Ləbije 1:9 - Maktub gə́ To gə Kəmee

⁹ Yeḛ a togo ŋgan siḭ da lé gə gɔleeje gə man ndá njekinjanéməs lé a roo néje neelé lai dɔ loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 1:9 Iomraidhean Croise

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

1 Sôrta Gḭka-Israɛlje 6:34

Aaro̰ gə ŋgakeaje lé deḛ d’inja nékinjanéməsje dɔ loo-nékinjaməs’d gə́ to ka̰ roo ləm, deḛ tuu né gə́ ə̰də sululu dɔ loo-nékinjaməs’g ləm tɔ, deḛ ra kulaje lai neelé mee loo gə́ to gə kəmee doi’g d’uga ne dɔ kaiyaje lə Israɛlje gə goo taje lai gə́ Moyis, kura lə Ala un ndia dɔ’g ar dee lé tɔ.

2 Sôrta Gḭka Israɛlje 4:6

Deḛ ra bai-gelje dɔg ndá unda dee mi par gə́ dɔkɔl ləm, gə mi par gə́ dɔgel ləm tɔ gə mba togo ne néje, deḛ togo nékinjanéməsje gə́ na̰je gə́ ka̰ roo keneŋ. Man gə́ mee bai-togo-rɔ’g lé to gə mba kar njékinjanéməsje togo ne rɔ dee.

Pakɔsje 51:6

M’ra kaiya m’ɔs ne ta ləi-i nja rəw ləm, M’ra ne né gə́ to kḛji kəmi’g, Bèe ɓa ta gə́ i a gaŋg lé A to gə dɔ najee ləm, Rəwta-gaŋg ləi kara Dəw a kimi dɔ’g el ləm tɔ.

Pakɔsje 66:15

M’a kinja badje gə́ rɔ dee ər ndəb-ndəb gə́ nékinjanéməsje Gə́ m’a roo kari na̰’d gə ubu bàl bya̰je. M’a kinja badje gə bàl bya̰je na̰’d gə́ nékinjanéməsje kari ya.

Teḛ-Raga 12:9

D’a tibi dɔ pər’g gə́ tibi ba sɔ el ləm, d’a ndiri gə mán karee ər lam ba gə mba sɔ el ləm tɔ, nɛ d’a nuŋga dɔ pər’g gə dəa, gə gɔleeje, gə dəaje gə́ mée’g bura ya karee no̰ so̰-so̰ tɔ.

Teḛ-Raga 29:18

I a roo bàl badə neelé bura loo-nékinjaməs’g, yee ɓa to nékinjaməs gə́ ka̰ roo kar Njesigənea̰ ləm, to nékinjaməs gə́ ka̰ roo dula-dula gə́ baḭyee ə̰də lel Njesigənea̰ ləm tɔ.

Teḛ-Raga 29:25

Gée gə́ gogo i a taa néje neelé ji dee’g ndá, a kɔm dee dɔ nékinjaməs gə́ ka̰ roo’g lé, tɔɓəi i a roo dee dɔ loo-nékinjaməs’g lé. Yee ɓa gə́ nékinjaməs gə́ pər roo dula-dula no̰ Njesigənea̰’d gə́ baḭyee ə̰də lel Njesigənea̰ ya.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 20:41

N’a kwa sí gə́ rɔ neḛ’g asəna gə né gə́ ə̰də sululu loo gə́ n’ar sí undaje loo mbuna koso-dəwje’g teḛje ləm, n’ar sí ḭje mee ɓeeje gə́ n’sané sí keneŋ mbo̰ sí dɔ na̰’d ləm tɔ. Bèe ɓa seḭ a kundaje ne neḛ gə kəmee kəm ginkoji dəwje gə raŋg’g.

Ejekel 40:38

Ŋgon kəi kára təa to wɔji dɔ kag-tabidi-rəwkəije, lé neelé ɓa to loo-togo nékinjanéməsje gə́ ka̰ roo keneŋ.

Ləbije 1:13

Yeḛ a togo ŋgan siḭ da lé gə gɔleeje gə man, ndá njekinjanéməs a roo néje neelé lai loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 1:17

Yeḛ a ta̰ bagee kya̰ keneŋ lal kɔr, ndá njekinjanéməs lé a roo né neelé loo-nékinjaməs’g, dɔ ta kir gə́ dɔ pər’d. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 2:16

Njekinjanéməs lé a roo ges kandə kó gə́ kusu ləm, gə ubu ləma, gə né gə́ ə̰də sululu bura ləm tɔ asəna gə nékolé-mee-dɔ’g bèe. Yee ɓa to nékar gə́ ka̰ roo no̰ Njesigənea̰’g lé ya.

Ləbije 2:2

Yeḛ a kaw ne rɔ njékinjanéməsje gə́ to ŋgalə Aaro̰ ndá njekinjanéməs lé a kɔr nduji gə́ ndá léréré gə́ saga ubu dɔ’g neelé, gə né gə́ ə̰də sululu lé bura ya ləm tɔ as ŋgo ji dəw kára ndá yeḛ a rée loo-nékinjaməs’g asəna gə nékolé-mee bèe. To nékar Ala gə́ baḭyee ə̰də lel Njesigənea̰ ya.

Ləbije 2:9

Njekinjanéməs lé a kɔr né gə́ kəm kolé-mee-dɔ’g lé kédé ɓa a rée loo-nékinjaməs’g ɓəi. To nékar gə́ baḭyee ə̰də lel Njesigənea̰ ya.

