Ləbije 11:44 - Maktub gə́ To gə Kəmee

⁴⁴ Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.

Ləbije 11:44 Iomraidhean Croise

Pakɔsje 99:5

Ulaje rɔnduba dɔ Njesigənea̰, Ala’g lə sí lé Undaje barmba dəbje kəm sí naŋg no̰ nétura-gɔl-kɔm’g ləa lé. Yeḛ lé to Njerɔkunda.

Pakɔsje 99:9

Ulaje rɔnduba dɔ Njesigənea̰’d Gə́ to Ala lə sí lé Undaje barmba dəbje kəm sí naŋg dɔ mbal’g ləa Gə́ to gə kəmee doi, Mbata Njesigənea̰, Ala lə sí lé to Njerɔkunda.

Teḛ-Raga 16:12

Ma m’oo ndu jém taje lə Israɛlje ya. Ula dee pana: Ɓogənè lé loo gə́ kàr a gə kandə ndá seḭ a sɔje da ləm, bèlè gə ndɔ lé seḭ a ko̰je muru karje meḛ sí ndan tub ləm tɔ, yee ɓa seḭ a gərje ne gao to gə́ ma nja m’to Ala lə sí gə́ Njesigənea̰ lé.

Teḛ-Raga 19:10

Tɔɓəi Njesigənea̰ ula Moyis pana: Aw rɔ koso-dəwje’g neelé ar dee d’unda rɔ dee gə kəmee mba ndɔ gə́ ɓogənè gə bèlè ləm tɔ ndá maji kar dee togo kubuje lə dee tɔ.

Teḛ-Raga 19:6

seḭ a toje njékinjanéməsje gə́ gin sí to gə́ mbai ləm, a toje ginkoji dəwje gə́ toje gə kəmee ɓəd ləm tɔ. Yee ɓa gə́ ta gə́ i a kula Israɛlje ya.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 22:30

Seḭ a toje dəwje ləm gə́ toje gə kəmee doi. Seḭ a sɔje dakas da gə́ maree wa tiee mbidi-mbidi el, seḭ a kɔmje kɔrɔ karje bisije ɓa tɔ.

Teḛ-Raga 23:25

Seḭ a poləmje m’a Ala lə sí gə́ Njesigənea̰ ndá m’a tɔr ndum dɔ muru’g lə sí ləm, gə dɔ manje’g lə sí ləm tɔ, m’a kɔs rɔko̰je rəw rɔ sí’g tɔ.

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 51:15

Ma m’to Njesigənea̰, Ala lə sí Gə́ m’ar baa-boo-kad ḭ ləm, M’ar paŋgəm manee tuga ləm tɔ. Njesigənea̰ gə́ njeboo-néje ɓa gə́ rim.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Ləbije 11:43

Néje lai gə́ d’ag naŋg gə ta meḛ dee lé arje rɔ sí to kḛji gə mba dee el ləm, ar deeje d’ar rɔ sí mina̰ el ləma, arje rɔ sí to né gə́ mina̰ gə mbata lə dee el ləm tɔ.

Ləbije 18:2

Ula Israɛlje ta togə́bè pana: Ma m’to Njesigənea̰, Ala lə sí.

Ləbije 19:10

Seḭ a kinjaje ɗɔr nduú gə́ nai mee ndɔ-nduú’g lə sí el ləm, ka̰deeje gə́ ɔm naŋg kara seḭ a tɔsje ndo̰-ndo̰ el ləm tɔ, seḭ a kya̰je néje neelé karje njéndooje əsé dəw-dɔ-ɓeeje. Ma m’to Njesigənea̰, Ala lə sí.

Ləbije 19:2

Ula koso-dəwje lə Israɛlje lai pana: Seḭ a toje gə kəmee doi mbata ma m’to gə kəmee doi tɔ. Ma m’to Njesigənea̰, Ala lə sí ya.

