Ləbije 11:41 - Maktub gə́ To gə Kəmee

⁴¹ Né gə́ rara gə́ ag naŋg gə ta mée lé seḭ a kéeje gə́ né gə́ to kḛji ləm, dəw a sɔ el ləm tɔ.

Ləbije 11:41 Iomraidhean Croise

Gḭ-Néje 1:20

Ala pana: Maji kar nékundaje gə́ d’aw kəmba kinja budu-budu mee manje’g ləm, kar nékundaje nar gə bag dee dɔ naŋg nee ləm gə pə̰ dara’g ləm tɔ.

Gḭ-Néje 7:21

Nékundaje lai gə́ d’aw kəmba dɔ naŋg neelé d’udu guduru ya, yelje ləm, gə nékulje ləm, gə daje gə́ wala ləm, gə daje lai gə́ d’ag naŋg ləma, gə dəwje lai ləm tɔ.

Ləbije 11:20

Ŋgan néje lai gə́ d’ḭ gə bag dee ləm, gə njaa gə gɔl dee sɔ ləm tɔ lé seḭ a koo deeje gə́ néje gə́ to kḛji.

Ləbije 11:23

Nɛ ŋgan néje gə́ raŋg lai gə́ d’ḭ gə bag dee ləm, gə njaa gə gɔl dee sɔ ləm tɔ lé seḭ a koo deeje gə́ néje gə́ to kḛji, mbata d’a kar rɔ sí mina̰.

Ləbije 11:29

Aa ooje, mbuna daje gə́ d’ag naŋg gə taa meḛ dee lé dee gə́ seḭ a koo deeje gə́ néje gə́ mina̰ lé ɓa nee: njarè, gə yəg, gə ŋgaraw gə dee gə́ raŋg gə́ d’as sə dee bèe tɔ,

Ləbije 11:42

Mbuna néje lai gə́ d’ag naŋg gə ta meḛ dee lé dee gə́ rogo naŋg gə ta meḛ dee, gə dee gə́ njaa gə gɔl dee sɔ-sɔ əsé gə gɔl dee bula dèm-dèm kara seḭ a sɔ deeje el, mbata seḭ a koo deeje gə́ néje gə́ to kḛji ya.