Ləbije 3:11

Njekinjanéməs a roo néje neelé loo-nékinjaməs’g. To nésɔ gə́ to nékinjaməs gə́ roo no̰ Njesigənea̰’g ya.

Ləbije 3:5

Ŋgalə Aaro̰ lé d’a roo néje neelé loo-nékinjaməs’g korè ne dɔ nékinjaməs gə́ ka̰ roo gə́ to dɔ kir’d gə́ d’ɔm dɔ pər’d lé. To nékinjaməs gə́ ka̰ roo gə́ baḭyee ə̰də lel Njesigənea̰ ya.

Ləbije 4:31

Njekinjanéməs a kɔr ubeeje lai to gə́ d’ɔr ne ubu nékinjaməs gə́ ka̰ kɔm na̰’d bèe lé tɔ ndá yeḛ a roo loo-nékinjaməs’g, bèe ɓa a to ne né gə́ baḭyee ə̰də lel Njesigənea̰ ɓəi. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 6:14

D’a kila mee əb’g gə ubu ndá loo gə́ ɔb mba̰ ɓa i a ree ne ɓəi, mbə gə́ d’ila lé i a təd dana gə́ gajeeje ɓa ree ne ɓəi, karee to asəna gə nékar gə́ baḭyee ə̰də lel Njesigənea̰ bèe.

Ləbije 8:21

Yeḛ togo ŋgan siḭyeje gə gɔleeje gə mán ndá yeḛ roo dee gə ges bàl badə gə́ nai loo-nékinjaməs’g lé: to nékinjaməs gə́ roo ləm, to nékinjaməs gə́ ka̰ roo gə́ baḭyee ə̰də lel Njesigənea̰ ləm tɔ, to gə́ Njesigənea̰ un ne ndia aree lé ya.

Ləbije 8:28

Tɔɓəi Moyis taa néje neelé lai ji dee’g aw roo dee loo-nékinjaməs’g dɔ nékinjaməs gə́ ka̰ roo’g: yee ɓa to nékinjaməs gə́ wɔji dɔ kunda dee gə kəmee kɔm kula ji dee’g, to nékinjaməs gə́ roo gə́ baḭyee ə̰də lel Njesigənea̰ tɔ.

Ləbije 9:14

Yeḛ togo ŋgan siḭyeje gə gɔleeje ndá yeḛ roo dee dɔ nékinjaməs gə́ ka̰ roo gə́ to dɔ loo-nékinjaməs’g lé tɔ.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Bula lə Israɛlje 15:3

loo gə́ seḭ injaje nékinjanéməsje gə́ ka̰ roo kar Njesigənea̰ lé, lé to nékinjaməs gə́ ka̰ roo əsé nékinjaməs gə́ ka̰ tɔl ne ta ndukun əsé to gə́ nékarnoji gə́ dəw ḭ gə mée mba ra əsé loo ra naḭje lə sí kara nékulje lə sí gə́ boi-boi əsé njé gə́ lam-lam ba gə́ d’a tel to né gə́ baḭyee ə̰də lel Njesigənea̰ lé

Bula lə Israɛlje 28:11

Loo gə́ naḭje lə sí teḛ sigi lé ndá nékinjanéməsje gə́ ka̰ roo gə́ seḭ a kinjaje kar Njesigənea̰ ɓa to nee: Bɔ maŋgje joo ləm, bàl badə kára ləma, gə ŋgan badje siri gə́ ra ləb kára-kára gə́ rɔ dee mina̰ el ləm tɔ.

Bula lə Israɛlje 28:7

Nékai gə́ ka̰ tər naŋg lé a to mán-nduú gə́ mḭ as litər kára gə gesee mbata lə ŋgon badə kára-kára, mee loo gə́ to gə kəmee’g lé ɓa i a tər nékai gə́ to mán-nduú gə́ mḭ keneŋ kar Njesigənea̰.

Bula lə Israɛlje 28:8

Seḭ a kinjaje ŋgon badə gə́ njekɔm’g joo lé loo gə́ kàr a gə kandə, na̰’d gə nékar gə́ to nduji ləm, gə nékai gə́ ka̰ tər naŋg ləm tɔ, asəna gə njé gə́ ra gə ndɔ lé bèe, yee ɓa to nékinjaməs gə́ roo gə́ baḭyee ə̰də lel Njesigənea̰ ya.

2 Njé gə́ Kɔrḭtə 2:15

Jeḛ lé j’isi mbuna njé gə́ d’aji’g ləm, gə mbuna deḛ gə́ d’a gə saḭ’g ləm tɔ, nɛ jeḛ j’ə̰də baḭ Kristi ɓa no̰ Ala’g lé.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Tel tura Godndu 12:27

Seḭ a kunje nékinjanéməsje lə sí gə́ ka̰ roo ndá seḭ a kɔmje dakas dee ləm gə məs dee ləm tɔ dɔ loo-nékinjaməs’g lə Ala lə sí gə́ Njesigənea̰, mbuna nékinjanéməsje’g lə sí gə́ raŋg lé seḭ a kɔmje məs dee dɔ loo-nékinjaməs’g lə Ala lə sí gə́ Njesigənea̰ nɛ dakas dee ɓa seḭ a sɔje ya.

Njé gə́ Pilibə 4:18

Ma m’iŋga néje lai m’isi danee bèdèg ya. Némajije gə́ seḭ ulaje ne Epaproditə areeje am lé m’iŋga dee m’ar dee taa rɔm pəl-pəl ya. Néje neelé to asəna gə né gə́ ə̰də sululu ləm, asəna gə nékinjaməs gə́ baḭyee ə̰də lel Ala lé gə́ taa ne kəmee rəgm tɔ.