Ləbije 19:3

Nana kara gə́ mbuna sí’g lé a təd kag kea̰ gə bɔbee ləm, a kaa dɔ ndɔ ndɔ-kwa-rɔje ləm kər-kər ləm tɔ. Ma m’to Njesigənea̰, Ala lə sí ya.

Ləbije 19:4

Seḭ a telje rɔ sí goo magəje’g el ləm, seḭ a lḛ̀je né ndajije ne magəje el ləm tɔ. Ma m’to Njesigənea̰, Ala lə sí ya.

Ləbije 20:26

Seḭ a toje dəwje gə́ to gə kəmee doi mbata ləm, mbata ma nja m’to Njesigənea̰ gə́ m’to gə kəmee doi lé tɔ, ma m’kɔdə sí m’ɔr sí mbuna ginkoji dəwje gə raŋg’g mba kar sí toje kamaje ya doŋgɔ doi.

Ləbije 20:7

Seḭ a kɔrje rɔ sí kundaje gə kəmee kamje ləm, seḭ a kundaje rɔ sí gə kəmee ləm tɔ mbata ma m’to Njesigənea̰, Ala lə sí ya.

Ləbije 21:8

Seḭ a kooje njekinjanéməs gə́ dəw gə́ to gə kəmee mbata yeḛ un nésɔ lə Ala lə sí aree, yeḛ a to dəw gə́ to gə kəmee mbata lə sí, mbata ma nja m’to Njesigənea̰ gə́ m’to gə kəmee doi gə́ m’ɔr sí m’unda sí gə kəmee lé ya.

Amɔs 3:3

Dəwje joo lé see d’a njaa na̰’d. Lal kɔm ta lə dee na̰’d sad kédé wa.

Bula lə Israɛlje 15:40

Bèe ɓa meḛ sí a kolé ne dɔ godndumje’g lai mba kar sí raje ne née ləm, seḭ a toje ne koso-dəwje gə́ to gə kəmee mbata lə Ala lə sí ləm tɔ.

Matiyo 5:48

Maji kar sí toje njémaji kɔrnjoroŋje to gə́ Bɔ síje gə́ si tar to ne njemaji kɔrnjoroŋ bèe tɔ.

Tel tura Godndu 14:2

Mbata seḭ toje koso-dəwje gə́ toje gə kəmee gə mbata lə Ala lə sí gə́ Njesigənea̰. Ala lə sí gə́ Njesigənea̰ mbər sí gə mba kar sí toje gə́ kea̰je ya mbuna koso-dəwje lai gə́ dɔ naŋg nee.

1 Njé gə́ Tesalonikə 4:7

Mbata Ala ɓar sí mba kar sí j’isi gə kəmee ɓó gə mba kar sí toje gə́ njémeemina̰je el.

Jujé 24:19

Juje ula koso-dəwje lé pana: Seḭ lé siŋga sí a kaskəm kwa Njesigənea̰ meḛ sí’g el mbata yeḛ to Ala gə́ njerɔkunda ləm, gə Ala gə́ ar kəmee əḭ dɔ dəwje’g ləa ləm tɔ. Yeḛ a kar mée oso lemsé dɔ néra kori-korije’g lə sí əsé dɔ kaiyaje’g lə sí el.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

Loo gə́ killa rea kəm Ja̰’g 22:11

Dəw gə́ nérea to kori-kori ndá maji kar nérea to kori-kori ɓəi. Dəw gə́ nérea to né gə́ mina̰ ndá maji kar nérea to né gə́ mina̰ ya ɓəi tɔ. Dəw gə́ njemeekarabasur lé maji kar nérea to gə dɔ najee ɓəi ləm, dəw gə́ njemeenda lé maji karee unda rəa gə kəmee ya ɓəi ləm tɔ.

1 Samel 2:2

Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.

1 Samel 6:20

Njé gə́ Bet-Semes lé pana: See na̰ ɓa askəm kaar no̰ Njesigənea̰’g, yeḛ gə́ to Ala gə́ njerɔkunda lé wa. See rɔ na̰ ɓa sa̰duk-manrɔ lé a kaw əw keneŋ kya̰ sí wa.