Ləbije 11:20 - Maktub gə́ To gə Kəmee

²⁰ Ŋgan néje lai gə́ d’ḭ gə bag dee ləm, gə njaa gə gɔl dee sɔ ləm tɔ lé seḭ a koo deeje gə́ néje gə́ to kḛji.

Ləbije 11:20 Iomraidhean Croise

Pakɔsje 17:14

Njesigənea̰, maji kari ɔrm ji dəwje gə́ dɔ naŋg nee gə jii gə́ ɓar mèr-mèr. Nédɔji lə dee to naŋg nee ləm, I ar meḛ dee ndan gə némajije ləi ləm tɔ, Ŋgan deeje kara meḛ dee ndan tub-tub Ar dee d’ya̰ ges néje lə dee gə́ uru kugu lé mbata lə ŋgaka deeje lé tɔ.

Ləbije 11:19

gə ndilili-woḭ, gə ndua, gə ŋgako̰, gə yelje gə́ raŋg gə́ d’as sə dee bèe tɔ, gə ɓee-goom-joo, gə doo tɔ.

Ləbije 11:21

Nɛ mbuna deḛ lai gə́ d’ḭ gə bag dee ləm, njaa gə gɔl dee sɔ ləm tɔ lé seḭ a sɔje dee gə́ d’uba njal dee ar dee tal ne dɔ naŋg’d.

Ləbije 11:23

Nɛ ŋgan néje gə́ raŋg lai gə́ d’ḭ gə bag dee ləm, gə njaa gə gɔl dee sɔ ləm tɔ lé seḭ a koo deeje gə́ néje gə́ to kḛji, mbata d’a kar rɔ sí mina̰.

Ləbije 11:27

Daje lai gə́ gɔl dee sɔ-sɔ gə́ njaa gə ŋgo gɔl dee lé seḭ a koo deeje gə́ néje gə́ to kḛji: nana ɓa gə́ ɔrɔ rɔ yoo dee ndá rəa a mina̰ ne saar kàr a kandə ya.

Matiyo 6:24

Dəw kára askəm ra kula kar ɓéeje joo el, nà banelə a kwa gə yeḛ gə́ kára mée’g nɛ a kunda yeḛ gə́ kára ɓa dan kəmee’g tɔ, əsé yeḛ a ki rəa kər-kər gə́ rɔ yeḛ gə́ kára’g nɛ a ɓaar yeḛ gə́ kára tɔ. Seḭ asjekəm kundaje-kunda Ala lé ləm, gə kundaje-kunda néhulaije gə́ dɔ naŋg nee ləm tɔ ɓa korèje ne na̰ el.

Néra Njékaḭkulaje 10:14

Nɛ Piɛrə ilá keneŋ pana: Wah! Mbaidɔmbaije, mbata néje gə́ ram gə néje gə́ to kḛji togə́bè lé uba tam ndag nda̰ el.

Tel tura Godndu 14:19

Néje lai gə́ d’ag naŋg ɓa d’ḭ gə bag dee lé seḭ a sɔ deeje el, seḭ a koo deeje gə́ néje gə́ mina̰.

2 Timote 4:10

Demas lé ubam ya̰’m mba̰ mbata néje gə́ naŋg nee ɓa wa mée aree ḭ əd Tesalonik mba̰. Kresens əd Galati ləm, Titə kara əd Dalmati sèn ləm tɔ.

Jude 1:10

Dəwje neelé né gə́ deḛ d’oo gəd el kara d’ila ndɔl dɔ’g ləm, d’aw gə́ sin asəna gə daje gə́ d’aw gə́ kaw ɓó d’ə̰ji ta meḛ dee’g el ɓa deḛ tuji ne bèe.

Jude 1:19

Deḛ nja ɓa d’ula sí na̰’d d’ar ta tḭ-na̰ oso ne ləm, deḛ ndolè goo néra gə́ ka̰ darɔ ɓó Ndil godo meḛ dee’g ləm tɔ.