Ləbije 15:18 - Maktub gə́ To gə Kəmee

¹⁸ Ɓó lé dené to gə diŋgam gə́ togə́bè ndá deḛ səa joo bɔr d’a togo rɔ dee sugu-sugu ləm, rɔ dee a mina̰ saar kàr a kandə ləm tɔ.

Ləbije 15:18 Iomraidhean Croise

2 Samel 11:4

Yen ŋga Dabid ula njékulaje ar dee ree səa rəa’g ndá yeḛ to səa ɓa yeḛ tel aw kəi ləa gogo ɓəi. Dené neelé ḭ loo togo won rəa’g ɓa ree səa d’aree kən.

Pakɔsje 51:5

Mbata kəm inja dɔ kaltaje’g ləm ləm, Kaiya ləm kara taree to nɔm’g ta-ta ləm tɔ.

Teḛ-Raga 19:15

Yeḛ ula koso-dəwje lé pana: síje pèrèrè mee ndɔ gə́ njekɔm’g munda lé tɔɓəi seḭ a tibije mbɔr dené kára kara el tɔ.

Ləbije 15:16

Dəw gə́ ni ar mán-mɔdee ree rəa’g ndá yeḛ kara a ndogo mán sugu-sugu, tɔɓəi rəa a mina̰ saar kàr a kandə.

Ləbije 15:17

Kubu əsé ŋgira gə́ rara gə́ mán-mɔdə dəw neelé rad keneŋ ndá d’a tɔgee sugu-sugu, tɔɓəi a mina̰ saar kar kàr a kandə tɔ.

Ləbije 15:5

Dəw gə́ rara gə́ ɔrɔ tira lə dəw neelé ndá yeḛ kara a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

1 Njé gə́ Kɔrḭtə 6:12

Néje lai lé d’ɔgm loo rəa el nɛ néje gə́ na̰je to kəm ra el tɔ. Néje lai lé d’ɔgm loo rəa el nɛ ma lé m’a kar né kára kara wam ɓər el tɔ.

1 Njé gə́ Kɔrḭtə 6:18

Undaje rɔ sí ɓad dɔ mɔdkaiya’g. Kaiya gə́ rara gə́ dəw ra lé to gə́ rəa’g raga ɓəi. Nɛ yeḛ gə́ ya̰ rəa yag dɔ mɔdkaiya’g ndá yeḛ nja ula sul dɔ rəa-yeḛ’g.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.