Ləbije 1:16 - Maktub gə́ To gə Kəmee

¹⁶ Yeḛ a kɔr kəi néko̰ lə yel gə bèleje na̰’d ndá a kɔm dee mbɔr loo-nékinjaməs’g par gə́ bər loo kɔm bu pər’g.

Ləbije 1:16 Iomraidhean Croise

Loo gə́ killa rea kəm Daniel’g 4:33

Mee ndəa’g neelé kəm tel inja dɔ rɔm’g gogo ya. Rɔnduba lə ɓeeko̰ ləm ləm, gə riɓar ləm ləma, gə néje ləm gə́ bə̰dərə bə̰ ləm tɔ lé m’tel m’iŋga dee gogo. Njémṵjitaje ləm, gə dəwje gə́ boo-boo ləm tɔ lé tel ɓarm gogo, deḛ tel d’undam dɔ ɓeeko̰’g ləm ləm, siŋgamoŋ ləm ḭ dɔ maree’d gə́ kédé-kédé ləm tɔ.

Ləbije 16:27

Bɔ maŋg gə́ wɔji dɔ kuga dɔ kaiya ləm, gə bàl bya̰ gə́ wɔji dɔ kuga dɔ kaiya ləm tɔ lé deḛ gə́ d’un dee d’aw ne mee kəi gə́ to gə kəmee’g gə mba ra ne né kuga dɔ kaiya lé d’a kodo dee kaw sə dee gir loo-si dee’g ndá ndar dee ləm, gə dakasrɔ dee ləma, gə siḭ dee ləm tɔ lé d’a roo tɔ.

Ləbije 4:12

yeḛ a kun ne bɔ maŋg lé bura ya kaw ne gir loo-si dee gə́ raga, loo gə́ d’unda gə kəmee ləm, loo gə́ d’ɔm bu pər keneŋ ləm tɔ ndá yeḛ a roo dɔ kir’d. Loo kɔm bu pər ɓa d’a roo keneŋ ya.

Ləbije 6:3

Njekinjanéməs lé a kula kubu ləa gə́ ŋgal yududu gə́ d’ṵji gə kúla palégal ləm, gə kubu bulaa ləm tɔ ndá yeḛ a kɔr bu pər gə́ roo ne nékinjaməs gə́ ka̰ roo loo-nékinjaməs’g lé kɔm mbɔr loo-nékinjaməs’g lé ya.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.