Ləbije 1:14 - Maktub gə́ To gə Kəmee

¹⁴ Ɓó lé nékinjaməs ləa gə́ a gə kinja kar Njesigənea̰ lé to gə́ yelje gə́ ka̰ roo ndá yeḛ a kwa dərkulje əsé ŋgan dərndaje ya.

Ləbije 1:14 Iomraidhean Croise

Gḭ-Néje 15:9

Njesigənea̰ ulá pana: Maji kari wa ma̰də maŋg gə́ ləbee aḭ munda ləm, gə ma̰də bya̰ gə́ ləbee aḭ munda ləm, gə bàl badə gə́ ləbee aḭ munda ləm, gə dərnda kára ləma, gə ŋgon dərkul kára ləm tɔ.

Ləbije 12:8

Ɓó lé yeḛ askəm kiŋga ŋgon badə el ndá yeḛ a ree gə dərkulje joo əsé ŋgan dərndaje joo, yee gə́ kára gə́ nékinjaməs gə́ ka̰ roo ləm, yee gə́ kára gə́ nékinjaməs gə́ ka̰ kuga dɔ kaiya ləm tɔ. Njekinjanéməs lé a kɔr ne ta kaiya dəa’g ndá rəa a kàr ne ŋgad-ŋgad tɔ.

Ləbije 5:10

Yeḛ a kwa yel gə́ nai lé gə́ nékinjaməs gə́ ka̰ roo gə goo godnduje gə́ to keneŋ mba̰. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya rəa ndá ta a kɔr dəa’g ya.

Ləbije 5:11

Ɓó lé siŋgá as mba karee iŋga dərndaje gə́ joo əsé ŋgan dərkulje gə́ joo lé el ndá yeḛ a ree gə nékar gə́ to nduji gə́ ndá léréré as nékwɔji kwɔi-lə-né sɔ mba karee to nékar gə́ ka̰ kiŋga meekoso lemsé lé, ndá yeḛ a kɔm ubu keneŋ el ləm, né gə́ ə̰də sululu kara a kɔm keneŋ el ləm tɔ mbata to nékar gə́ ka̰ kiŋga meekoso lemsé ba.

Ləbije 5:7

Ɓó lé siŋgá as karee iŋga ma̰də badə əsé ma̰də bya̰ el ndá yeḛ a kwa dərndaje joo əsé ŋgan dərkulje joo gə́ nékinjaməs ləa gə́ wɔji dɔ kal dɔ godndu Njesigənea̰ mbata yee gə́ kára a to yee gə́ wɔji dɔ kɔr ta dəa’g ləm, yee gə́ raŋg a to ka̰ roo ləm tɔ.

Matiyo 11:29

Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

Matiyo 21:12

Jeju andə mee kəi-Ala’g. Yeḛ tuba njérab-néndogoje gə njéndogo néje keneŋ ləm, yeḛ tila tabulje lə njémbél larje gə kalije lə njéndogo dərje ləm tɔ.

Lugu 2:24

Deḛ d’un nékinjaməs d’ar Ala, dərkulje joo əsé dərndaje joo to gə́ ndaŋg taree mee maktub godndu’g lə Mbaidɔmbaije lé tɔ,

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.