Ləbije 1:3 - Maktub gə́ To gə Kəmee

³ Ɓó lé nékinjaməs ləa to nékul gə́ boi gə́ ka̰ roo ndá yeḛ a kwa yee gə́ to gə́ bɔ maŋg gə́ rəa mina̰ el, yeḛ a kaw ne tarəw kəi-kubu-kiŋga-na̰’g no̰ Njesigənea̰’g mba taa ne kəmee ya.

Ləbije 1:3 Iomraidhean Croise

Gḭ-Néje 22:13

Abrakam un kəmee gə́ tar ndá oo bàl badə gə́ tuga gajee ŋgon kag’d. Ndá Abrakam aw wá, ree inja gə́ nékinjaməs roo gə pər taa ne tor ŋgonee lé tɔ.

Gḭ-Néje 22:2

Ala pana: Aw gə Isaak, ŋgoni gə́ kára ba kiao gə́ i undá dan kəmi’g lé. Ɔd aw səa ɓee gə́ Morija ndá lée neelé i a kḭjá gə́ nékinjaməs gə́ ka̰ roo dɔ mbal gə́ m’a gə kulai’g lé ɓəi.

Gḭ-Néje 22:8

Abrakam ilá keneŋ pana: Ŋgonəm, Ala nja a k’oo ŋgon badə gə́ a k’ar gə́ nékinjaməs gə́ ka̰ roo gə́ wɔji dəa lé ɓəi. Ndá deḛ joo bɔr d’ɔd njaa na̰’d d’aw tɔ.

Gḭ-Néje 8:20

Noe ra loo-nékinjaməs ar Njesigənea̰. Yeḛ mbər nékulje gə́ d’àr ŋgad-ŋgad ləm, gə yelje gə́ d’àr ŋgad-ŋgad ləm tɔ ndá yeḛ inja dee gə́ nékinjaməs gə́ ka̰ roo dɔ loo-nékinjaməs’g neelé.

2 Sôrta Gḭka Israɛlje 29:32

Bula lə nékinjanéməsje gə́ ka̰ roo gə́ koso-dəwje d’inja d’ar lé as bɔ maŋgje rɔ-siri ləm, gə bàl badje tɔl (100) ləma, gə ŋgan badje tɔl-joo (200) ləm tɔ, nékulje nee lai lé deḛ tɔl dee gə́ nékinjaməs gə́ ka̰ roo kar Njesigənea̰ ya.

2 Sôrta Gḭka Israɛlje 35:12

Deḛ d’unda nékinjanéməsje gə́ ka̰ roo lé gə kəmee mba kar gel-bɔje lə koso-dəwje mba kar dee d’inja dee d’ar Njesigənea̰ gə goo ta gə́ to mee maktub’g lə Moyis ləm, deḛ ra togə́bè gə bɔ maŋgje ləm tɔ.

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Pakɔsje 40:8

Yen ɓa ma m’pana: Aa oo, m’isi m’ree (Deḛ ndaŋg ta ləm mee maktub gə́ kə́ na̰’d mber-mber’g)

Teḛ-Raga 12:5

Ŋgon badə gə́ seḭ a kwáje lé a to bàlee gə́ ra ləb kára ba gə́ rəa mina̰ el, seḭ a kwaje ŋgon badə əsé ŋgon bya̰ tɔ.

Teḛ-Raga 24:5

Yeḛ ula basaje gə́ mbuna Israɛlje’g mba kar dee ree gə nékinjanéməsje gə́ ka̰ roo kar Njesigənea̰ ləm, gə mba kar dee tɔl bɔ maŋgje gə́ nékinjanéməsje gə́ ka̰ kɔm na̰’d ləm tɔ.

Teḛ-Raga 29:18

I a roo bàl badə neelé bura loo-nékinjaməs’g, yee ɓa to nékinjaməs gə́ ka̰ roo kar Njesigənea̰ ləm, to nékinjaməs gə́ ka̰ roo dula-dula gə́ baḭyee ə̰də lel Njesigənea̰ ləm tɔ.

