Ləbije 10:3 - Maktub gə́ To gə Kəmee

³ Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Ləbije 10:3 Iomraidhean Croise

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Pakɔsje 119:120

Ɓəl gə́ i ula məəm’g lé undam badə gaŋgm, Rəwta-gaŋgje ləi kara d’am m’ɓəl yaa̰ tɔ.

Pakɔsje 148:14

Yeḛ ar siŋga koso-dəwje ləa tel ḭ dɔ maree’g, Yee ɓa gə́ népidi mbata lə majikojije ləa lai ləm, Mbata lə Israɛlje gə́ d’isi mbɔree’g dəb ləm tɔ. Maji kar sí pidije Njesigənea̰ ya.

Pakɔsje 39:10

Ma lé m’isi dɔ mundu m’teḛ tam el Mbata to i nja ɓa ra née ya.

Pakɔsje 39:9

Maji kari ɔrm dan nékaltaje’g ləm lai ya Ɓó ar rɔkul-boo lə mbə-dəw oso dɔm’g el.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Pakɔsje 93:5

Ndukunje ləi lé to kankəmta ya Ɓó loo maḭyee godo, Ǝi Njesigənea̰, némeenda kɔr jol-jol to gə́ mee kəi’g ləi lé ya Gə ləbee-ləbee saar-saar gə no̰ ya.

Teḛ-Raga 14:17

Nɛ ma lé m’a gə kar meḛ njé gə́ Ejiptə ndər gə mba kar dee d’andə goo dee’g, togə́bè Parao̰ gə njérɔje ləa lai, gə pusu-rɔje ləa ləm, gə njérɔ gə kundaje ləa ləm tɔ lé d’a kar rɔnduba ləm kila ne rəa kɔd ya.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 19:22

Maji kar njékinjanéməsje gə́ d’a gə rəm pər gə́ rɔ Njesigənea̰’g lé d’unda rɔ dee gə kəmee nà banelə Njesigənea̰ a tɔl dee.

Teḛ-Raga 19:24

Njesigənea̰ ulá pana: Risi ur naŋg ya, gée gə́ gogo seḭ gə Aaro̰ a kubaje dɔ mbal lé na̰’d, nɛ njékinjanéməsje gə koso-dəwje lé maji kar dee nar na̰ loo ɓa gə mba teḛ rɔ Njesigənea̰’g el nà banelə yeḛ a tɔl dee ya.

Teḛ-Raga 30:30

I a tər ubu dɔ Aaro̰ gə ŋganeeje gə́ diŋgam’g neelé ləm, i a kɔr dee kunda dee gə kəmee mba kar dee ra kula gə́ wɔji dɔ nékinjaməs lé ləm tɔ.

Esai 39:8

Ejekias tel ila Esai keneŋ pana: Ta lə Njesigənea̰ gə́ i pa lé maji ya. Tɔɓəi yeḛ pata gə́ raŋg ɓəi pana: Mee ndɔje gə́ i a si ne kəmba lé, i a si gə́ majee ləm gə meekulɔm ləm tɔ.

Esai 49:3

Tɔɓəi yeḛ ulam pana: Ma m’to kura lə neḛ, Ma m’to Israɛl gə́ yeḛ a kiŋga nérɔnduba rɔm’g.

Esai 52:11

Ḭje lée’g neelé undaje loo teḛje, gə́ teḛje ya! Tibije mbɔr né gə́ mina̰ kára kara el! Saaje rɔ sí rɔ dee’g. Ɔrje won kaiya rɔ sí’g, Seḭ gə́ odoje nékulaje lə Njesigənea̰ lé!

Ejekel 20:41

N’a kwa sí gə́ rɔ neḛ’g asəna gə né gə́ ə̰də sululu loo gə́ n’ar sí undaje loo mbuna koso-dəwje’g teḛje ləm, n’ar sí ḭje mee ɓeeje gə́ n’sané sí keneŋ mbo̰ sí dɔ na̰’d ləm tɔ. Bèe ɓa seḭ a kundaje ne neḛ gə kəmee kəm ginkoji dəwje gə raŋg’g.

