Ləbije 1:4 - Maktub gə́ To gə Kəmee

⁴ Yeḛ a kila jia dɔ nékinjaməs gə́ ka̰ roo’g neelé ndá a taa ne kəm Njesigənea̰ mba karee ɔr ne ta dɔ debee’g neelé ya.

Ləbije 1:4 Iomraidhean Croise

Teḛ-Raga 28:38

Mbɔr lé to ŋgono̰ Aaro̰’g mba kar Aaro̰ taa ne ta kaiya ra Israɛlje dəa’g loo gə́ yeḛ odo nékarje lə deḛ lai gə́ to gə kəmee aar ne, mbɔr lé a tɔ ŋgonea̰’g ta-ta no̰ Njesigənea̰’g mba kar Njesigənea̰ wa dee ne gə́ rəa’g.

Teḛ-Raga 29:10

D’a ree gə bɔ maŋg no̰ kəi-kubu-kiŋga-na̰ gə́ to gə kəmee’g ndá Aaro̰ gə ŋganeeje gə́ diŋgam d’a kila ji dee dɔ bɔ maŋg’g neelé.

Teḛ-Raga 29:15

D’a kwa bàl badə gə́ kára ndá Aaro̰ deḛ gə ŋganeeje gə́ diŋgam d’a kila ji dee dɔ bàl badə’g lé.

Teḛ-Raga 29:19

D’a kwa bàl badə gə́ raŋg ndá Aaro̰ gə ŋganeeje gə́ diŋgam d’a kila ji dee dɔ bàl badə’g neelé tɔ.

Teḛ-Raga 29:33

D’a sɔ né gə́ wɔji dɔ kuga dɔ kaiya togə́bè tɔ, gə mba kɔr dee ne kunda dee gə kəmee ɓəd mbata lə Ala ya ləm, a kunda dee gə kəmee doi ləm tɔ, nɛ dəw-dɔ-ɓee kára kara a sɔ néje neelé el mbata to néje gə́ to gə kəmee ya.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Ejekel 45:15

Mbuna koso-badje tɔl-joo (200) gə́ d’aar loo-ko̰-mu gə́ idi lururu’g mee ɓee gə́ Israɛl lé seḭ a kwaje ŋgon badə keneŋ kára kar gə́ nékar ləm, gə nékinjaməs gə́ ka̰ roo ləma, gə nékinjaməs gə́ ka̰ ra oiyo ləm tɔ, gə mba karee to nékoga dɔ kaiya lə sí, Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Ləbije 16:21

Aaro̰ a kodo jia bɔr kɔm dɔ bàl bya̰ gə́ nai kəmba’g lé ndá yeḛ a teggin kaiyaje lə Israɛlje lai ləm, gə kaltaje lə deḛ lai gə́ deḛ ra ne kaiya ləm tɔ lé kɔm dɔ bàl bya̰’g neelé, yeḛ a kɔm dee dɔ bàl bya̰’g neelé tɔɓəi yeḛ a tubá kar dəw kára gə́ kula nee wɔji dəa lé aw səa ilá par gə́ dɔdilaloo’g.

Ləbije 16:24

Yeḛ a ndogo mán mee loo gə́ to gə kəmee’g ndá a tel kula kubuje ləa rəa’g gogo tɔ. Tɔɓəi yeḛ a kunda loo teḛ ndá a kinja nékinjaməs ləa gə́ ka̰ roo lé ləm, gə nékinjaməs lə koso-dəwje gə́ ka̰ roo lé ləm tɔ, bèe ɓa yeḛ a ra né gə́ gə mba kuga ne dɔ kaiya ləa-yeḛ ləm gə ka̰ koso-dəwje lé ləm tɔ.

Ləbije 22:21

Ɓó lé dəw kára inja da-kul gə́ boi əsé yee gə́ lam gə́ nékinjaməs gə́ ka̰ kɔm na̰’d gə Njesigənea̰ əsé gə mba tɔl ne ta ndukun ləa əsé gə́ nékar gə́ wɔji dɔ kḭ gə mée ra lé ndá da nékinjaməs neelé rəa a kya̰ maree el gə mba karee taa kəm Njesigənea̰, né gə́ majel kára kara a teḛ rəa’g el.

Ləbije 22:27

Ŋgon maŋg əsé ŋgon badə əsé ŋgon bya̰, loo gə́ d’ojee ndá a nai gel kea̰’g as ndɔ siri, un kudee mee ndɔ’g jinaijoo ləa saar gə́ kédé lé yee a kaskəm to nékinjaməs gə́ ka̰ roo kar Njesigənea̰ karee taa kəmee rəgm ya.

