Ləbije 13:59 - Maktub gə́ To gə Kəmee

⁵⁹ Yee gə́ bèe ɓa to godndu gə́ wɔji dɔ moro gə́ wa kubuje gə́ ra gə bḭ badə əsé kubu palégal gə́ bḭ maji dɔ kúla gə́ tḭja yao-yao’g əsé yee gə́ tula mbuna’g əsé dɔ né gə́ rara gə́ ra gə ndar tɔ, gə goo godndu neelé ɓa d’a pa ne njaŋg pana: Dee to néje gə́ d’àr ŋgad-ŋgad əsé to néje gə́ mina̰ lé tɔ.

Ləbije 13:59 Iomraidhean Croise

Ləbije 13:47

Loo gə́ kubu wa moro lé to kubu bḭ badə əsé gə́ kubu kúla palégal gə́ bḭ maji,

Ləbije 13:48

lé to kúla kubu gə́ tḭja yao-yao əsé kúla gə́ ka̰ tula mbuna’d gə́ ra gə kúla palégal gə́ bḭ maji əsé gə kúla bḭ badə, lé to ndar əsé né gə́ ra gə ndar kara,

Ləbije 13:58

Kubu, gə kúla kubuje gə́ ŋgal pɔ-pɔ əsé yeḛ gə́ tula mbuna’g əsé gə né gə́ rara gə́ ra gə ndar ɓa deḛ togo ɓəi, ɓó lé moro neelé ɔr keneŋ ndá d’a tel togo gɔl kára tɔɓəi ɓa a kàr ɓəi.

Ləbije 14:1

Njesigənea̰ ula Moyis pana:

Ləbije 14:2

Godndu gə́ a kwɔji dɔ njeba̰ji mee ndəa gə́ d’a kɔr won ba̰ji rəa’g lé ɓa nee. D’a kaw səa rɔ njekinjanéməs’g.

Ləbije 14:32

Yee ɓa gə́ godndu gə́ wɔji dɔ kɔr won rɔko̰ rɔ yeḛ gə́ doo ba̰ji to rəa’g nɛ nékiŋgaje ləa as el lé.

Ləbije 14:57

Godndu neelé ndoo sí gə mba kar sí jeḛ n’gər ne loo gə́ né mina̰ əsé né àr’g. Yee ɓa to godndu gə́ wɔji dɔ ba̰ji ya.

Ləbije 15:31

Bèe ɓa seḭ a karje Israɛlje saa ne rɔ dee rəw dɔ néje gə́ ar dee mina̰ ne, nà ɓó lé d’ar kəi ləm gə́ to gə kəmee, gə́ to mbuna dee’g lé tel to né gə́ mina̰ ndá d’a kwəi dan némina̰je’g lə dee ya.

Ləbije 15:32

Yee ɓa gə́ godndu gə́ wɔji dɔ yeḛ gə́ rɔko̰ rəa ar mán-mɔdee aḭ rəa’g yao-yao əsé yeḛ gə́ ni ar mán-mɔdee ree rəa’g aree mina̰ ne ləm,

Bula lə Israɛlje 30:16

Nɛ ɓó lé yeḛ oo taree ɓa gée gə́ gogo yeḛ tuji dee ɓəi ndá ta kaiya lə dené ləa a kwa dəa-yeḛ ya.

Bula lə Israɛlje 36:13

Yee ɓa to godnduje gə ndukunje gə́ Njesigənea̰ un ar ŋgan Israɛlje gə ndu Moyis mee ndag-loo gə́ Moab gə́ to mbɔr baa gə́ Jurdɛ̰, gə́ wɔji dɔ Jeriko njoroŋ lé tɔ.

Bula lə Israɛlje 5:29

Yee neelé ɓa to godndu gə́ wɔji dɔ njaŋg gə́ ra loo gə́ dené nai gin siŋgamoŋ’d lə ŋgabeeje ɓəi ɓa yeḛ un kəmee dəa’g rəw ar rəa mina̰ ne ləm,