Ləbije 13:43 - Maktub gə́ To gə Kəmee

⁴³ Njekinjanéməs a tən rɔ njedɔmbar lé. Ɓó lé to tɔr doo gə́ ndá gə kas ɓa to loo gə́ mbar gə́ gée’g əsé ŋgonea̰’g aree to tana gə ba̰ji gə́ to ndar rəa’g bèe ndá

Ləbije 13:43 Iomraidhean Croise

Esai 3:17

Gelee gə́ nee ɓa Mbaidɔmbaije a kar yiŋga dɔ denéje gə́ Jerusalem Rəd pənḭ-pənḭ ləm, Njesigənea̰ a kar kudu dee To dum ləm tɔ.

Ejekel 22:26

Njékinjanéməsje lə dee d’al dɔ godnduje lə neḛ d’ila ne ndɔl dɔ looje’g lə neḛ gə́ to gə kəmee ləm, deḛ d’ɔr kəm né gə́ to gə kəmee gə né gə́ ndɔl wa dəa ɓəd el ləm, deḛ d’ar dəwje gər loo to ɓəd lə né gə́ mina̰ gə né gə́ àr lé el ləm, deḛ d’un kəm dee rəw dɔ ndɔ-kwa-rɔ’g lə neḛ ləma, d’ar neḛ n’to né gə́ ndɔl wa dəa mbuna dee’g ləm tɔ.

Ləbije 10:10

mba kar sí gərje ne loo kɔr kəm né gə́ to gə kəmee gə né gə́ to gə kəmee el ləm, əsé né gə́ mina̰ gə né gə́ àr ŋgad-ŋgad ləm tɔ,

Ləbije 13:19

ar tor nduna doo neelé ɔm ŋgururu, to gə́ lu gə́ ndá əsé né gə́ tila ɓal ndá gə kas ndá dəw neelé a tɔji rəa njekinjanéməs karee tənee.

Ləbije 13:42

Nɛ ɓó lé loo gə́ mbar lé to gə́ nea̰’g əsé gée’g ɓa doo to keneŋ ɓa ndá gə kas ndá to ba̰ji gə́ ḭ taa loo gə́ gée’g əsé loo gə́ ŋgonea̰’g pəl-pəl.

Ləbije 13:44

dəw neelé to njeba̰ji, rəa mina̰: njekinjanéməs lé a pa njaŋg pana: Dəw neelé mina̰: mbata doo to dəa’g tɔ.