Ləbije 10:1 - Maktub gə́ To gə Kəmee

¹ Nadab gə Abihu, deḛ gə́ to ŋgalə Aaro̰ lé nana kara un bai-su-né ləa-ləa ɓa d’ɔm pər keneŋ tɔɓəi d’ɔm né gə́ ə̰də sululu dɔ’g tɔ, ndá d’aw d’aar ne no̰ Njesigənea̰’g gə pər gə́ gə goo rəbee el, mbata yeḛ un ndia dɔ’g ar dee el.

Ləbije 10:1 Iomraidhean Croise

1 Mbaije 18:38

Yen ŋga pər lə Njesigənea̰ oso bib ndá roo nékinjaməs lé dula-dula ləm, o̰ kir ləm, gə kɔr mbalje gə naŋg ləma, gə njibi mán gə́ mee bwa’g lé kara nja̰-nja̰ ləm tɔ.

Pakɔsje 141:2

Maji kar tamaji ləm tɔ nɔḭ’g Asəna gə né gə́ ə̰də sululu bèe ləm, Maji kar jim gə́ m’odo gə́ tar rəw lé To asəna gə nékar gə́ d’ari dɔ kàr’g bèe ya ləm tɔ.

Teḛ-Raga 24:1

Ala ula Moyis pana: Al ree rɔ Njesigənea̰’g i seḭ gə Aaro̰, gə Nadab, gə Abihu, gə ŋgatɔgje lə Israɛlje rɔ-siri ndá seḭ a kundaje barmba gə kuree ɗegəse.

Teḛ-Raga 24:9

Moyis deḛ gə Aaro̰, gə Nadab, gə Abihu, gə ŋgatɔgje lə Israɛlje gə́ rɔ-siri lé d’al d’aw dɔ mbal’g tar.

Teḛ-Raga 27:3

D’a ra bai ləm, gə əb-kuba-pərje ləm, gə baije ləm, gə kag-larje gə́ ta dee tɔ ja̰-ja̰ ləma, gə jo-pərje ləm tɔ mbata lə loo-nékinjaməs neelé, nékulaje lai gə́ wɔji dəa neelé d’a ra dee gə lar gə́ kas ya.

Teḛ-Raga 28:1

Maji kari ar ŋgokɔḭ Aaro̰ gə ŋganeeje gə́ diŋgam rəm pər gə́ rɔi’g ndá ɔr dee mbuna Israɛlje’g mba kunda dee gə kəmee gə mba karee ra kula gə́ wɔji dɔ nékinjaməs kam. Aaro̰ gə ŋganeeje gə́ diŋgam gə́ Nadab, gə Abihu, gə Eləajar, gə Itamar tɔ.

Teḛ-Raga 31:11

ubu gə́ ka̰ tər dɔ dəw’g kundá ne gə kəmee ləm, gə néje gə́ ə̰də sululu mbata lə loo gə́ to gə kəmee ləm tɔ. D’a ra néje lai gə goo ndukunje gə́ ma m’un ne ndum m’ari dɔ’g lé ya.

Teḛ-Raga 37:29

Yeḛ ra ubu gə́ ka̰ tər dɔ dəw’g kundá ne gə kəmee ləm, gə kuma̰ gə́ ə̰də sululu gə́ àr ŋgad-ŋgad to gə́ njepodé né podé ne kuma̰ gə́ ə̰də sululu bèe ləm tɔ.

Teḛ-Raga 38:3

Yeḛ ra nékulaje gə́ wɔji dɔ loo-nékinjaməs lé lai, baije gə́ tad ləm, gə əbje ləm, gə baije gə́ ka̰ saga məs ləm, gə kag-larje gə́ ta dee tɔ ja̰-ja̰ ləma, gə jo-pərje ləm tɔ, nékulaje lai neelé yeḛ ra dee gə lar gə́ kas ya.

Teḛ-Raga 40:27

ndá deḛ tuu kuma̰ gə́ ə̰də sululu dɔ’g, to gə́ Njesigənea̰ un ne ndia ar Moyis lé ya.

Teḛ-Raga 6:23

Aaro̰ taa dené gə́ ria lə Eliseba, ŋgolə Aminadab gə́ dené gə́ to ko̰ na̰ Nasonje, yeḛ oji səa Nadab, Abihu, Eləajar gə Itamar.

Teḛ-Raga 8:27

Njesigənea̰ ra né gə́ Moyis dəjee lé ya, ndá ar kəm mbàje lé d’ɔr rɔ dee pam rɔ Parao̰’g ləm, gə rɔ kuraje’g ləa ləma, gə rɔ dəwje’g ləa ləm tɔ. Yee gə́ kára kara nai lée’g neelé el ŋga.

Jeremi 19:5

Deḛ ra dɔ looje gə́ ndəw d’ar magə-Baal mba roo ŋgan deeje keneŋ gə́ nékinjaməs kar magə-Baal. Yee ɓa to né gə́ ma m’un ne ndum mba kar dee ra əsé m’wɔji mba kar dee ra bèe lé el ləm, to né gə́ ree dan takə̰ji’g ləm kara el ləm tɔ.

