Ləbije 13:2 - Maktub gə́ To gə Kəmee

² Loo gə́ dəw kára né tiee to gə́ lu bèe, əsé tilá ar rəa ḭ ŋgwɔi əsé rəa tila ndá asəna gə́ doo ba̰ji gə́ to ndar rəa’g bèe ndá d’a kaw səa rɔ Aaro̰ gə́ njekinjanéməs’g, əsé rɔ ŋgonee’g kára mbuna ŋganeeje gə́ to njékinjanéməsje lé karee a tən doo

Ləbije 13:2 Iomraidhean Croise

2 Samel 3:29

Maji kar məs neelé tel oso dɔ Joab’g ləm, gə dɔ gel-bɔje’g lə bɔbeeje lai ləm tɔ! Maji kar ŋgaka Joabje lé lal dəw gə́ iŋga rɔko̰ bajal, əsé lal rɔko̰ ba̰ji el ləm, əsé lal njetɔs kag el ləma, əsé lal njekoso ta kiambas’g el ləma, əsé lal njekwəi-yoo-ɓoo nda̰ el ləm tɔ.

2 Mbaije 5:1

Naaman gə́ to ɓé-njérɔje lə mbai gə́ Siri lé taa kəm mbai ləa rəgm ləm, mbai ləa kara ila riɓar gə́ boo dəa’g ləm tɔ mbata mbɔl dəa yeḛ ɓa Njesigənea̰ ar Aramje d’un ne baŋga ya. Dəw neelé to gə́ bao-rɔ ya nɛ ba̰ji ɓa gaŋgee.

2 Mbaije 5:27

Bèe ɓa ba̰ji lə Naaman a tilai ləm, gə ŋgakaije ləm tɔ saar gə no̰. Loo gə́ Gehaji ḭ rɔ Elije’g unda loo teḛ ndá ba̰ji lé ndá rəa’g hododo tɔ.

Esai 1:6

Un ŋgira gɔl sí’g naŋg saar Teḛ dɔ sí’g tar lé Né kára gə́ maji godo keneŋ, To gə́ doo ya bura ləm, Gə doo gə́ dɔ mundu ləma, Gə doo yii ləm tɔ Gə́ lal kɔm mán keneŋ ləm, Gə lal tɔ ləma, Gə lal kunda ubu təa’g karee kul lɔm ləm tɔ.

Esai 3:17

Gelee gə́ nee ɓa Mbaidɔmbaije a kar yiŋga dɔ denéje gə́ Jerusalem Rəd pənḭ-pənḭ ləm, Njesigənea̰ a kar kudu dee To dum ləm tɔ.

Ləbije 13:1

Njesigənea̰ ula Moyis gə Aaro̰ pana:

Ləbije 13:3

gə́ to ndar rəa’g lé. Ɓó lé bḭ rəa gə́ uba ta doo’g lé tel ndá ləm, aree oo to gə́ doo lé uru dəs ndar rəa ləm tɔ ndá to doo ba̰ji ya: njekinjanéməs gə́ tən rəa lé a kun ndia dɔ’g njaŋg pana: Dəw neelé rəa mina̰ ya.

Ləbije 13:8

Njekinjanéməs lé a tən rəa. Ɓó lé ŋgwɔiee ḭ yoolé ndar rəa’g unda nje gə́ kédé ndá njekinjanéməs lé a pa njaŋg pana: Rea mina̰, to ba̰ji ya.

Ləbije 14:3

Njekinjanéməs lé a teḛ gir loo-si dee gə́ raga, tɔɓəi yeḛ a tən njeba̰ji lé tɔ. Ɓó lé njeba̰ji lé doo ba̰ji ər rəa’g kəmsə ndá

Ləbije 14:35

dəw gə́ njekəi lé a kaw mba kula njekinjanéməs taree təsərə pana: Ma m’oo né asəna gə moro bèe mee kəi’g ləm.

Ləbije 14:56

gə luje ləm, gə rɔko̰ kḭ ŋgwɔije ləma, gə nétila rɔje ləm tɔ:

Malasi 2:7

Mbata njekinjanéməs ɓa gə́ njeŋgəm ta gosonégər təa’g ləm, d’a dəji gin godndu təa-yeḛ’g nja ləm tɔ mbata yeḛ lé to njekaḭkula lə Njesigənea̰ gə́ njeboo-néje lé.

Bula lə Israɛlje 12:10

Mum lé ḭ ŋgədəŋ dɔ kəi-kubu’g. Ndá aa oo, ba̰ji ɔm dɔ Miriam’g ar rəa ndá kələw-kələw to gə́ kwɔji bèe. Aaro̰ tel kəmee ila dɔ Miriam’g ndá aa oo, ba̰ji taa rɔ Miriam pəl-pəl.

Bula lə Israɛlje 12:12

Wai! maji kari aree to asəna gə ŋgon gə́ wəi mee kea̰je’d gə́ darəa unda rḛdeŋ loo gə́ teḛ mee kea̰je’g lé bèe el.

Matiyo 8:4

Tɔɓəi Jeju ulá pana: Maji kari udu taree məəi’g ar dəw oo səi el ɓəi, nɛ aw rɔ njekinjanéməs’g tɔjee rɔi ɓó gə un nékar-Ala aree gə goo godndu Moyis gə mba karee to ne nékɔrkəmta ləi kəm dəwje’g ɓa.

Mark 1:44

Yen, i lé maji kari tɔs kəmi dɔ rɔi’g ɓó ar tai gə́ ja̰ kara teḛ ar dəw oo el. Nɛ aw gə darɔi aw tɔji njekinjanéməs ndá un né gə́ godndu Moyis wɔji lé mba karee to ne nékɔrkəmta mbata lə dee.

Lugu 17:14

Loo gə́ yeḛ oo dee ndá yeḛ ula dee pana: Awje aw undaje rɔ sí arje njékinjanéməsje d’oo. Nɛ loo gə́ d’ɔd d’isi d’aw lé ndá ba̰ji ɔr rɔ dee’g ndɔs-ndɔs.

Lugu 5:14

Jeju tɔ təa ká mba kar taree teḛ təa’g ar dəw oo el ɓəi. Nɛ yeḛ ulá pana: Maji kari ɔd aw ɓee lə njekinjanéməs aw unda rɔi aree oo ndá un nékinjaməs gə́ godndu Moyis wɔji mba kɔr won rɔi lé mba karee to gə́ nékɔrkəmta ləi kəm dəwje’g.

Tel tura Godndu 24:8

Undaje kəmkàr dɔ rɔ sí’g wɔji dɔ doo ba̰ji gə mba kaa dɔ tandəjije lai gə́ njékinjanéməsje gə́ to Ləbije d’a gə ndəji sí gə mba kar sí raje née lé, seḭ a tɔsje kəm sí dɔ’g gə mba raje gə goo ndukunje gə́ m’un m’ar dee lé.

Tel tura Godndu 28:27

Njesigənea̰ a kunda sí gə bairaŋ to gə́ yeḛ unda ne njé gə́ Ejiptə bèe ləm, gə gab ləm, gə ŋgaŋguna ləma, gə ŋgər ləm tɔ, gə́ a kər el.