Ləbije 3:13

Yeḛ a kila jia dɔ da-kul’g ləa gə́ d’a gə kḭjá gə́ məs lé ndá yeḛ a kinja gwɔbee no̰ kəi-kubu-kiŋga-na̰’g ndá ŋgalə Aaro̰ d’a saga məsee loo-nékinjaməs’g gugu ne dəa sub.

Ləbije 3:2

Yeḛ a kila jia dɔ da-kul’g ndá a kinja gwɔbee tarəw kəi-kubu-kiŋga-na̰’g ndá njékinjanéməsje gə́ to ŋgalə Aaro̰ lé d’a saga məsee loo-nékinjaməs’g gugu sub ya.

Ləbije 3:8

Yeḛ a kila jia dɔ da-kul’d gə́ d’a gə kḭjá gə́ məs lé ndá yeḛ a kinja gwɔbee tarəw kəi-kubu-kiŋga-na̰’g, ndá ŋgalə Aaro̰ d’a saga məsee loo-nékinjaməs’g gugu ne sub.

Ləbije 4:15

Ŋgatɔgje lə Israɛlje lé d’a kila ji dee dɔ bɔ maŋg’d neelé no̰ Njesigənea̰’g ndá d’a kinja gwɔb bɔ maŋg neelé no̰ Njesigənea̰’g ya.

Ləbije 4:20

Yeḛ a ra gə bɔ maŋg neelé to gə́ deḛ ra gə bɔ maŋg gə́ ka̰ kiŋga meekoso lemsé lé. Yeḛ a ra səa bèe ya. Togə́bè ɓa njekinjanéməs a ra bèe mba kuga ne dɔ dee ndá d’a kiŋga ne meekoso lemsé lé ya.

Ləbije 4:24

Yeḛ a kila jia dɔ bàl bya̰’g ndá a tel kinja gwɔbee loo gə́ d’inja nékinjanéməsje gə́ ka̰ roo keneŋ no̰ Njesigənea̰’g. To nékinjaməs gə́ ka̰ kiŋga meekoso lemsé lé ya.

Ləbije 4:26

Yeḛ a roo ubeeje lai loo-nékinjaməs’g to gə́ deḛ ra gə ubu nékinjaməs gə́ ka̰ kɔm na̰’d lé bèe ya. Yee gə́ bèe ɓa njekinjanéməs lé a ra mbata lə mbai neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 4:29

Yeḛ a kila jia dɔ da-kul gə́ ka̰ kiŋga meekoso lemsé’g lé ndá a kinja gwɔbee loo gə́ d’inja gwɔb nékinjanéməsje gə́ ka̰ roo keneŋ lé.

Ləbije 4:31

Njekinjanéməs a kɔr ubeeje lai to gə́ d’ɔr ne ubu nékinjaməs gə́ ka̰ kɔm na̰’d bèe lé tɔ ndá yeḛ a roo loo-nékinjaməs’g, bèe ɓa a to ne né gə́ baḭyee ə̰də lel Njesigənea̰ ɓəi. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 4:33

Yeḛ a kila jia dɔ da-kul’g neelé ndá a tel kinja gwɔbee asəna gə nékinjaməs gə́ ka̰ kiŋga meekoso lemsé loo gə́ d’inja gwɔb nékinjanéməsje gə́ ka̰ roo keneŋ lé.

Ləbije 4:35

Njekinjanéməs lé a kɔr ubeeje lai to gə́ d’ɔr ne ubu ŋgon badə gə́ to gə́ nékinjaməs gə́ ka̰ kɔm na̰’d bèe lé ndá yeḛ a roo loo-nékinjaməs’g asəna gə nékinjaməs gə́ deḛ roo no̰ Njesigənea̰’g lé tɔ. Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra ndá yeḛ a kiŋga ne meekoso lemsé ya tɔ.

Ləbije 4:4

Yeḛ a ree gə bɔ maŋg neelé tarəw kəi-kubu-kiŋga-na̰’g no̰ Njesigənea̰’g, ndá yeḛ a kila jia dɔ bɔ maŋg’d neelé ɓa a tel kinja gwɔbee no̰ Njesigənea̰’g ɓəi.

Ləbije 5:6

Tɔɓəi yeḛ a ree gə nékinjaməs gə́ ka̰ kiŋga meekoso lemsé kar Njesigənea̰ ndá a to ma̰də nékulje gə́ asəna gə ma̰də badə əsé ma̰də bya̰ mba karee to da kuga dɔ kaiya. Bèe ɓa njekinjanéməs lé a ra né kɔr ne ta kaiya ləa dəa’g ya.

Ləbije 6:7

Aa ooje, godndu gə́ wɔji dɔ nékar gə́ to nduji ɓa to nee: Ŋgalə Aaro̰ lé d’a kaw ne no̰ Njesigənea̰’g no̰ loo-nékinjaməs’g lé ya.

