

Ləbije 11:32

Né gə́ ban-ban gə́ mbida né gə́ wəi a koso keneŋ lé a mina̰ ya, lé to nékula gə́ to gə́ kag, əsé kubu, əsé ndar, əsé ɓɔl əsé né gə́ ban-ban gə́ to néra kula ya kara, né neelé d’a kila mán’g ndá a to né gə́ mina̰ saar kàr a kandə, ndá gée’g gogo ɓa a to né gə́ àr ɓəi.

Ləbije 13:34

Ndɔ gə́ nékɔm’g siri lé njekinjanéməs a tən ŋgər lé. Ɓó lé ŋgər lé aw gə́ kédé-kédé el ləm, uru dəs ndar rəa el ləm tɔ ndá njekinjanéməs lé a pa njaŋg pana: Rea àr ya, yeḛ a togo kubuje ləa ndá yeḛ a kàr ya.

Ləbije 13:6

Ndɔ gə́ njekɔm’g siri lé njekinjanéməs a tən rəa gɔl kára ya tɔɓəi. Ɓó lé ta doo lé ɔr ndá ləm, yoolé ndar rəa el ləm tɔ ndá njekinjanéməs lé a pa njaŋg pana: Dəw neelé rəa àr ya: to rəa gə́ ḭ ŋgwɔi gə́ kḭ, yeḛ a togo kubuje ləa ndá rəa a kàr ŋgad-ŋgad.

Ləbije 14:27

Njekinjanéməs lé ubu gə́ to mee ŋgo jia gə́ dɔgel’g lé a sɔb gə ŋgaw jia gə́ dɔkɔl no̰ Njesigənea̰’g as gɔl siri.

Ləbije 15:18

Ɓó lé dené to gə diŋgam gə́ togə́bè ndá deḛ səa joo bɔr d’a togo rɔ dee sugu-sugu ləm, rɔ dee a mina̰ saar kàr a kandə ləm tɔ.

Ləbije 15:4

Tira gə́ rara gə́ yeḛ to keneŋ kara a mina̰ ləm, né gə́ rara gə́ yeḛ si dɔ’g lé kara a mina̰ ləm tɔ.

Ləbije 15:6

Dəw gə́ rara gə́ si dɔ nési’d gə́ debee neelé si dɔ’g kara a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

Ləbije 16:26

Yeḛ gə́ njetuba bàl bya̰ gə́ wɔji dɔ Ajajel lé a togo kubuje ləa ləm, a togo rəa dan mán’g sugu-sugu ləm tɔ, gée gə́ gogo ɓa yeḛ a kandə loo-si dee’g ɓəi.

Ləbije 16:28

Yeḛ gə́ njeroo néje neelé a togo kubuje ləa ləm, a togo rəa dan mán’g sugu-sugu ləm tɔ, gée gə́ gogo ɓa yeḛ a tel ree loo-si dee’g ɓəi.

Ləbije 17:15

Nana ɓa to gə́ kojiɓee əsé dəw-dɔ-ɓee gə́ a sɔ da gə́ wəi gə́ kwəi əsé da maree ɓa wá tiee mbidi-mbidi ndá yeḛ a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ, ɓa yeḛ a kàr ɓəi.

Bula lə Israɛlje 19:10

Yeḛ gə́ wa bu maŋg neelé a togo kubuje ləa, ndá rəa a mina̰ saar kàr a kandə. Yee neelé ɓa a to godndu gə́ a to gə no̰ mbata lə Israɛlje ləm, mbata lə dəw-dɔ-ɓee gə́ si mbuna dee’g ləm tɔ.

Bula lə Israɛlje 19:22

Né gə́ rara gə́ dəw gə́ rəa mina̰ ɔrɔ lé ndá né neelé kara tel mina̰ ya ləm, dəw gə́ ɔrɔ rɔ né neelé kara rəa a mina̰ saar kar kàr andə ləm tɔ.

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.

1 Samel 20:26

Mee ndəa’g neelé Sawul pata kára el mbata yeḛ ə̰ji mée’g pana: Banelə né teḛ dəa’g əsé rəa mina̰, tɔgərɔ rəa mina̰ ya.