Ləbije 13:25 - Maktub gə́ To gə Kəmee

²⁵ Ɓó lé bḭyee tel ndá tor né gə́ ilá’g lé ləm, təa uru dəs ndar rəa ləm tɔ ndá to ba̰ji gə́ kinja ɓagəsa tor doo pər’g neelé, ndá njekinjanéməs lé a pa njaŋg pana: Dəw neelé rəa mina̰: mbata to doo ba̰ji ya.

Ləbije 13:25 Iomraidhean Croise

2 Mbaije 5:27

Bèe ɓa ba̰ji lə Naaman a tilai ləm, gə ŋgakaije ləm tɔ saar gə no̰. Loo gə́ Gehaji ḭ rɔ Elije’g unda loo teḛ ndá ba̰ji lé ndá rəa’g hododo tɔ.

Teḛ-Raga 4:6

Njesigənea̰ ulá tɔɓəi pana: Un jii ila kaari’g. Yeḛ un jia ila kaaree’g ya tɔ, tɔɓəi yeḛ tel ɔr jia ndá aa oo ba̰ji ɔr jia ndel aree ndá kələw-kələw to gə́ kwɔji bèe.

Ləbije 13:24

Loo gə́ doo pər to rɔ dəw’g ɓa toree ila ndá əsé ɔb wə ndá njekinjanéməs a tənee.

Ləbije 13:26

Ɓó lé njekinjanéməs oo to gə́ bḭyee gə́ ndá godo tor né gə́ ilá’g lé ləm, təa uru dəs ndar rəa el ləma, gə rəa tel ɔr ndá ləm tɔ ndá njekinjanéməs a kudu dəw neelé kəi as ndɔ siri.

Ləbije 13:4

Ɓó lé ndar rəa gə́ tila ndá lé uru dəs ndar rəa el ləm, gə bḭ rəa tel ndá el ləm tɔ ndá dəw gə́ doo to rəa’g lé njekinjanéməs lé a kudee kəi as ndɔ siri.

Bula lə Israɛlje 12:10

Mum lé ḭ ŋgədəŋ dɔ kəi-kubu’g. Ndá aa oo, ba̰ji ɔm dɔ Miriam’g ar rəa ndá kələw-kələw to gə́ kwɔji bèe. Aaro̰ tel kəmee ila dɔ Miriam’g ndá aa oo, ba̰ji taa rɔ Miriam pəl-pəl.