Ləbije 14:11 - Maktub gə́ To gə Kəmee

¹¹ Njekinjanéməs gə́ njekɔr won rɔko̰ neelé a ree gə dəw gə́ kəm kɔr won rɔko̰ rəa’g neelé gə néje lai neelé no̰ Njesigənea̰’g tarəw kəi-kubu-kiŋga-na̰’g.

Ləbije 14:11 Iomraidhean Croise

Ləbije 14:10

Ndɔ gə́ njekɔm’g jinaijoo lé yeḛ a ree gə ŋgan badje joo gə́ rɔ dee mina̰ el ləm, gə ma̰də badə gə́ ra ləb kára ba gə́ rəa mina̰ el ləm, gə nékar gə́ to nduji gə́ ndá léréré as nékwɔji kwɔi-lə-né jinaijoo gə́ mbɔḭ gə ubu ləma, gə ubu as ges litər kára ləm tɔ.

Ləbije 14:12

Njekinjanéməs lé a kwa ŋgon badə kára ndá yeḛ a kḭjá gə́ nékinjaməs gə́ wɔji dɔ ta gə́ wa dəa lé a kun ubu as ges litər kára tɔ, yeḛ a ra nduree no̰ Njesigənea̰’g mba kundá ne gə kəmee.

Ləbije 14:23

Ndɔ gə́ njekɔm’g jinaijoo lé yeḛ a kodo néje lai gə́ wɔji dɔ kɔr ne won rɔko̰ rəa’g neelé a kaw ne rɔ njekinjanéməs’g tarəw kəi-kubu-kiŋga-na̰’g no̰ Njesigənea̰’g.

Ləbije 8:3

ndá maji kari mbo̰ koso-dəwje lai dɔ na̰’d tarəw kəi-kubu-kiŋga-na̰’g.

Bula lə Israɛlje 8:21

Ləbije lé d’ɔr won rɔ dee ləm, deḛ togo kubuje lə dee ləm tɔ, Aaro̰ ar dee tel rɔ dee gə́ yo gə́ nee asəna gə nékar gə́ d’ar Njesigənea̰, tɔɓəi yeḛ ra nékoga dɔ kaiya mbata lə dee gə mba kɔr ne won dee.

Jude 1:24

Yeḛ gə́ askəm lam sí loo-koso gə́ rara kara ləm, gə́ askəm teḛ sə sí gə rɔ sí gə́ àr ŋgad-ŋgad kar sí aarje ne gə rɔlel dan rɔnduba’g ləa ləm tɔ lé