Ləbije 11:29 - Maktub gə́ To gə Kəmee

²⁹ Aa ooje, mbuna daje gə́ d’ag naŋg gə taa meḛ dee lé dee gə́ seḭ a koo deeje gə́ néje gə́ mina̰ lé ɓa nee: njarè, gə yəg, gə ŋgaraw gə dee gə́ raŋg gə́ d’as sə dee bèe tɔ,

Ləbije 11:29 Iomraidhean Croise

Gḭ-Néje 1:20

Ala pana: Maji kar nékundaje gə́ d’aw kəmba kinja budu-budu mee manje’g ləm, kar nékundaje nar gə bag dee dɔ naŋg nee ləm gə pə̰ dara’g ləm tɔ.

Pakɔsje 10:3

Njemeeyèr lé ti rəa dɔ mal né gə́ rəa’g, Njekəmkəḭ ila ndɔl dɔ Njesigənea̰’g ləm, Ǝ̰jee bəḭ-bəḭ ləm tɔ.

Gosota-Kəmkàrje 30:28

Jimkil gə́ dəw askəm kwá gə jia ya, Nɛ yee si kəi-mbaije’g lə mbaije tɔ.

Esai 66:17

Deḛ gə́ d’unda rɔ dee gə kəmee togo ne rɔ dee D’aw ne gə goo na̰ goo na̰ mee loo-kamnaḭje’g ləm, Gə d’usɔ da-bər ləm tɔ lé Deḛ lai neelé d’a kudu bo̰ ya, Njesigənea̰ ɓa pa bèe.

Ləbije 11:28

Tɔɓəi nana ɓa gə́ odo yoo dee kara a togo kubuje ləa ləm, rəa a mina̰ ne saar kàr a kandə ləm tɔ. Seḭ a koo deeje gə́ néje gə́ mina̰ ya.

Ləbije 11:30

ndur, gə kurkudu, gə meḭ-kobo, gə toro, gə liya tɔ.

Ajee 2:6

Mbata Njesigənea̰ gə́ njeboo-néje ɓa pa togə́bè pana: Nai lam ba bèe ndá n’a gə́ yə dara gə naŋg nee ləm, gə baa-booje gə loo-gə́-tudu bura ləm tɔ.

Lugu 12:15

Tɔɓəi yeḛ tel təa ula dee pana: Undaje rɔ sí ɓad dɔ nékəmkəḭ gə́ rara kara, mbata nékiŋga gə́ dəw sí danee’g bèdèg ɓa gə́ kuma̰ karee si ne gə kəmə lé el.

Lugu 16:14

Parisiḛje gə́ to njéko̰laolarje d’aar keneŋ d’oo ta ləa lai neelé ndá deḛ kogo ne.

Tagə́maji gə́ Ja̰ ndang 6:26

Jeju tel ila dee keneŋ pana: Ma m’ula sí təsərə, muru gə́ seḭ o̰je arje meḛ sí ndan lé ɓa seḭ saŋgmje ne gə mbəa ɓó gə mba némɔrije gə́ seḭ ooje lé ɓa el.

Tagə́maji gə́ Ja̰ ndang 6:66

Un kudee mee ndəa’g neelé njékwakiláje gə́ na̰je sa rɔ dee rəa’g ndá tibi ne mbɔree gogo el ŋga.

Njé gə́ Epesə 4:14

Yee ɓa j’a to ne asəna gə ŋganje el ŋga, mbata ŋganje lé d’aw yo-yo nee-nee ləm, leltaje biri dee ləma, sutaje gə ta korije lə dəwje lé tel ne kəm dee ləm tɔ.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.

Njé gə́ Kolosə 3:5

Bèe ndá arje mal néje gə́ ra sí gə́ wɔji dɔ naŋg neelé wəi mburug rɔ sí’g, yee ɓa to mɔdkaiya ləm, gə kəmnda ləm, gə mal néje gə́ ula pər meḛ sí’g ləma, gə mwəiyoolar gə́ to gə́ magəpole lə dəwje lé ləm tɔ.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.