Ejekel 28:22

A pana: Mbaidɔmbaije gə́ Njesigənea̰ pa togə́bè pana: I ɓee gə́ Sido̰ lé aa oo, neḛ n’aw səi gə ta! D’a kula rɔnduba dɔ neḛ’g mee ɓee’g ləi ndá d’a gər to gə́ neḛ n’to Njesigənea̰ loo gə́ n’a gaŋg rəw-taje lə neḛ dɔi’g ləm, loo gə́ n’a riba dɔ meenda lə neḛ mee ɓee’g neelé ləm tɔ.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Ejekel 40:46

tɔɓəi ŋgon kəi gə́ təa to par gə́ dɔgel lé to mbata njékinjanéməsje to gə́ to njékaa dɔ loo-nékinjanéməsje ləm tɔ. Deḛ neelé to ŋgaka Sadɔk mbuna ŋgaka Ləbije’g lé deḛ ɓa to njékaw pər gə́ rɔ Njesigənea̰’g mba ra né kaareeje.

Ejekel 42:13

Yeḛ ulam pana: Ŋgan kəije gə́ to par gə́ dɔgel ləm, gə dɔkɔl ləm tɔ gə́ to no̰ pən loo gə́ kari ba’g lé to ŋgan kəije gə́ to gə kəmee gə́ njékinjanéməsje gə́ d’aw rɔ Njesigənea̰’g d’a sɔ néje gə́ to gə kəmee doi keneŋ, deḛ d’a kunda néje gə́ to gə kəmee doi keneŋ: nékarje ləm, néje gə́ d’inja dee gə́ məs ka̰ kuga ne dɔ kaiya ləm, gə ka̰ kalta ləm tɔ mbata lée neelé to loo gə́ to gə kəmee doi ya.

Ləbije 21:15

Yeḛ a kya̰ né gə́ mina dɔ ŋgakeaje-je gə́ gogo mbuna dəwje’g ləa el, mbata ma m’to Njesigənea̰ gə́ m’ɔree m’undá gə kəmee lé ya.

Ləbije 21:17

Ula Aaro̰ togə́bè pana: Dəw gə́ rara ɓa mbuna ginkojii’g əsé mbuna ŋgakaije’d gə́ dəb rəa tuji lé a rəm pər gə mba kun nésɔ lə Ala ləa karee el.

Ləbije 21:21

Dəw gə́ rara gə́ to ŋgoka Aaro̰ gə́ to njekinjanéməs gə́ dəb rəa tuji lé a rəm pər gə mba kinja nékinjanéməsje gə́ ka̰ roo kar Njesigənea̰ lé el, mbata dəb rəa gə́ tuji lé ndá yeḛ a ree gə mba kun nésɔ lə Ala ləa karee el.

Ləbije 21:6

D’a to dəwje gə́ to gə kəmee doi mbata lə Ala lə dee ləm, d’a ɓar ri Ala lə dee gə́ sḭ el ləm tɔ, mbata deḛ d’inja nékinjanéməsje gə́ ka̰ roo gə́ to nésɔ lə Ala gə́ d’ar Njesigənea̰ ndá d’a to gə kəmeeje doi ya.

Ləbije 21:8

Seḭ a kooje njekinjanéməs gə́ dəw gə́ to gə kəmee mbata yeḛ un nésɔ lə Ala lə sí aree, yeḛ a to dəw gə́ to gə kəmee mbata lə sí, mbata ma nja m’to Njesigənea̰ gə́ m’to gə kəmee doi gə́ m’ɔr sí m’unda sí gə kəmee lé ya.

Ləbije 22:9

D’a kaa dɔ godndumje kər-kər nà banelə ta kaiya lə dee a kwa dɔ dee kar dee d’wəi ne mbata kila gə́ d’ila ndɔl dɔ deḛ gə́ to gə kəmee’g lé.

