Ləbije 14:17 - Maktub gə́ To gə Kəmee

¹⁷ Njekinjanéməs lé a rad ges ubu gə́ nai jia’g lé gel mbi dəw gə́ yeḛ a gə kɔr won rɔko̰ rəa’g lé gə́ dɔkɔl ləm, gə ko̰ jia gə́ dɔkɔl ləma, gə ko̰ gɔlee gə́ dɔkɔl ləm tɔ, dɔ məs da gə́ ka̰ ta gə́ wa dɔ dəw lé.

Ləbije 14:17 Iomraidhean Croise

Ejekel 36:27

N’a kar ndil neḛ to meḛ sí’g ndá n’a kar sí unje goo ndukunje’g lə neḛ ləm, seḭ a kaaje dɔ godnduje lə neḛ kər-kər raje née ləm tɔ.

Ləbije 14:14

Njekinjanéməs lé a kun məs da gə́ wɔji dɔ ta gə́ wa dɔ dəw lé, a rad məs neelé gel mbi yeḛ gə́ kəm kɔr won rɔko̰ rəa’g lé gə́ dɔkɔl ləm, gə ko̰ jia gə́ dɔkɔl ləma, gə ko̰ gɔlee gə́ dɔkɔl ləm tɔ.

Ləbije 14:16

Njekinjanéməs lé a kula ŋgaw jia gə́ dɔkɔl dan ubu gə́ to mee ŋgo jia’g gə́ dɔgel lé ndá yeḛ a sɔb ubu lé no̰ Njesigənea̰’g as gɔl siri.

Ləbije 14:18

Njekinjanéməs lé a kɔm ges ubu gə́ nai jia’g lé dɔ yeḛ gə́ ɔr won rɔko̰ rəa’g ndá, yeḛ a ra bèe mba kuga ne dɔ kaiya ləa no̰ Njesigənea̰’g.

Ləbije 8:23

Moyis inja gwɔb bàl badə neelé ndá yeḛ taa məsee rad gel mbi Aaro̰ gə́ dɔkɔl ləm, gə ko̰ jia gə́ dɔkɔl ləma, gə ko̰ gɔlee gə́ dɔkɔl ləm tɔ.

Ləbije 8:30

Moyis un ubu gə́ ka̰ kunda dee gə kəmee ləm, gə məs gə́ to dɔ loo-nékinjaməs’g ləm tɔ ndá yeḛ saga dɔ Aaro̰’g gə dɔ kubuje’g ləa ləm, gə dɔ ŋgalə Aaro̰’g gə dɔ kubuje’g lə dee ləm tɔ, yee ɓa yeḛ unda ne Aaro̰ gə kubuje ləa ləm, gə ŋgalə Aaro̰ gə kubuje lə dee lé gə kəmee səa na̰’d ləm tɔ.

Tagə́maji gə́ Ja̰ ndang 1:16

Jeḛje lai lé n’taaje meemaji ləa gə́ taa rəa pəl-pəl ləm, gə noji gə́ orè dɔ maree-maree ləm tɔ.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.