Teḛ-Raga 29:4

I a kar Aaro̰ gə ŋganeeje gə́ diŋgam rəm pər gə́ tarəw kəi-kiŋga-na̰ gə́ to gə kəmee’g ndá i a ndogo dee mán.

Teḛ-Raga 29:42

Aa oo, yee ɓa to nékinjaməs gə́ ka̰ roo ta-ta gə́ ŋgakadɔg síje d’a kḭjá tarəw kəi-kubu-kiŋga-na̰ gə́ to gə kəmee’g no̰ Njesigənea̰’g, lé gə́ neelé ɓa m’a ree kiŋga si keneŋ ləm, m’a kwɔji səi ta keneŋ ləm tɔ.

Teḛ-Raga 32:6

Bèlè loo-karee lé, deḛ d’ḭta gə ndɔ rad ndá deḛ d’inja nékinjaməs gə́ ka̰ roo ləm, gə njé gə́ wɔji dɔ kɔm na̰’d ləm tɔ. Koso-dəwje lé d’isi naŋg gə mba sɔ gə kai ɓa gə mba kuba loo kḭ ndam ɓəi.

Teḛ-Raga 35:21

Deḛ lai gə́ d’ḭ gə meḛ dee gə goo meemaji lə dee lé ree gə nékarnojije d’ar Njesigənea̰ mbata lə kəi-kubu-si-Ala ləm, gə mbata lə kulaje gə́ wɔji dəa ləma, gə mbata lə kubuje gə́ to gə kəmee ləm tɔ.

Teḛ-Raga 35:29

Israɛlje lai, diŋgamje gə denéje kara deḛ gə́ meḛ dee ɔs dee ɓɔḭ-ɓɔḭ mba kar dee ra né mbata lə kula gə́ Njesigənea̰ un ne ndia ar dee gə ndu Moyis ya ndá deḛ ree gə nékarnojije lə dee gə́ d’ḭ ne gə meḛ dee d’ar Njesigənea̰ lé tɔ.

Teḛ-Raga 35:5

Odoje ta néje lə sí gə́ nékarnoji mbata lə Njesigənea̰. Nana ɓa gə́ mée ulá ndá a ree gə nékarnoji kar Njesigənea̰ togə́bè: larlɔr ləm, gə larnda ləma, gə larkas ləm tɔ,

Teḛ-Raga 36:3

Nékarnojije gə́ Israɛlje ree ne mba ra ne kula gə́ wɔji dɔ kəi-kubu-si-Ala lé deḛ taa ji Moyis’g. Teḛ gə ndɔ gə ndɔje kára-kára lai lé dəwje ree gə nékarnojije gə́ d’ḭ ne gə meḛ dee d’ar Moyis.

Teḛ-Raga 38:1

Yeḛ ra loo-nékinjaməs gə́ ka̰ roo né keneŋ gə kag-akasia, ŋgalee to kəmkil dəw mi ləm, tadee as kəmkil dəw mi ləm tɔ, yee to dɔmbul ndá dəree ḭ gə́ tar as kəmkil dəw munda tɔ.

Esai 1:11

Njesigənea̰ pa njaŋg pana: See ɗi ɓa m’a ra gə nékinjanéməsje lə sí Gə́ ɔs goo na̰-na̰ lé wa. Nékinjaməsje gə́ ka̰ roo Gə́ to bàl bya̰je gə ubu bɔ maŋgje lé Rɔm asm dɔ’g ŋga. Məs bɔ maŋgje, gə ka̰ badje, gə ka̰ bàl bya̰je lé Ar məəm lelm el.

Ejekel 20:40

Mbata dɔ mbal lə neḛ gə́ to gə kəmee gə́ to mbal lə Israɛlje gə́ ŋgal lé lée neelé ɓa gel-bɔje lə Israɛl lai gə́ to deḛ lai gə́ d’isi mee ɓee’g neelé d’a kwa neḛ meḛ dee’g keneŋ, Mbaidɔmbaije gə́ Njesigənea̰ ɓa pa bèe, lé neelé ɓa n’a kwa dee gə́ rɔ neḛ’d gə́ majee keneŋ ləm, n’a ndigi nékarje lə sí gə́ to kandə nénojije lə sí gə́ doŋgɔr ləm, gə néje lai gə́ seḭ a kundaje gə kəmee kar neḛje lé ləm tɔ.

