Ləbije 15:24 - Maktub gə́ To gə Kəmee

²⁴ Ɓó lé diŋgam to gə dené neelé ar məs gə́ yeḛ wɔ lé rad rəa’g ndá diŋgam neelé rəa a mina̰ as ndəa siri, tɔɓəi tira gə́ rara gə́ yeḛ to keneŋ kara a to né gə́ mina̰ ya tɔ.

Ləbije 15:24 Iomraidhean Croise

Ejekel 18:6

yeḛ sɔ né dɔ mbalje’g el ləm, yeḛ un kəmee aa ne magəje lə gel-bɔje lə Israɛl gərərə el ləm, yeḛ ula sul dɔ dené’g lə maree el ləm, yeḛ tibi mbɔr dené ndɔ kwɔməs’g ləa el ləm,

Ejekel 22:10

Mee ɓee-boo’g ləi lé njé gə́ na̰je to gə denéje lə bɔ deeje ləm, mee ɓee-boo’g neelé deḛ buguru dené ndɔ kwɔməs’g ləa ləm tɔ.

Ləbije 15:23

Ɓó lé né to dɔ tira’g əsé dɔ né gə́ dené neelé si dɔ’g ɓa dəw ɔrɔ rɔ né neelé ndá rəa a mina̰ saar kàr a kandə ya.

Ləbije 15:33

wɔji dɔ yeḛ gə́ wɔməs ar məsee aḭ rəa’g yao-yao ləm, wɔji dɔ diŋgam əsé dené gə́ mán rɔ dee ree ləma, əsé wɔji dɔ diŋgam gə́ to gə dené gə́ rəa mina̰ ləm tɔ.

Ləbije 18:19

Seḭ a toje gə dené ndɔ kwɔməs’g ləa el mbata rəa mina̰.

Ləbije 20:18

Ɓó lé diŋgam to gə dené gə́ wɔməs ləm, gə oo məs gə́ aḭ kudee’g ləm, ar dené neelé kara ɔr né dɔ məs’g ləa ləm tɔ ndá deḛ joo bɔr neelé kəm kɔr dee mbuna dəwje’g lə dee ya.

1 Njé gə́ Tesalonikə 5:22

Saaje rɔ sí rəw dɔ né gə́ majel gə́ gə ria-ria.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.