Ləbije 8:35

Gelee gə́ nee ɓa seḭ a naije tarəw kəi-kubu-kiŋga-na̰’g lé as ndɔ sí siri dan kàrá gə loondul’g tɔɓəi seḭ a raje ne torndu Njesigənea̰ mba kar sí wəije ne el, mbata yee neelé ɓa gə́ ndukun gə́ yeḛ un am ya.

Bula lə Israɛlje 16:5

Yeḛ ula Koré gə kudu-dəwje ləa lai pana: Bèlè ɓa, Njesigənea̰ a tɔji sí dəw gə́ to gə́ kea̰ ləm, gə yeḛ gə́ to gə kəmee ləm tɔ ndá yeḛ a karee rəm pər gə́ rəa’g, dəw gə́ yeḛ nja mberee lé yeḛ a karee rəm pər gə́ rəa’g ya.

Bula lə Israɛlje 20:12

Yen ŋga Njesigənea̰ ula Moyis gə Aaro̰ pana: Mbata kɔm gə́ seḭ ɔmje meḛ sí dɔm’g gə mba kundam gə kəmee kəm Israɛlje’g el lé gelee gə́ nee ɓa, seḭ a karje koso-dəwje neelé d’andə ne mee ɓee gə́ ma m’ar dee lé el gə mbəa.

Matiyo 10:37

Yeḛ gə́ ndigi bɔbeeje əsé kea̰je undam-ma ndá ḭ ɓee ləm el ləm, yeḛ gə́ ndigi ŋgonee gə́ diŋgam əsé ŋgonee gə́ dené undam-ma kara ḭ ɓee ləm el ləma,

Tagə́maji gə́ Ja̰ ndang 12:28

Bɔm, ar rii oso gə loo mbidi-mbidi ya! Yen ŋga ndu ɓar dara pana: Rim oso gə loo mbidi-mbidi mba̰, nɛ m’a kar rim oso gə loo-loo ya tɔɓəi.

Tagə́maji gə́ Ja̰ ndang 14:13

Né gə́ rara gə́ seḭ a kwɔiyeeje gə rim ndá m’a ra née ya mba kar Bɔ-dəwje lé iŋga ne rɔnduba rɔ Ŋgon’g.

Tel tura Godndu 32:51

mbata seḭ raje kaiya ɔsmje ne rəw mbuna Israɛlje’g mbɔr manje gə́ Meriba, mee ɓee gə́ Kades, dɔdilaloo gə́ Sin ləm, seḭ ṵdamje gə kəmee mbuna Israɛlje’g el ləm tɔ.

2 Njé gə́ Tesalonikə 1:10

Loo gə́ yeḛ a ree mee ndəa’g neelé ndá dəwje ləa gə́ to gə kəmee lé d’a kula rɔnduba dəa’g ləm, deḛ lai gə́ d’ɔm meḛ dee dəa’g lé kaar dee a kwa dee paḭ ləm tɔ. Ta nee wɔji dɔ sí-seḭ to mbata seḭ taaje gin ta gə́ j’ɔr j’ar sí lé.

1 Piɛrə 4:17

Rəwta-gaŋg lé ndəa teḛ mba̰ ndá d’a kun kudee mee kəi’g lə Ala ya. Nɛ ɓó lé d’un kudee ɓee lə síjeḛ ŋga, see deḛ gə́ d’ila koji dɔ Tagə́maji’g lə Ala el lé see ndɔ gə́ rudu lə dee-deḛ lé a to né gə́ ban dɔ dee’g wa.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.

1 Samel 3:18

Yen ŋga Samel ndaji tarje lai aree ɓó iya səa dɔ né kára el. Tɔɓəi Eli pana: Yeḛ to Njesigənea̰ ya. Maji karee ra né to gə́ mée wɔji.

1 Samel 6:20

Njé gə́ Bet-Semes lé pana: See na̰ ɓa askəm kaar no̰ Njesigənea̰’g, yeḛ gə́ to Ala gə́ njerɔkunda lé wa. See rɔ na̰ ɓa sa̰duk-manrɔ lé a kaw əw keneŋ kya̰ sí wa.