Ejekel 40:39

Loo-Kandə-tarəwje lé tabulje joo to kelee gə́ kára’g ləm, joo to kelee gə́ raŋg’d ləm tɔ, dɔ tabul neelé ɓa to loo gə́ kəm kinja néməsje gə́ ka̰ roo ləm, gə ka̰ kuga dɔ kaiya ləma, gə ka̰ kɔr ta kaiya dɔ’g keneŋ ləm tɔ.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 14:10

Ndɔ gə́ njekɔm’g jinaijoo lé yeḛ a ree gə ŋgan badje joo gə́ rɔ dee mina̰ el ləm, gə ma̰də badə gə́ ra ləb kára ba gə́ rəa mina̰ el ləm, gə nékar gə́ to nduji gə́ ndá léréré as nékwɔji kwɔi-lə-né jinaijoo gə́ mbɔḭ gə ubu ləma, gə ubu as ges litər kára ləm tɔ.

Ləbije 16:7

Yeḛ a kwa bàl bya̰je gə́ joo neelé tɔɓəi yeḛ a ree sə dee no̰ Njesigənea̰’g tarəw kəi-kubu-kiŋga-na̰’g.

Ləbije 17:4

ɓa yeḛ ree ne tarəw kəi-kubu-kiŋga-na̰’g mba karee to nékar Njesigənea̰ no̰ kəi gə́ to gə kəmee’g lə Njesigənea̰ lé el ndá, ta məs a kwa dɔ debee neelé, yeḛ ila məs da lé gə goo rəbee el, ndá d’a kɔree mbuna dəwje’g ləa ya.

Ləbije 17:8

Bèe ɓa i a kula dee pana: Ɓó lé dəw kára mbuna ginkoji Israɛlje’g əsé mbuna dəw-dɔ-ɓeeje gə́ d’isi dan dee’g lé inja nékinjaməs gə́ ka̰ roo əsé nékinjaməs gə́ raŋg,

Ləbije 17:9

ɓa yeḛ ree ne tarəw kəi-kubu-kiŋga-na̰’g gə mba kḭjá gə́ məs kar Njesigənea̰ el ndá debee neelé d’a kɔree mbuna dəwje’g ləa ya.

Ləbije 23:12

Ndɔ gə́ seḭ a raje ndur dɔ kó kundaje ne gə kəmee ndá seḭ a kinjaje gwɔs ŋgon badə gə́ ra ləb kára ba ləm, gə́ rəa ya̰ maree el ləm tɔ, gə́ nékinjaməs gə́ ka̰ roo karje Njesigənea̰ ya,

Ləbije 23:18

Né gə́ seḭ a korèje dɔ muru’g neelé a to ŋgan badje siri gə́ ra ləb dee kára-kára gə́ rɔ dee ya̰ maree el ləm, gə bɔ maŋg kára ləma, gə bàl badje joo ləm tɔ gə́ nékinjaməs gə́ ka̰ roo kar Njesigənea̰, nékar gə́ to nduji gə nékar gə́ ka̰ tər naŋg ta-ta lé seḭ a korèje na̰’d gə néje neelé mba karee to nékar gə́ ka̰ roo gə́ baḭyee ə̰də lel Njesigənea̰ tɔ.

Ləbije 3:1

Loo gə́ dəw a gə kun nékinjaməs gə́ ka̰ kɔm na̰’d gə Njesigənea̰ ndá ɓó lé yeḛ a kwa da-kul gə́ boi, lé to gə́ bɔ maŋg əsé ko̰ maŋg kara yeḛ a kwa yee gə́ rəa mina̰ el ɓa a kaw ne no̰ Njesigənea̰’g ɓəi.

Ləbije 4:15

Ŋgatɔgje lə Israɛlje lé d’a kila ji dee dɔ bɔ maŋg’d neelé no̰ Njesigənea̰’g ndá d’a kinja gwɔb bɔ maŋg neelé no̰ Njesigənea̰’g ya.

