Ləbije 11:39 - Maktub gə́ To gə Kəmee

³⁹ Ɓó lé da kára mbuna mareeje’d gə́ seḭ sɔ deeje lé wəi gə́ kwəi ndá dəw gə́ ɔrɔ rɔ yée lé rəa a mina̰ ne saar kàr a kandə,

Ləbije 11:39 Iomraidhean Croise

Ejekel 4:14

Ma m’pana: Wai, Mbaidɔmbaije gə́ Njesigənea̰, aa oo, m’ar rɔm mina̰ gɔl kára el, un kudee gə basəm ba ya saar ɓasinè lé m’usɔ da gə́ wəi gə́ kwəi əsé gə́ maree wá el ləm, dakas da gə́ mina̰ gə́ rara kara ɔrɔ tam el ləm tɔ.

Ləbije 11:24

Ɓó lé nana ɓa gə́ a kɔrɔ rɔ yoo dee ndá rəa a mina̰ saar kar kàr a kandə,

Ləbije 11:28

Tɔɓəi nana ɓa gə́ odo yoo dee kara a togo kubuje ləa ləm, rəa a mina̰ ne saar kàr a kandə ləm tɔ. Seḭ a koo deeje gə́ néje gə́ mina̰ ya.

Ləbije 11:31

Mbuna néje lai gə́ d’ag naŋg gə ta meḛ dee lé seḭ a koo deeje gə́ néje gə́ mina̰ ya: nana ɓa gə́ ɔrɔ rɔ yoo dee ndá rəa a mina̰ ne saar kàr a kandə ya.

Ləbije 11:38

nɛ ɓó lé d’ɔm mán dɔ kandə kó gə́ ka̰ dubu’g lé ɓa mbida né gə́ wəi oso keneŋ ndá seḭ a kooje kandə kó neelé gə́ né gə́ mina̰ ya tɔ.

Ləbije 11:40

yeḛ gə́ a sɔ yée ndá a togo kubuje ləa ləm, rəa a mina̰ ne saar kàr a kandə ləm tɔ, tɔɓəi yeḛ gə́ a kun yée kara a togo kubuje ləa ləm, rəa a mina̰ ne saar kàr a kandə ya ləm tɔ.

Ləbije 14:46

Nana ɓa gə́ andə mee kəi’g neelé mee ndəaje’g lai gə́ təa to gə loo kudee lé ndá rəa a mina̰ ne saar kar kàr a kandə.

Ləbije 15:15

Njekinjanéməs a kinja yee gə́ kára gə́ nékinjaməs gə́ ka̰ kuga dɔ kaiya, tɔɓəi yee gə́ kára gə́ nékinjaməs gə́ ka̰ roo tɔ. Njekinjanéməs lé a ra togə́bè mba kuga ne dɔ mán gə́ ree ta mɔdee’g yao-yao neelé no̰ Njesigənea̰’g.

Ləbije 15:5

Dəw gə́ rara gə́ ɔrɔ tira lə dəw neelé ndá yeḛ kara a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

Ləbije 15:7

Dəw gə́ rara gə́ ɔrɔ rɔ dəw gə́ mina̰ neelé a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ.

Ləbije 16:26

Yeḛ gə́ njetuba bàl bya̰ gə́ wɔji dɔ Ajajel lé a togo kubuje ləa ləm, a togo rəa dan mán’g sugu-sugu ləm tɔ, gée gə́ gogo ɓa yeḛ a kandə loo-si dee’g ɓəi.

Ləbije 17:15

Nana ɓa to gə́ kojiɓee əsé dəw-dɔ-ɓee gə́ a sɔ da gə́ wəi gə́ kwəi əsé da maree ɓa wá tiee mbidi-mbidi ndá yeḛ a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ, ɓa yeḛ a kàr ɓəi.

Ləbije 22:4

Dəw gə́ rara gə́ to ŋgoka Aaro̰ gə́ ba̰ji rəa əsé iŋga rɔko̰ mɔdee’g ar mán aḭ keneŋ yao-yao ndá yeḛ a sɔ néje gə́ to gə kəmee lé el saar rəa a kàr ɓa. A to togə́bè mbata lə yeḛ gə́ ɔrɔ rɔ maree gə́ mina̰ mbata lə nin dəw gə́ yeḛ ɔrɔ ləm, gə mbata lə yeḛ gə́ ni ar mán-mɔdee ree rəa’g ləm,

Ləbije 22:6

Yeḛ gə́ ɔrɔ rɔ néje neelé ndá a mina̰ saar kàr a kandə, yeḛ a sɔ néje gə́ to gə kəmee lé el, nɛ yeḛ a ndogo mán ɓa,

Ləbije 22:8

Yeḛ a sɔ da gə́ wəi gə́ kwəi el ləm, əsé yee gə́ da maree wa tɔlee el ləm tɔ gə mba kar rəa mina̰ ne gə mbəa el. Ma m’to Njesigənea̰.

Bula lə Israɛlje 19:11

Yeḛ gə́ ɔrɔ rɔ nin dəw gə́ rara kara ndá rəa a mina̰ saar as ndɔ siri.

Bula lə Israɛlje 19:16

Nana ɓa gə́ aw mee wala’g ɓa ɔrɔ rɔ nin dəw gə́ tɔlee gə kiambas, əsé nin dəw gə́ wəi kari ba, əsé siŋga dəwje, əsé dɔɓar ndá debee neelé rəa a mina̰ as ndɔ siri.

Bula lə Israɛlje 19:7

Njekinjanéməs lé a togo kubuje ləa ləm, a ndogo mán ləm tɔ, tɔɓəi yeḛ a tel kaw loo-si dee’g nɛ rəa a mina̰ saar kàr a kandə ɓa.