Ləbije 12:6 - Maktub gə́ To gə Kəmee

⁶ Loo gə́ ndɔ kɔr won rəa as lée’g béréré ɓa, ɓó lé wɔji dɔ ŋgon gə́ diŋgam əsé yeḛ gə́ dené kara yeḛ a ree gə ŋgon badə gə́ ra ləb kára ba gə́ nékinjaməs gə́ ka̰ roo ləm, gə ŋgon dərnda kára əsé dərkul kára gə́ nékinjaməs gə́ ka̰ kuga dɔ kaiya ləm tɔ, rɔ njekinjanéməs’g tarəw kəi-kubu-kiŋga-na̰’g lé.

Ləbije 12:6 Iomraidhean Croise

Gḭ-Néje 15:9

Njesigənea̰ ulá pana: Maji kari wa ma̰də maŋg gə́ ləbee aḭ munda ləm, gə ma̰də bya̰ gə́ ləbee aḭ munda ləm, gə bàl badə gə́ ləbee aḭ munda ləm, gə dərnda kára ləma, gə ŋgon dərkul kára ləm tɔ.

Ləbije 12:2

Maji kari ula Israɛlje pana: Loo gə́ dené əskèm ɓa oji ŋgon gə́ diŋgam ndá rəa a mina̰ as ndɔ siri, rəa a mina̰ as gə ndɔ kwɔməs ləa gə́ kédé lé tɔ.

Ləbije 12:5

Ɓó lé yeḛ oji ŋgon gə́ dené ndá rəa a mina̰ as ndɔ dɔg-giree-sɔ as gə ndɔ kwɔməs ləa gə́ kédé lé, yeḛ a tel si as ndəa rɔ-misa̰-giree-misa̰ ya ɓəi mba kɔr ne won rəa ɓa.

Ləbije 12:7

Njekinjanéməs lé a kinja dee no̰ Njesigənea̰’d gə́ né kɔr gəm dəa’g ndá rəa a kàr ne ŋgad-ŋgad tɔ. Yee ɓa to godndu gə́ oji dɔ dené gə́ oji ŋgon gə́ diŋgam əsé yeḛ gə́ dené lé.

Ləbije 14:22

Yeḛ a kwa dərndaje joo əsé ŋgan dərkulje joo to gə goo nékiŋgaje ləa, yeḛ gə́ kára mbata nékinjaməs gə́ ka̰ kuga dɔ kaiya ləm, yeḛ gə́ kára mbata nékinjaməs gə́ ka̰ roo ləm tɔ.

Ləbije 15:14

Ndɔ gə́ njekɔm’g jinaijoo lé yeḛ a kwa dərndaje joo ləm gə ŋgan dərkulje joo ləm tɔ ndá a kaw ne no̰ Njesigənea̰’g tarəw kəi-kubu-kiŋga-na̰’g, tɔɓəi yeḛ a kar njekinjanéməs lé tɔ.

Ləbije 15:29

Ndɔ gə́ njekɔm’g jinaijoo lé yeḛ a kwa dərndaje joo əsé ŋgan dərkulje joo ləm tɔ ndá a kaw ne rɔ njekinjanéməs’g tarəw kəi-kubu-kiŋga-na̰’d.

Bula lə Israɛlje 6:10

Ndá ndɔ gə́ njekɔm’g jinaijoo lé yeḛ a ree gə dərkulje joo əsé ŋgan dərndaje joo kar njekinjanéməs tarəw kəi-kubu-kiŋga-na̰’g lé.

Lugu 2:22

Loo gə́ ndɔ teḛ ŋgon as mba̰, to gə́ godndu Moyis wɔji lé ndá Jisəb gə Mari d’ḭ gə ŋgonkas lé d’aw səa Jerusalem mba kundá gə kəmee kar Mbaidɔmbaije,

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.