Ləbije 8:14

Yeḛ ar dee ree gə bɔ maŋg gə́ wɔji dɔ kuga dɔ kaiya ndá Aaro̰ gə ŋganeeje d’ɔm ji dee dɔ bɔ maŋg gə́ ka̰ kuga dɔ kaiya lé tɔ.

Ləbije 8:18

Yeḛ ar dee ree gə bàl badə gə́ nékinjaməs gə́ ka̰ roo ndá Aaro̰ gə ŋganeeje lé d’ɔm ji dee dɔ bàl badə’g neelé tɔ.

Ləbije 8:22

Yeḛ ar dee ree gə bàl badə gə́ kára gə́ nai lé, to bàl badə gə́ wɔji dɔ kunda dee ne gə kəmee kɔm kula ji dee’g ndá Aaro̰ gə ŋganeeje d’ɔm ji dee dɔ bàl badə’g neelé.

Ləbije 9:7

Moyis ula Aaro̰ pana: Maji kari rəm pər gə́ loo-nékinjaməs’g, ndá inja nékinjaməs ləi gə́ wɔji dɔ kuga dɔ kaiya ləm, gə nékinjaməs ləi gə́ ka̰ roo ləm tɔ, mba kuga ne dɔ kaiya ləi-i ləm, gə ka̰ koso-dəwje ləm tɔ, tɔɓəi i a kinja nékinjaməs lə koso-dəwje mba kuga ne dɔ kaiya lə dee-deḛ to gə́ Njesigənea̰ un ne ndia lé tɔ.

Bula lə Israɛlje 15:25

Njekinjanéməs a ra né mba kuga ne dɔ kaiya lə koso-dəwje gə́ Israɛl lai ndá mee Ala a koso lemsé dɔ dee’g, mbata deḛ ra kaiya dɔ mbə’g lal gər gelee, tɔɓəi deḛ ree gə nékar lə deḛ gə́ to nékinjaməs gə́ ka̰ roo gə́ wɔji dɔ Njesigənea̰ ləm, gə da-nékinjaməs gə́ ka̰ kuga dɔ kaiya no̰ Njesigənea̰’g ləm tɔ mbata lə kaiya gə́ deḛ ra dɔ mbə’g lal gər gelee lé.

Bula lə Israɛlje 15:28

Njekinjanéməs a ra né no̰ Njesigənea̰’g mba kuga ne dɔ dəw kára gə́ ra kaiya dɔ mbə’g lal gər gelee lé, loo gə́ yeḛ ra né mba kuga ne dəa mba̰ ndá mee Ala a koso lemsé dəa’g ya.

Bula lə Israɛlje 25:13

Yee ɓa a to manrɔ gə́ to gə no̰ gə́ wɔji dɔ kula nékinjaməs mbata ləa ləm, gə mbata lə ŋgakeaje gə́ gée’g ləm tɔ, mbata mal Ala ləa rəa ŋgwɔd-ŋgwɔd ləm, yeḛ ra né uga ne dɔ kaiya lə Israɛlje ləm tɔ.

Bula lə Israɛlje 8:10

I a kar Ləbije lé ree pər gə́ no̰ Njesigənea̰’g ndá, Israɛlje d’a kila ji dee dɔ dee’g.

Bula lə Israɛlje 8:12

Ləbije lé d’a kɔm ji dee dɔ bɔ maŋgje’g ndá, i a kinja yee gə́ kára gə́ nékinjaməs gə́ ka̰ kuga dɔ kaiya ləm, gə yee gə́ raŋg gə́ nékinjaməs gə́ ka̰ roo ləm tɔ mba kuga ne dɔ kaiya lə Ləbije lé tɔ.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Njé gə́ Rɔmə 3:25

Jeju Kristi lé nja Ala ɔree undá ne gə́ nékinjaməs gə mba kuga ne dɔ kaiya lə deḛ gə́ d’ɔm meḛ dee dəa’g. Yee ɓa Ala ar meekarabasur ləa kila ne kɔd mbata kédé lé yeḛ un kəmee rəw dɔ kaiya’g lə dəwje gə́ ra loo kila mée’g ləa.

Njé gə́ Rɔmə 5:11

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.

Njé gə́ Pilibə 4:18

Ma m’iŋga néje lai m’isi danee bèdèg ya. Némajije gə́ seḭ ulaje ne Epaproditə areeje am lé m’iŋga dee m’ar dee taa rɔm pəl-pəl ya. Néje neelé to asəna gə né gə́ ə̰də sululu ləm, asəna gə nékinjaməs gə́ baḭyee ə̰də lel Ala lé gə́ taa ne kəmee rəgm tɔ.

Ǝbrəje 10:4

Mbata məs bɔ maŋgje əsé bàl bya̰je askəm kɔr kaiya meḛ dəwje’g el.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.