Ləbije 4:23

kəmee inja dɔ kaiya gə́ yeḛ ra’g lé ndá yeḛ a ree gə bàl bya̰ gə́ rəa mina̰ el gə́ nékinjaməs ləa.

Ləbije 4:3

Ɓó lé to ŋgɔ-njekinjanéməs ɓa ra kaiya ar ta wa ne dɔ koso-dəwje lai ndá to kəm karee wa bɔ maŋg gə́ rəa mina̰ el gə́ nékinjaməs gə́ ka̰ kiŋga meekoso lemsé no̰ Njesigənea̰’g.

Ləbije 4:32

Ɓó lé yeḛ a ree gə ŋgon badə gə́ nékinjaməs gə́ ka̰ kiŋga meekoso lemsé ndá a to ma̰dee gə́ rəa mina̰ el ɓa.

Ləbije 5:15

Ɓó lé dəw kára al dɔ godndu ra ne kaiya dɔ mbə’d gə́ wɔji dɔ néje gə́ d’ɔr dee d’unda dee gə kəmee d’ar Njesigənea̰ lal gər rəbee ndá yeḛ a ree gə bàl badə gə́ rəa mina̰ el gə́ yeḛ wa mbuna nékulje’g ləa gə́ nékinjaməs ləa gə́ wɔji dɔ ta gə́ wa dəa kar Njesigənea̰ mbata lə kaiya gə́ yeḛ ra lé, a to bàl badə gə́ d’a kwɔji gadee gə́ kəm ŋgan larnda gə goo nékwɔji-né gə́ wɔji dɔ kəi-kubu-si-Ala.

Ləbije 5:18

Yeḛ a ree gə bàl badə gə́ rəa mina̰ el gə́ yeḛ wa mbuna nékulje’g ləa gə́ d’a kwɔji gadee ndá a kaw ne rɔ njekinjanéməs’g mba karee to nékinjaməs gə́ wɔji dɔ ta gə́ wa dəa lé. Njekinjanéməs lé a kinja bàl badə neelé mba kuga ne dɔ kaiya gə́ yeḛ ra lal gər gelee ndá ta a kɔr dəa’g ya.

Ləbije 6:2

Un ndui ar Aaro̰ gə ŋganeeje pana: Aa ooje godndu gə́ wɔji dɔ nékinjaməs gə́ ka̰ roo lé ɓa to nee: Nékinjaməs lé a nai dɔ pər’d loo-nékinjaməs’g loondul’g saar kar loo àr ndá d’a kɔs pər gelee’g ta-ta karee wəi el.

Ləbije 6:8

Njekinjanéməs lé a kɔr nduji gə́ ndá léréré gə́ podè gə ubu ləm, gə néje lai gə́ ə̰də sululu gə́ ɔm dɔ’g ləm tɔ as ŋgo jia kára ndá a roo dee loo-nékinjaməs’g asəna gə nékolé-mee bèe gə́ baḭyee ə̰də lel Njesigənea̰.

Ləbije 7:16

Ɓó lé dəw kára ree gə nékinjaməs gə́ ka̰ tɔl ne ta manrɔ ləa əsé gə nékar gə́ yeḛ ḭ gə mée mba kar lé ndá d’a sɔ da neelé mee ndəa gə́ yeḛ ḭjá’g lé, tɔɓəi gesee gə́ nai lé kara bèlè lookàree d’a sɔ tɔ.

Ləbije 8:18

Yeḛ ar dee ree gə bàl badə gə́ nékinjaməs gə́ ka̰ roo ndá Aaro̰ gə ŋganeeje lé d’ɔm ji dee dɔ bàl badə’g neelé tɔ.

Ləbije 8:21

Yeḛ togo ŋgan siḭyeje gə gɔleeje gə mán ndá yeḛ roo dee gə ges bàl badə gə́ nai loo-nékinjaməs’g lé: to nékinjaməs gə́ roo ləm, to nékinjaməs gə́ ka̰ roo gə́ baḭyee ə̰də lel Njesigənea̰ ləm tɔ, to gə́ Njesigənea̰ un ne ndia aree lé ya.

