Ləbije 10:15 - Maktub gə́ To gə Kəmee

¹⁵ D’a ree gə ubeeje gə́ ka̰ roo na̰’d gə biŋgee gə́ ra nduree ləm, gə kaaree gə́ ra nduree no̰ Njesigənea̰’g mba kundá gə kəmee ləm tɔ, d’a to mbata ləi-i gə ŋganije səi na̰’d gə goo godndu gə́ to gə no̰ to gə́ Njesigənea̰ un ne ndia dɔ’g lé.

Ləbije 10:15 Iomraidhean Croise

Gḭ-Néje 13:15

Mbata dɔ naŋgje lai gə́ i oo lé m’a kari gə́ kaḭ ya doŋgɔ doi ləm, gə ka̰ ŋgakaije saar-saar gə no̰ ləm tɔ.

Gḭ-Néje 17:13

Lé riri kara d’a kinja tamɔd yeḛ gə́ d’ojee mee kəi’g ləi ləm, gə yeḛ gə́ ndogee gə lar ləm tɔ. Togə́bè manrɔ ləm gə́ a to darɔ sí’g lé a to manrɔ gə́ to saar-saar gə no̰.

Gḭ-Néje 17:17

Abrakam oso naŋg bəbərə dəb kəmee naŋg. Yeḛ kogo ndá pa mée’g pana: See diŋgam gə́ ra ləb tɔl (100) a koji ŋgon loo gə́ ra tɔɓəi wa. Sara kara ləbee aḭ rɔ-jinaikara (90) tɔ, nɛ see yeḛ a koji ŋgon ya tɔɓəi wa.

Gḭ-Néje 17:8

Ɓee neelé gə́ i si keneŋ asəna gə mbá bèe lé m’a kari gə́ ka̰ ŋgakaije gə́ d’a gə korè gooi, dɔ naŋg gə́ Kana̰ bura a to ka̰ dee-deḛ ya doŋgɔ doi saar-saar gə no̰ ndá m’a to gə́ Ala lə dee lé.

Teḛ-Raga 29:27

Kaar bàl badə gə biŋgee gə́ wɔji dɔ kɔr Aaro̰ gə ŋganeeje gə́ diŋgam kunda dee gə kəmee lé i a kunda dee gə kəmee ya, kaaree lé i a kula gə́ yo gə́ nee ləm, biŋgee kara i a kunee gə́ tar ləm tɔ.

Teḛ-Raga 29:28

Néje neelé d’a to ka̰ Aaro̰ gə ka̰ ŋganeeje gə́ diŋgam gə goo godndu gə́ to gə no̰ gə́ Israɛlje d’a kaa dəa kər-kər mbata to nékar gə́ d’unee gə́ tar ndá mbuna nékinjanéməsje gə́ ka̰ kɔm na̰’d gə́ Israɛlje d’a kinja lé nékar gə́ d’unee gə́ tar lé a to ka̰ Njesigənea̰ ya.

Ləbije 2:3

Ges nékar gə́ nai lé a to mbata lə Aaro̰ gə ŋganeeje ya, to né gə́ to gə kəmee doi mbuna nékarje gə́ roo no̰ Njesigənea̰’g ya.

Ləbije 3:17

Yee neelé to godndu gə́ to gə no̰ mbata ŋgaka síje gə́ kédé-kédé gə looje lai-lai gə́ seḭ a síje keneŋ ya: Seḭ a sɔje ubee əsé məsee el.

Ləbije 7:34

Mbata mbuna nékinjaməs gə́ ka̰ kɔm na̰’d gə́ Israɛlje d’a gə kinja lé ma nja m’un ndum mba kar kaar daje gə́ d’ula gə́ yo gə́ nee ləm, gə biŋgee gə́ deḛ d’ula ndiŋ gə́ tar ləm tɔ lé d’a to ka̰ Aaro̰ gə́ to njekinjanéməs gə ŋganeeje gə goo godndu gə́ to gə no̰ gə́ Israɛlje d’a ra lé ya.

Bula lə Israɛlje 5:9

Nékarje gə́ rara kara gə́ to néje gə́ d’unda dee gə kəmee gə́ Israɛlje ree ne no̰ njekinjanéməs’g lé d’a to kea̰-yeḛ nja doŋgɔ doi.