Jeremi 32:35

Deḛ d’uba dɔ looje gə́ ndəw d’ar magə-Baal mee wəl-loo gə́ Ben-Hinom gə mba roo ŋgan deeje gə́ diŋgam gə njé gə́ dené keneŋ kar magə-Molok. Yee ɓa to né gə́ ma m’un ndum dɔ’g m’ar dee nda̰ el. Kar dee ra néje gə́ to kḛji togə́bè mba kar Judaje ra ne kaiya lé takə̰jee ree dɔm’g nda̰ el.

Jeremi 44:15

Diŋgamje lai gə́ d’oo to gə́ denéje lə dee d’aw roo né gə́ ə̰də sululu d’ar magəje ləm, gə denéje lai gə́ d’aar lée’g nee gə bula dee lé ləma, gə koso-dəwje lai gə́ d’isi mee ɓee gə́ Ejiptə mee ɓee-boo gə́ Patros ləm tɔ lé d’ila Jeremi keneŋ pana:

Jeremi 44:8

See gelee ban ɓa seḭ arje məəm ḭ səm jugugu gə néje gə́ seḭ raje gə ji sí, tuuje ne né gə́ ə̰də sululu arje magəje gə́ mee ɓee gə́ Ejiptə gə́ seḭ ree síje keneŋ lé gə mba kam m’ar sí uduje ne guduru ləm, gə kar sí toje ne nékila ndɔl dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg’g lai dɔ naŋg nee bèe wa.

Jeremi 7:31

Deḛ ra loo-nékinjaməs mee loo gə́ Topet, mee wəl-loo gə́ Ben-Hinom, gə mba roo ŋgan deeje gə́ diŋgam gə njé gə́ dené keneŋ! To né gə́ ma m’un ndum dɔ’g el ləm, takə̰ji gə́ togə́bè kara ree dɔm’g el ləm tɔ.

Ləbije 16:1

Njesigənea̰ ula Moyis ta goo kwəi’g lə ŋgalə Aaro̰je gə́ joo gə́ d’wəi loo gə́ deḛ d’aw d’aar no̰ Njesigənea̰’g lé.

Ləbije 16:12

Yeḛ a kun əb gə́ kul gə́ taa pər gəgəgə rusu gə́ d’ɔr loo-nékinjaməs’g no̰ Njesigənea̰’g lé ləm, gə nduji né gə́ ə̰də sululu as ŋgo jia joo ləm tɔ, yeḛ a kodo néje neelé kaw ne njal gir kubu gə́ gaŋg ne mee kəi gə́ to gə kəmee doi’g lé.

Ləbije 22:9

D’a kaa dɔ godndumje kər-kər nà banelə ta kaiya lə dee a kwa dɔ dee kar dee d’wəi ne mbata kila gə́ d’ila ndɔl dɔ deḛ gə́ to gə kəmee’g lé.

Ləbije 9:24

Pər ḭ no̰ Njesigənea̰’g ndá roo nékinjaməs gə́ ka̰ roo gə ubuje gə́ to loo-nékinjaməs’g lé. Koso-dəwje lai d’oo ndá deḛ ra né u-u-u gə rɔlel tɔɓəi deḛ d’oso rəb dəb kəm dee naŋg tɔ.

Bula lə Israɛlje 26:61

Nadab gə Abihu d’wəi loo gə́ deḛ d’un pər gə́ raŋg ree ne no̰ Njesigənea̰’g lé.

Bula lə Israɛlje 4:18

Undaje kəmkàr dɔ rɔ sí’g mba kar ginkojije lə gel-bɔje lə Keatje lé d’a kɔr dee mbuna Ləbije’g el.

Tel tura Godndu 17:3

aw ne rɔ magəje’g gə mba pole dee kunda ne barmba no̰ dee’g, lé to gə́ kàr əsé gə́ naḭ əsé boo-néje lai gə́ dara kara, to gə́ ndum ma el.

Tel tura Godndu 4:2

Seḭ a kilaje ta gə́ raŋg kára kara dɔ ta gə́ ma m’un ne ndum m’ar sí nee lé el ləm, seḭ a kɔrje ta kára kara keneŋ el ləm tɔ, nɛ seḭ a kaaje dɔ godndu Ala lə sí gə́ Njesigənea̰ kər-kər gə mba karee to gə goo taree gə́ m’ndaŋg ne m’ar sí lé ya.

Ǝbrəje 9:4

ndá loo-tuu-né gə́ ra gə larlɔr mba tuu ne néje gə́ ə̰də sululu dɔ’g to keneŋ ləm, sa̰duk-manrɔ gə́ d’ɔr giree lai gə larlɔr to keneŋ ləm tɔ. Jo gə́ léḛ gə larlɔr gə́ d’ɔm muru gə́ ḭ dara mée’g lé to mee sa̰duk’g ləm, kag-tɔs lə Aaro̰ gə́ idi to keneŋ ləma, bəgərə mbalje gə́ ndaŋg ta manrɔ dɔ’g to keneŋ ləm tɔ.