Ləbije 12:8 - Maktub gə́ To gə Kəmee

⁸ Ɓó lé yeḛ askəm kiŋga ŋgon badə el ndá yeḛ a ree gə dərkulje joo əsé ŋgan dərndaje joo, yee gə́ kára gə́ nékinjaməs gə́ ka̰ roo ləm, yee gə́ kára gə́ nékinjaməs gə́ ka̰ kuga dɔ kaiya ləm tɔ. Njekinjanéməs lé a kɔr ne ta kaiya dəa’g ndá rəa a kàr ne ŋgad-ŋgad tɔ.

Ləbije 12:8 Iomraidhean Croise

Ləbije 1:14

Ɓó lé nékinjaməs ləa gə́ a gə kinja kar Njesigənea̰ lé to gə́ yelje gə́ ka̰ roo ndá yeḛ a kwa dərkulje əsé ŋgan dərndaje ya.

Ləbije 12:7

Njekinjanéməs lé a kinja dee no̰ Njesigənea̰’d gə́ né kɔr gəm dəa’g ndá rəa a kàr ne ŋgad-ŋgad tɔ. Yee ɓa to godndu gə́ oji dɔ dené gə́ oji ŋgon gə́ diŋgam əsé yeḛ gə́ dené lé.

Ləbije 13:1

Njesigənea̰ ula Moyis gə Aaro̰ pana:

Ləbije 14:21

Ɓó lé yeḛ to gə́ njendoo gə́ nékiŋgaje ləa as el ndá yeḛ a kwa ŋgon badə kára ba gə́ nékinjaməs gə́ ka̰ ta gə́ wa dəa loo gə́ dee ra nduree mba kundá ne gə kəmee kuga ne dɔ kaiya ləa lé. Yeḛ a kɔr nduji gə́ ndá léréré as nékwɔji kwɔi-lə-né munda gə́ mbɔḭ gə ubu gə́ nékar ləm, gə ubu as ges litər kára ləm tɔ.

Ləbije 14:22

Yeḛ a kwa dərndaje joo əsé ŋgan dərkulje joo to gə goo nékiŋgaje ləa, yeḛ gə́ kára mbata nékinjaməs gə́ ka̰ kuga dɔ kaiya ləm, yeḛ gə́ kára mbata nékinjaməs gə́ ka̰ roo ləm tɔ.

Ləbije 15:14

Ndɔ gə́ njekɔm’g jinaijoo lé yeḛ a kwa dərndaje joo ləm gə ŋgan dərkulje joo ləm tɔ ndá a kaw ne no̰ Njesigənea̰’g tarəw kəi-kubu-kiŋga-na̰’g, tɔɓəi yeḛ a kar njekinjanéməs lé tɔ.

Ləbije 15:15

Njekinjanéməs a kinja yee gə́ kára gə́ nékinjaməs gə́ ka̰ kuga dɔ kaiya, tɔɓəi yee gə́ kára gə́ nékinjaməs gə́ ka̰ roo tɔ. Njekinjanéməs lé a ra togə́bè mba kuga ne dɔ mán gə́ ree ta mɔdee’g yao-yao neelé no̰ Njesigənea̰’g.

Ləbije 15:29

Ndɔ gə́ njekɔm’g jinaijoo lé yeḛ a kwa dərndaje joo əsé ŋgan dərkulje joo ləm tɔ ndá a kaw ne rɔ njekinjanéməs’g tarəw kəi-kubu-kiŋga-na̰’d.

Ləbije 4:26

Yeḛ a roo ubeeje lai loo-nékinjaməs’g to gə́ deḛ ra gə ubu nékinjaməs gə́ ka̰ kɔm na̰’d lé bèe ya. Yee gə́ bèe ɓa njekinjanéməs lé a ra mbata lə mbai neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 5:11

Ɓó lé siŋgá as mba karee iŋga dərndaje gə́ joo əsé ŋgan dərkulje gə́ joo lé el ndá yeḛ a ree gə nékar gə́ to nduji gə́ ndá léréré as nékwɔji kwɔi-lə-né sɔ mba karee to nékar gə́ ka̰ kiŋga meekoso lemsé lé, ndá yeḛ a kɔm ubu keneŋ el ləm, né gə́ ə̰də sululu kara a kɔm keneŋ el ləm tɔ mbata to nékar gə́ ka̰ kiŋga meekoso lemsé ba.

Ləbije 5:7

Ɓó lé siŋgá as karee iŋga ma̰də badə əsé ma̰də bya̰ el ndá yeḛ a kwa dərndaje joo əsé ŋgan dərkulje joo gə́ nékinjaməs ləa gə́ wɔji dɔ kal dɔ godndu Njesigənea̰ mbata yee gə́ kára a to yee gə́ wɔji dɔ kɔr ta dəa’g ləm, yee gə́ raŋg a to ka̰ roo ləm tɔ.

Matiyo 21:12

Jeju andə mee kəi-Ala’g. Yeḛ tuba njérab-néndogoje gə njéndogo néje keneŋ ləm, yeḛ tila tabulje lə njémbél larje gə kalije lə njéndogo dərje ləm tɔ.

2 Njé gə́ Kɔrḭtə 8:9

Mbata seḭ gərje noji lə Mbaidɔmbaije lə sí Jeju Kristi, yeḛ gə́ to bao ya nɛ yeḛ tel to njendoo gə mbata lə síje lé gə mba kar mbɔl dɔ ndookoo ləa lé ɓa seḭ telje ne baoje.