Ləbije 10:12 - Maktub gə́ To gə Kəmee

¹² Moyis ula Aaro̰ gə Eləajar gə Itamar, ŋgalə Aaro̰ gə́ joo gə́ nai lé pana: Unje ges nékar gə́ to nduji gə́ nai mbuna nékinjanéməsje gə́ ka̰ roo dee no̰ Njesigənea̰’g lé aw sɔje lal əm-tiné mbɔr loo-nékinjaməs’g, mbata to né gə́ to gə kəmee doi ya.

Ləbije 10:12 Iomraidhean Croise

2 Sôrta Gḭka Israɛlje 31:14

Koré, ŋgolə Jimna gə́ to Ləbi ɓa to njeŋgəm takəi gə́ par gə́ bər lé ləm, yeḛ to njekoo goo nékarje gə́ d’ḭ gə meḛ dee d’un d’ar Ala ləma, gə mba kai néje gə́ d’un tɔji Njesigənea̰ gə néje gə́ to gə kəmee doi ləm tɔ.

Esdras 7:5

gə́ to ŋgolə Abisua, gə́ to ŋgolə Pines, gə́ to ŋgolə Eləajar, gə́ to ŋgolə Aaro̰ gə́ to ŋgɔ-njekinjanéməs lé.

Teḛ-Raga 29:2

I a ra muru gə́ lal əm-tiné ləm, gə mbə gə́ kila gə́ əm-tiné godo keneŋ ɓa saga ubu dɔ’g ləm tɔ, néje neelé i a ra dee gə nduji kó gə́ ndá léréré.

Teḛ-Raga 29:33

D’a sɔ né gə́ wɔji dɔ kuga dɔ kaiya togə́bè tɔ, gə mba kɔr dee ne kunda dee gə kəmee ɓəd mbata lə Ala ya ləm, a kunda dee gə kəmee doi ləm tɔ, nɛ dəw-dɔ-ɓee kára kara a sɔ néje neelé el mbata to néje gə́ to gə kəmee ya.

Teḛ-Raga 6:23

Aaro̰ taa dené gə́ ria lə Eliseba, ŋgolə Aminadab gə́ dené gə́ to ko̰ na̰ Nasonje, yeḛ oji səa Nadab, Abihu, Eləajar gə Itamar.

Ejekel 44:29

D’a kul rɔ dee gə nékarje gə nékinjanéməsje gə́ ka̰ kuga dɔ kaiya ləm, gə ka̰ kalta ləm tɔ, tɔɓəi néje lai gə́ deḛ d’unda gə kəmee mbata lə neḛ mee ɓee gə́ Israɛl ndá a to mbata lə dee-deḛ ya.

Ləbije 10:13

Seḭ a sɔje mee loo gə́ to gə kəmee’g, to né gə́ wɔji dɔi ləm, to né gə́ wɔji dɔ ŋganije ləm tɔ mbuna nékarje gə́ ka̰ roo no̰ Njesigənea̰’g, mbata yee ɓa to ndukun gə́ Njesigənea̰ un am ya.

Ləbije 21:22

Yeḛ a kaskəm sɔ nésɔ lə Ala ləa ya, néje gə́ to gə kəmee doi ləm, gə néje gə́ to gə kəmee ləm tɔ.

Ləbije 24:9

Mbəje neelé a to ka̰ Aaro̰ gə ka̰ ŋganeeje ndá d’a sɔ mee loo gə́ to gə kəmee’g, mbata a to né gə́ to gə kəmee doi mbata lə dee, a to ges nékar gə́ ka̰ roo no̰ Njesigənea̰’g. Yee ɓa to godndu gə́ to gə no̰ ya.

Ləbije 7:9

Nékarje gə́ rara gə́ nuŋga mee bwa-bṵda’g, əsé nuŋga gə́ nuŋga, əsé d’ɔb əb’d kara a to ka̰ njekinjanéməs gə́ un lé ya.

Bula lə Israɛlje 3:2

Ri ŋgalə Aaro̰ ɓa nee: Nadab, ŋgondəree ləm, Abihu ləm, Eləajar ləma, gə Itamar ləm tɔ.