Ləbije 9:2

Yeḛ ula Aaro̰ pana: Maji kari wa ŋgon maŋg gə́ nékinjaməs gə́ wɔji dɔ kuga dɔ kaiya ləm, gə bàl badə gə́ nékinjaməs gə́ ka̰ roo ləm tɔ, deḛ joo bɔr gə́ rɔ dee to ndəb-ndəb ɓa i a kinja dee no̰ Njesigənea̰’g.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Malasi 1:14

Njesukəmloo gə́ bàl nékul ləa aar mbuna mareeje’g nɛ yeḛ yá̰ un nékul gə́ unda ndolè ɓa ar Mbaidɔmbaije ndá ndɔl yoo a nai dəa’g ya. Mbata ma lé m’to gə́ mbai gə́ boo. Njesigənea̰ gə́ njeboo-néje lé ɓa pa bèe. Rim to ɓəl yaa̰ mbuna ginkoji dəwje gə raŋg’g ya.

Bula lə Israɛlje 15:3

loo gə́ seḭ injaje nékinjanéməsje gə́ ka̰ roo kar Njesigənea̰ lé, lé to nékinjaməs gə́ ka̰ roo əsé nékinjaməs gə́ ka̰ tɔl ne ta ndukun əsé to gə́ nékarnoji gə́ dəw ḭ gə mée mba ra əsé loo ra naḭje lə sí kara nékulje lə sí gə́ boi-boi əsé njé gə́ lam-lam ba gə́ d’a tel to né gə́ baḭyee ə̰də lel Njesigənea̰ lé

Bula lə Israɛlje 15:8

Ɓó lé d’inja bɔ maŋg gə́ nékinjaməs gə́ ka̰ roo əsé gə́ ka̰ tɔl ta ndukun əsé gə́ ka̰ ra Njesigənea̰ oiyo ndá

Bula lə Israɛlje 19:2

Aa ooje, ta neelé to godndu gə́ Njesigənea̰ un ndia dɔ’g njaŋg pana: Maji kar sí ulaje Israɛlje mba kar dee ree gə maŋg gə́ kas gə́ rəa ila ɓal el ləm, rəa ya̰ maree el ləma, d’ila néməməna̰ gwɔbee’g gɔl kára kara el ləm tɔ d’ar sí.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Bula lə Israɛlje 23:27

Balak ula Balaam pana: Bèe ndá gə́ ree, m’a kaw səi loo gə́ raŋg’d, dɔmaji-nà lé neelé ɓa mee Ala a lelee mba kari pata ila ne ndɔl dɔ dəwje’g neelé am ɓəi.

Bula lə Israɛlje 23:3

Balaam ula Balak pana: Aar mbɔr nékinjaməs’g ləi gə́ ka̰ roo lé dəb ndá m’a sa rɔm gə́ kédé lam, banelə Njesigənea̰ a ree kiŋgam keneŋ, tɔɓəi né gə́ yeḛ a riba səm dəa lé m’a kulai ɓəi. Ndá yeḛ ɔd tuga dɔ loo aw gə́ tar.

Bula lə Israɛlje 23:30

Balak ra né gə́ Balaam ulá lé ndá yeḛ inja bɔ maŋg kára gə bàl badə kára gə́ məs loo-nékinjanéməsje’g kára-kára lai tɔ.

Bula lə Israɛlje 28:11

Loo gə́ naḭje lə sí teḛ sigi lé ndá nékinjanéməsje gə́ ka̰ roo gə́ seḭ a kinjaje kar Njesigənea̰ ɓa to nee: Bɔ maŋgje joo ləm, bàl badə kára ləma, gə ŋgan badje siri gə́ ra ləb kára-kára gə́ rɔ dee mina̰ el ləm tɔ.

Bula lə Israɛlje 28:19

Seḭ a kinjaje nékinjaməs gə́ ka̰ roo kar Njesigənea̰: bɔ maŋgje joo ləm, bàl badə kára ləma, ŋgan badje siri gə́ ra ləb kára-kára ba gə́ rɔ dee mina̰ el ləm tɔ.

