Ləbije 14:3 - Maktub gə́ To gə Kəmee

³ Njekinjanéməs lé a teḛ gir loo-si dee gə́ raga, tɔɓəi yeḛ a tən njeba̰ji lé tɔ. Ɓó lé njeba̰ji lé doo ba̰ji ər rəa’g kəmsə ndá

Ləbije 14:3 Iomraidhean Croise

2 Mbaije 5:14

Yen ŋga Naaman risi ur dan baa gə́ Jurdɛ̰’g ula rəa keneŋ gɔl siri to gə́ dəw lə Ala ulá ne lé ndá rəa tel àr ŋgad-ŋgad asəna gə rɔ ŋgonkas bèe.

2 Mbaije 5:3

Yeḛ ula ɓéeje gə́ dené lé pana: Ǝi, ɓó lé ɓémje aw rɔ njetegginta gə́ si Samari ndá njetegginta neelé a kɔr ba̰ji rəa’g ya.

Maktub gə́ wɔji dɔ Jɔb 5:18

Yeḛ nja ar dəw doo nɛ yeḛ nja tɔ ta doo ləm, Yeḛ ar dəw iŋga doo nɛ jia-yeḛ nja aree ər kəmsə ləm tɔ.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Ləbije 13:2

Loo gə́ dəw kára né tiee to gə́ lu bèe, əsé tilá ar rəa ḭ ŋgwɔi əsé rəa tila ndá asəna gə́ doo ba̰ji gə́ to ndar rəa’g bèe ndá d’a kaw səa rɔ Aaro̰ gə́ njekinjanéməs’g, əsé rɔ ŋgonee’g kára mbuna ŋganeeje gə́ to njékinjanéməsje lé karee a tən doo

Ləbije 13:46

Ndɔje lai gə́ doo to ne rəa’g ɓəi lé yeḛ a mina̰ ne ya ɓəi, rəa mina̰ ya. Yeḛ a si gə karee ba, ndá loo-siée a to gir loo-si dee’g raga tɔ.

Ləbije 14:48

Ɓó lé njekinjanéməs gə́ tel aw mee kəi’g neelé oo to gə́ moro neelé aw gə́ kédé-kédé el, loo gə́ deḛ rḛdə mee kəi neelé mbiao̰-mbiao̰ mba̰ ndá yeḛ a pa njaŋg pana: Kəi neelé àr mbata moro lé godo keneŋ ŋga.

Matiyo 10:8

Arje rɔko̰ ḭ dɔ njérɔko̰je’g ləm, deḛ gə́ d’wəi lé ar deeje d’unda loo teḛ ləm, ɔrje ba̰ji rɔ njéba̰jije’g ləma, tubaje ndilje gə́ yèr meḛ dəwje’g ləm tɔ. Né gə́ seḭ iŋgaje lé to gə́ nénoji ya ndá né gə́ seḭ a karje kara a to gə́ nénoji ya ləm tɔ.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Lugu 4:27

Njéba̰jije bula bəl jərərə d’isi Israɛl’g, ləbee gə́ Elije, njetegginta si ne kəmba ɓəi nɛ ba̰ji ɔr rɔ dəw kára kara mbuna dee’g el nɛ Naaman, dəw gə́ Siri nja gə karee ba ɓa ba̰ji ɔr rəa’g ndɔs-ndɔs ya.

Lugu 7:22

Yen ŋga yeḛ tel ila njékwakila Ja̰je’g lé pana: Tel aw iŋgaje Ja̰ lé uláje ta néje gə́ seḭ ooje gə kəm sí nee ləm, gə ooje gə mbi sí lé ləm tɔ: Kəm njékəmtɔje inja ləm, njémədje d’aw tar njam-njam ləm, njéba̰jije ba̰ji ɔr rɔ dee’g ndɔs-ndɔs ləm, njémbikuduje lé mbi dee inja bərəŋ-bərəŋ ləm, njé gə́ d’wəi lé teḛ loo-yoo’g ləma, njéndooje lé d’ila mber tagə́maji d’ar dee ya ləm tɔ.