Ləbije 10:19 - Maktub gə́ To gə Kəmee

¹⁹ Aaro̰ ula Moyis pana: Aa oo, ɓogənè lé deḛ d’inja nékinjaməs lə dee gə́ wɔji dɔ kuga dɔ kaiya ləm, gə nékinjaməs lə dee gə́ ka̰ roo no̰ Njesigənea̰’g ləm tɔ, tɔɓəi gə goo né gə́ teḛ dɔm’g lé ɓó lé m’usɔ da gə́ wɔji dɔ kuga dɔ kaiya lé ɓogənè ndá see né neelé a to maji kəm Njesigənea̰’g ya wa.

Ləbije 10:19 Iomraidhean Croise

Esai 1:11

Njesigənea̰ pa njaŋg pana: See ɗi ɓa m’a ra gə nékinjanéməsje lə sí Gə́ ɔs goo na̰-na̰ lé wa. Nékinjaməsje gə́ ka̰ roo Gə́ to bàl bya̰je gə ubu bɔ maŋgje lé Rɔm asm dɔ’g ŋga. Məs bɔ maŋgje, gə ka̰ badje, gə ka̰ bàl bya̰je lé Ar məəm lelm el.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 6:20

Ubu gə́ ə̰də sululu gə́ d’ḭ ne Seba ləm, Gə kamnaḭje gə́ d’ə̰də lel Gə́ d’ḭ ne dɔ ɓee gə́ əw ləm tɔ lé See m’aw ndòo dee wa. Nékinjaməsje lə sí gə́ ka̰ roo lé Lelm el ləm, Nékinjaməsje lə sí gə́ raŋg kara Taa kəm el ləm tɔ.

Ojee 9:4

Deḛ d’a kun nékar gə́ to mán-nduú Gə́ ka̰ tər naŋg kar Njesigənea̰ el ləm, Néje neelé a taa kəmee el ləm tɔ. Nékinjaməsje lə dee lé A to kasəna gə muru kwa ndòo yoo bèe. Deḛ lai gə́ d’a ko̰ muree neelé d’a tel mina̰ ne Mbata muru lə dee lé a to mbata lə dee-deḛ ya ba Ɓó d’a kandə ne mee kəi’g lə Njesigənea̰ el.

Ləbije 10:20

Moyis oo ta nee ndá ndigi səa dɔ’g ya tɔ.

Ləbije 9:12

Yeḛ inja nékinjaməs gə́ ka̰ roo lé. Ŋgalə Aaro̰ d’un məs lé d’aree ndá yeḛ saga loo-nékinjaməs’g gugu ne dəa sub tɔ.

Ləbije 9:8

Aaro̰ rəm pər gə́ loo-nékinjaməs’g ndá yeḛ inja gwɔb ŋgon maŋg mba karee to nékinjaməs gə́ wɔji dɔ kuga dɔ kaiya ləa-yeḛ.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Malasi 1:13

Seḭ pajena: Seḭ daoje ne yaa̰! Tɔɓəi seḭ unje kəm sí dəa’g rəw, Njesigənea̰ gə́ njeboo-néje lé ɓa pa bèe. Nɛ lé bèe kara seḭ reeje gə daje gə́ seḭ ɓogoje ləm, əsé gə́ d’oso məd ləma, əsé gə́ rɔ dee to dee ləm tɔ, yee ɓa gə́ nékinjanéməsje gə́ seḭ reeje ne! See m’askəm taa ji sí’g wa. Njesigənea̰ gə́ njeboo-néje lé ɓa dəji sí togə́bè.

Malasi 2:13

Aa ooje, né gə́ raŋg gə́ seḭ raje ɓəi ɓa to nee: Seḭ arje mán kəm sí tula dɔ loo-nékinjaməs lə Njesigənea̰ yal-yal ləm, seḭ no̰je tuma̰je ne ŋgururu-ŋgururu ləm tɔ saar areeje un ne kəmee rəw dɔ nékarje’g lə sí gə́ yeḛ askəm taa ji sí’g el lé.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Tel tura Godndu 26:14

Ma m’usɔ né kára kara mbuna néje’g neelé loo gə́ m’isi m’wa ndòo yoo el ləm, ma m’tuji né kára keneŋ mbata kula gə́ mina̰ el ləma, m’un né kára keneŋ m’no̰ ne yoo el ləm tɔ, ma m’ila ŋgonkoji dɔ torndu Njesigənea̰ Ala’g ləm ndá m’ra né gə goo ndukunje ləi gə́ i un am lé ya tɔ.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.

Ǝbrəje 9:8

Yee ɓa Ndilmeenda tɔji sí ar sí j’oo gao, loo gə́ kəi-kubu gə́ dɔtar nai keneŋ ɓəi ndá rəw-kaw mee kəi gə́ to gə kəmee doi lé to ne tag el ɓəi.