Ləbije 15:27 - Maktub gə́ To gə Kəmee

²⁷ Nana ɓa gə́ ɔrɔ rɔ néje neelé ndá rəa a mina̰ ya, ndá yeḛ a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

Ləbije 15:27 Iomraidhean Croise

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ejekel 36:29

N’a kɔr sí dan néje’g lə sí lai gə́ mina̰ lé. N’a ɓar kó karee taa loo pəl-pəl, n’a kula gə ɓoo-boo dɔ sí’g el ŋga.

Ləbije 11:24

Ɓó lé nana ɓa gə́ a kɔrɔ rɔ yoo dee ndá rəa a mina̰ saar kar kàr a kandə,

Ləbije 15:13

Loo gə́ mán rəa gə́ ree rəa’g lé gelee gaŋg ndá yeḛ a tura ndɔ siri goo’g ɓa won rəa lé a kɔr ɓə̰dərə-ɓə̰dərə ɓəi, tɔɓəi yeḛ a togo kubuje ləa ləm, a togo rəa gə mán gə́ ula yal-yal ləm tɔ ɓa rəa a kàr ŋgad-ŋgad ɓəi.

Ləbije 15:21

Dəw gə́ rara gə́ ɔrɔ rɔ tira ləa ndá a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

Ləbije 15:26

Tira gə́ rara gə́ yeḛ to keneŋ loo gə́ məs aḭ rəa’g bèe lé ndá a to asəna gə tira kwɔməs ləa gə́ kédé ləm, né gə́ rara gə́ yeḛ si dɔ’g lé kara a mina̰ to gə́ yee gə́ ndɔ kwɔməs’g ləa gə́ kédé lé ya ləm tɔ.

Ləbije 15:28

Loo gə́ məs gə́ aḭ rəa’g lé gelee gaŋg mba̰ ndá yeḛ a tura ndɔ siri goo’g ɓa rəa a kàr ŋgad-ŋgad ɓəi.

Jakari 13:1

Mee ndəa’g neelé kəm-rəw-mán a to tag mba togo ne kaiya gə né gə́ mina̰ lə gel-bɔje lə Dabid ləm, gə ka̰ njé gə́ Jerusalem ləm tɔ.

Bula lə Israɛlje 19:22

Né gə́ rara gə́ dəw gə́ rəa mina̰ ɔrɔ lé ndá né neelé kara tel mina̰ ya ləm, dəw gə́ ɔrɔ rɔ né neelé kara rəa a mina̰ saar kar kàr andə ləm tɔ.

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

1 Ja̰ 1:7

Nɛ ɓó lé jeḛ njaa dan kàrá to gə́ yeḛ nja nai dan kàrá lé ndá jeḛ j’ɔm meḛ sí na̰’d sad ya, bèe ɓa məs Jeju Ŋgonee ɔr ne won kaiyaje lə sí ɓə̰dərə-ɓə̰dərə tɔ.