Bula lə Israɛlje 28:31

Seḭ a kinjaje nékinjanéməsje neelé korèje ne dɔ nékinjaməs gə́ ka̰ roo gə́ seḭ injaje ta-ta gə́ kédé-kédé lé ləm, gə nékar gə́ to nduji lé ləm tɔ. Seḭ a kinjaje ŋgan badje gə́ rɔ dee mina̰ el tɔɓəi a kɔmje nékaije gə́ ka̰ tər naŋg lé dɔ’g ləm tɔ.

Bula lə Israɛlje 29:13

Seḭ a kinjaje nékinjaməs gə́ to nékinjanéməsje gə́ ka̰ roo gə́ baḭyee ə̰də lel Njesigənea̰ togə́bè: bɔ maŋgje dɔg-giree-munda ləm, bàl badje joo ləma, ŋgan badje dɔg-giree-sɔ gə́ ra ləb kára-kára gə́ rɔ dee mina̰ el ləm tɔ.

Bula lə Israɛlje 29:2

Seḭ a kinjaje nékinjanéməsje gə́ ka̰ roo gə́ baḭyee ə̰də lel Njesigənea̰, bɔ maŋg kára ləm, bàl badə kára ləma, ŋgan badje siri gə́ ra ləb kára-kára ba gə́ rɔ dee mina̰ el ləm tɔ.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Tagə́maji gə́ Ja̰ ndang 1:36

Loo gə́ yeḛ un kəmee tar oo Jeju a gə dəs ndá yeḛ pana: Aa ooje, Ŋgon ɓad lə Ala lé aw’n.

Tagə́maji gə́ Ja̰ ndang 10:7

Jeju ula dee tɔɓəi pana: Ma m’ula sí təsərə, ma lé m’to gə́ tarəwkəi lə badje.

Tagə́maji gə́ Ja̰ ndang 10:9

Ma lé m’to gə́ tarəwkəi, ɓó lé nana ɓa gə́ taa rəw gə́ par gə́ rɔm’g ndá a kaji ya, yeḛ a kandə kaw mee kəi’g ləm, a teḛ raga ləm tɔ ndá yeḛ a kiŋga nékulrea keneŋ.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

2 Njé gə́ Kɔrḭtə 9:7

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.

Njé gə́ Epesə 2:18

Mbata mbɔl dəa ɓa jeḛ joo bɔr jeḛ j’oo ne loo kaw pər gə́ rɔ Bɔ síje’g gin Ndil’g loo kára ba tɔ.

Njé gə́ Epesə 5:27

mba kar Eglisə lé nduba ne rəa nea̰’g, kar rəa ila ɓal el ləm, ɔm kúla el ləma, a kya̰ maree el ləm tɔ, nɛ yee a kàr raŋg-raŋg ləm, né gə́ tḛ́-tḛ́ bèe kara a kuba rəa təb el ləm tɔ.

Tel tura Godndu 12:27

Seḭ a kunje nékinjanéməsje lə sí gə́ ka̰ roo ndá seḭ a kɔmje dakas dee ləm gə məs dee ləm tɔ dɔ loo-nékinjaməs’g lə Ala lə sí gə́ Njesigənea̰, mbuna nékinjanéməsje’g lə sí gə́ raŋg lé seḭ a kɔmje məs dee dɔ loo-nékinjaməs’g lə Ala lə sí gə́ Njesigənea̰ nɛ dakas dee ɓa seḭ a sɔje ya.

Tel tura Godndu 15:21

Ɓó lé rəa ya̰ maree əsé to njemədə əsé kəmee tɔ əsé néje tila rəa’g ndá seḭ a kuneje gə́ nékinjaməs karje Ala lə sí gə́ Njesigənea̰ el.

Tel tura Godndu 17:1

Nékinjaməs gə́ seḭ a kinjaje karje Ala lə sí gə́ Njesigənea̰ lé, maŋg əsé ŋgon badə gə́ rəa ya̰ maree əsé to gə́ njemədə lé seḭ a kḭjáje kaareeje el mbata a to né gə́ mina̰ kəm Njesigənea̰ Ala’g lə sí.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.