Ləbije 15:12 - Maktub gə́ To gə Kəmee

¹² Jo gə́ rara gə́ dəw gə́ rəa mina̰ neelé ɔrɔ ndá d’a tɔ jo neelé njigi-njigi ləm, lé to nékula gə́ ra gə kag kara d’a tɔgee sugu-sugu ləm tɔ.

Ləbije 15:12 Iomraidhean Croise

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Gosota-Kəmkàrje 1:21

Ndia ɓar ta loo-kunda-bulaje’g Ar dee d’oo tapeaje tarəwkɔgje’d Gə́ mee ɓee-boo’g lé ləm tɔ pana:

Gosota-Kəmkàrje 1:23

Telje gə́ goo tandəjije ləm gə́ nee! Amje, m’ar ndiləm ɔm dɔ sí’g ləm, M’a kar sí gərje tapamje ləm tɔ.

Gosota-Kəmkàrje 3:21

Ŋgonəm, maji kari un kəmi rəw Dɔ tandooje’g neelé el. Maji kari aa dɔ kəmkàr Gə dɔ ta gə́ la̰ji toree məəi’g ləm tɔ.

Ləbije 15:11

Dəw gə́ rara gə́ dəw gə́ mina̰ lé a kɔrɔ rəa ɓa a lal togo jia gə mán ndá yeḛ a togo kubuje ləa ləm, a ndogo mán ləma, a to dəw gə́ mina̰ saar kàr a kandə ləm tɔ.

Ləbije 6:21

Jo gə́ deḛ ndiri ne da neelé ndá d’a kunda pɔs-pɔs tɔ, ɓó lé to jo larkas ɓa deḛ ndiri ne ndá d’a kusu mée togo gə mán sugu-sugu ya.

2 Njé gə́ Kɔrḭtə 5:1

Tɔgərɔ ya, jeḛ n’gər gao, ɓó lé kəi-surum gə́ j’isi keneŋ dɔ naŋg nee a kunda naŋg ndá kəi-si sí gə́ kiŋ kiŋ-kiŋ to dara, to kəi gə́ a to gə no̰ gə́ Ala ɓa gə́ njerea, ɓó ji dəw ɓa ra el.

Njé gə́ Pilibə 3:21

Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.