Ləbije 11:45 - Maktub gə́ To gə Kəmee

⁴⁵ Mbata ma m’to Njesigənea̰ gə́ m’ar sí undaje loo mee ɓee gə́ Ejiptə teḛje mba kam m’to ne Ala lə sí ləm, gə mba kar sí-seḭje kara toje ne dəwje gə́ to gə kəmee ləm tɔ, mbata ma nja m’to njerɔkunda ya.

Ləbije 11:45 Iomraidhean Croise

Gḭ-Néje 17:7

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

Teḛ-Raga 19:10

Tɔɓəi Njesigənea̰ ula Moyis pana: Aw rɔ koso-dəwje’g neelé ar dee d’unda rɔ dee gə kəmee mba ndɔ gə́ ɓogənè gə bèlè ləm tɔ ndá maji kar dee togo kubuje lə dee tɔ.

Teḛ-Raga 19:6

seḭ a toje njékinjanéməsje gə́ gin sí to gə́ mbai ləm, a toje ginkoji dəwje gə́ toje gə kəmee ɓəd ləm tɔ. Yee ɓa gə́ ta gə́ i a kula Israɛlje ya.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 22:30

Seḭ a toje dəwje ləm gə́ toje gə kəmee doi. Seḭ a sɔje dakas da gə́ maree wa tiee mbidi-mbidi el, seḭ a kɔmje kɔrɔ karje bisije ɓa tɔ.

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Ojee 11:1

Njesigənea̰ pana: Loo gə́ Israɛlje nai ne ŋganje ɓəi lé Neḛ n’unda dee dan kəm neḛ’g, Neḛ m’ɓar dee ŋgan neḛje N’ar dee d’unda ne loo mee ɓee gə́ Ejiptə teḛ.

Ləbije 11:44

Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.

Ləbije 11:46

Yee ɓa to godndu gə́ wɔji dɔ daje, gə yelje, gə nékundaje lai gə́ d’aw kəmba dan mán’g ləm, gə nékundaje lai gə́ d’ag naŋg gə ta meḛ dee ləm tɔ,

Ləbije 19:2

Ula koso-dəwje lə Israɛlje lai pana: Seḭ a toje gə kəmee doi mbata ma m’to gə kəmee doi tɔ. Ma m’to Njesigənea̰, Ala lə sí ya.

Ləbije 19:36

Seḭ a kilaje né gə́ gə goo rəbee ɓa dɔ némbwɔji-né’g ləm, dɔ néje’g lə sí gə́ wɔi ləma, dɔ nduji gə mán’g lə sí ləm tɔ. Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje lé ya.

Ləbije 20:7

Seḭ a kɔrje rɔ sí kundaje gə kəmee kamje ləm, seḭ a kundaje rɔ sí gə kəmee ləm tɔ mbata ma m’to Njesigənea̰, Ala lə sí ya.

Ləbije 22:33

gə m’ar sí undaje loo mee ɓee gə́ Ejiptə teḛje ləm tɔ, mba to ne Ala lə sí. Ma m’to Njesigənea̰.

Ləbije 25:38

Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje gə mba kar sí ɓee gə́ Kana̰ gə́ né ka̰ sí ləm, gə mba to ne Ala lə sí ləm tɔ.

Ləbije 26:45

M’a kar məəm olé dɔ kaji’g lə dee gə ndu manrɔ lé, yee gə́ bèe ɓa m’ar dee d’unda ne loo mee ɓee gə́ Ejiptə teḛ kəm ginkoji dəwje gə raŋg’g gə mba to ne Ala lə dee. Ma m’to Njesigənea̰.

Bula lə Israɛlje 15:40

Bèe ɓa meḛ sí a kolé ne dɔ godndumje’g lai mba kar sí raje ne née ləm, seḭ a toje ne koso-dəwje gə́ to gə kəmee mbata lə Ala lə sí ləm tɔ.

1 Njé gə́ Tesalonikə 4:7

Mbata Ala ɓar sí mba kar sí j’isi gə kəmee ɓó gə mba kar sí toje gə́ njémeemina̰je el.

Jujé 24:19

Juje ula koso-dəwje lé pana: Seḭ lé siŋga sí a kaskəm kwa Njesigənea̰ meḛ sí’g el mbata yeḛ to Ala gə́ njerɔkunda ləm, gə Ala gə́ ar kəmee əḭ dɔ dəwje’g ləa ləm tɔ. Yeḛ a kar mée oso lemsé dɔ néra kori-korije’g lə sí əsé dɔ kaiyaje’g lə sí el.

1 Piɛrə 1:16

mbata deḛ ndaŋg ta mee maktub’g pana: Seḭ a toje gə kəmee doi mbata ma m’to gə kəmee doi ya.

1 Samel 2:2

Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.

1 Samel 6:20

Njé gə́ Bet-Semes lé pana: See na̰ ɓa askəm kaar no̰ Njesigənea̰’g, yeḛ gə́ to Ala gə́ njerɔkunda lé wa. See rɔ na̰ ɓa sa̰duk-manrɔ lé a kaw əw keneŋ kya̰ sí wa.