Ləbije 10:9 - Maktub gə́ To gə Kəmee

⁹ Loo gə́ seḭ a gə ka̰dje kəi-kubu-kiŋga-na̰’g ndá i gə ŋganije na̰’d lé seḭ a kaije mán-nduú gə́ mḭ el ləm, əsé nékai gə́ mḭ el ləm tɔ, nà seḭ a kwəije, yee neelé a to godndu gə́ a to gə no̰ mbata lə ŋgaka síje gə́ kédé-kédé

Ləbije 10:9 Iomraidhean Croise

Teḛ-Raga 27:21

Mee kəi-kubu-kiŋga-na̰’d gə́ to gə kəmee neelé, gir kubu gə́ gaŋg ne mee kəi gə́ to no̰ nékɔrgoota’g lé, lé neelé ɓa Aaro̰ gə ŋganeeje gə́ diŋgam d’a gɔl ubu neelé gə́ mba kar pərndɔje lé d’a ndogó ne no̰ Njesigənea̰’g loondul’g saar kar loo àr. Yee ɓa gə́ godndu gə́ to gə no̰ mbata lə ŋgakadɔg deeje ləm, Israɛlje lé kara d’a kaa dəa kər-kər ləm tɔ.

Gosota-Kəmkàrje 20:1

Man-nduú gə́ mḭ to njekula sul dɔ loo’g ləm, Nékaije gə́ mḭ ar njekaiee ra ne né tar ɓəgəgə-ɓəgəgə ləm tɔ, Nana ɓa gə́ ra ɓəree ndá kəmkàr lalee.

Esai 28:7

Nɛ deḛ nja kara d’ai mán-nduú d’aw ne jogè-jogè ləm, Nékai gə́ mḭ ar dɔ dee tel ne wagəsa ləm tɔ, Njékinjanéməsje gə njéteggintaje d’aw jogè-jogè dan nékai gə́ mḭ’g ləm, Man-nduú taa rɔ dee pəl-pəl ləm tɔ. Nékai gə́ mḭ ar dɔ dee tel wagəsa ləm, Deḛ d’aw jogè-jogè loo gə́ deḛ tegginta ləm, Deḛ ləŋg dɔ gaŋg rəwta’g ləm tɔ.

Ejekel 44:21

Njekinjanéməs kára kara a kai mán-nduú gə́ mḭ loo gə́ yeḛ a kandə mee gadloo gə́ kəi kɔrɔg lé el.

Ojee 4:11

Mɔdkaiya, gə mán-nduú gə́ mḭ gə mán-nduú gə́ sigi lé Ar dɔ dəw tel wagəsa.

Ləbije 10:8

Njesigənea̰ ula Aaro̰ pana:

Ləbije 3:17

Yee neelé to godndu gə́ to gə no̰ mbata ŋgaka síje gə́ kédé-kédé gə looje lai-lai gə́ seḭ a síje keneŋ ya: Seḭ a sɔje ubee əsé məsee el.

Bula lə Israɛlje 6:20

Njekinjanéməs lé a kula dee gə́ yo gə́ nee no̰ Njesigənea̰’g, to né gə́ to gə kəmee doi gə́ to ka̰ njekinjanéməs ya doŋgɔ, na̰’d gə gogəro kaaree gə́ ula ləm, gə kɔbee gə́ un gə́ tar gə́ nétɔji ləm tɔ. Ɓa gée gə́ gogo ndá njḛdukun najirea lé a kaskəm kai mán-nduú gə́ mḭ lé ɓəi.

Bula lə Israɛlje 6:3

yeḛ a kɔg rəa dɔ mán-nduú gə́ mḭ’g ləm, gə dɔ nékaije gə́ miŋ ləm tɔ, yeḛ a kai ma̰-mas gə́ ra gə mán-nduú gə́ mḭ el ləm, əsé ma̰-mas gə́ ra gə nékai gə́ mḭ el ləm tɔ, yeḛ a kai nékai gə́ rara kara gə́ ra gə mán-nduú el ləm, yeḛ a sɔ kandə nduú gə́ təb əsé kandə nduú gə́ tudu nda̰ el ləm tɔ.

Lugu 1:15

Mbata yeḛ a to dəw gə́ boo kəm Mbaidɔmbaije’g lé. Yeḛ a kai mán-nduú gə́ mḭ el ləm, nékai gə́ mḭ kára kara a kɔs təa’g el ləm tɔ. Ndilmeenda ɓa a rusu mée njḭ-njḭ loo gə́ yeḛ a nai ne mee kea̰je’g ya ɓəi tɔ.

Njé gə́ Epesə 5:18

Arje mán-nduú tɔs sí naŋg el mbata yee ɓa siŋga sí a yɔ ne. Nɛ maji kar Ndil ɓa taa meḛ sí yal-yal.

1 Timote 3:3

Maji karee to gə́ ɓər lə kido el ləm, gə njera né kərm-kərm el ləm tɔ. Nɛ yeḛ a to njemeekila ləm, a to njetar el ləma, yeḛ a to njekəmkəḭ el ləm tɔ.

1 Timote 3:8

Njékaa dɔ néje lə Eglisəje kara maji kar dee to njémeekaraje ləm, d’a pata gə ndu gwɔb dee gə́ joo el ləm, d’a ra ɓər lə kido el ləma, d’a ko̰laolar el ləm tɔ.

1 Timote 5:23

Ai mán gə́ kuu kari ba kəmi gə́ kédé-kédé el, nɛ maji kai mán-nduú bəl bèe ɓa mbata dɔ wuri ləm, gə mbata rɔko̰je gə́ jɔgi ta-ta ləm tɔ.

Titə 1:7

Mbata kisi gə́ dəw gə́ njegelgodo ɓa gə́ kuma̰ karee to ne njekaa dɔ kula lə Ala lé. Maji karee to njekəsta el ləm, əsé njera oŋg kalaŋ el ləm, əsé a to ɓər lə kido el ləm, əsé a ra né kərm-kərm el ləma, əsé a to njeko̰laolar el ləm tɔ.