Ləbije 10:13 - Maktub gə́ To gə Kəmee

¹³ Seḭ a sɔje mee loo gə́ to gə kəmee’g, to né gə́ wɔji dɔi ləm, to né gə́ wɔji dɔ ŋganije ləm tɔ mbuna nékarje gə́ ka̰ roo no̰ Njesigənea̰’g, mbata yee ɓa to ndukun gə́ Njesigənea̰ un am ya.

Ləbije 10:13 Iomraidhean Croise

Ejekel 42:13

Yeḛ ulam pana: Ŋgan kəije gə́ to par gə́ dɔgel ləm, gə dɔkɔl ləm tɔ gə́ to no̰ pən loo gə́ kari ba’g lé to ŋgan kəije gə́ to gə kəmee gə́ njékinjanéməsje gə́ d’aw rɔ Njesigənea̰’g d’a sɔ néje gə́ to gə kəmee doi keneŋ, deḛ d’a kunda néje gə́ to gə kəmee doi keneŋ: nékarje ləm, néje gə́ d’inja dee gə́ məs ka̰ kuga ne dɔ kaiya ləm, gə ka̰ kalta ləm tɔ mbata lée neelé to loo gə́ to gə kəmee doi ya.

Ləbije 10:12

Moyis ula Aaro̰ gə Eləajar gə Itamar, ŋgalə Aaro̰ gə́ joo gə́ nai lé pana: Unje ges nékar gə́ to nduji gə́ nai mbuna nékinjanéməsje gə́ ka̰ roo dee no̰ Njesigənea̰’g lé aw sɔje lal əm-tiné mbɔr loo-nékinjaməs’g, mbata to né gə́ to gə kəmee doi ya.

Ləbije 10:14

Go̰gsɔ-kaar da gə́ ra nduree ləm, gə biŋgee gə́ ra nduree mba kunda dee gə kəmee ləm tɔ lé i gə ŋganije gə́ diŋgam gə njé gə́ dené lé seḭ a sɔje mee loo gə́ to gə kəmee’g ya, mbata to néje gə́ d’ar sí gə́ wɔji dɔi-i ləm, gə wɔji dɔ ŋganije ləm tɔ mbuna nékinjanéməsje’g lə Israɛlje gə́ ka̰ kɔm na̰’d lé.

Ləbije 2:3

Ges nékar gə́ nai lé a to mbata lə Aaro̰ gə ŋganeeje ya, to né gə́ to gə kəmee doi mbuna nékarje gə́ roo no̰ Njesigənea̰’g ya.

Ləbije 6:16

Nékar gə́ rara gə́ to kó gə́ njekinjanéməs a kun kar lé d’a roo bura ya ɓó d’a sɔ el.

Bula lə Israɛlje 18:10

Néje neelé seḭ a sɔje mee loo gə́ to gə kəmee doi’g, diŋgam gə́ rara kara a sɔ, seḭ a koo deeje gə́ néje gə́ to gə kəmee mbata lə sí ya.

Bula lə Israɛlje 5:10

Néje gə́ d’unda dee gə kəmee lé d’a to kea̰-yeḛ, néje gə́ deḛ ree d’ɔm ji njekinjanéməs’g lé d’a to kea̰ ya.