Ləbije 1:10 - Maktub gə́ To gə Kəmee

¹⁰ Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 1:10 Iomraidhean Croise

Gḭ-Néje 4:4

Abel kara ree gə ŋgandər nékulje gə́ mbuna nékulje’g ləa gə ubu dee tɔ. Abel gə nékarnoji ləa taa kəm Njesigənea̰ rəgm.

Gḭ-Néje 8:20

Noe ra loo-nékinjaməs ar Njesigənea̰. Yeḛ mbər nékulje gə́ d’àr ŋgad-ŋgad ləm, gə yelje gə́ d’àr ŋgad-ŋgad ləm tɔ ndá yeḛ inja dee gə́ nékinjaməs gə́ ka̰ roo dɔ loo-nékinjaməs’g neelé.

Teḛ-Raga 12:5

Ŋgon badə gə́ seḭ a kwáje lé a to bàlee gə́ ra ləb kára ba gə́ rəa mina̰ el, seḭ a kwaje ŋgon badə əsé ŋgon bya̰ tɔ.

Ejekel 43:22

Ndɔ gə́ njekɔm’g joo lé a kinja bàl bya̰ gə́ rəa maji péd-péd gə́ nékinjaməs gə́ ka̰ kuga dɔ kaiya, togə́bè ɓa d’a kɔr ne won loo-nékinjaməs to gə́ d’ɔr ne wonee gə bɔ maŋg kédé lé tɔ.

Ləbije 14:10

Ndɔ gə́ njekɔm’g jinaijoo lé yeḛ a ree gə ŋgan badje joo gə́ rɔ dee mina̰ el ləm, gə ma̰də badə gə́ ra ləb kára ba gə́ rəa mina̰ el ləm, gə nékar gə́ to nduji gə́ ndá léréré as nékwɔji kwɔi-lə-né jinaijoo gə́ mbɔḭ gə ubu ləma, gə ubu as ges litər kára ləm tɔ.

Ləbije 16:3

Oo né gə́ Aaro̰ a ra mba kandə ne mee kəi gə́ to gə kəmee’g lé ɓa nee: Yeḛ a kwa bɔ maŋg gə́ nékinjaməs gə́ ka̰ kuga dɔ kaiya ləm, gə bàl badə gə́ nékinjaməs gə́ ka̰ roo ləm tɔ.

Ləbije 16:5

Yeḛ a taa bàl bya̰je joo ji koso-dəwje’g lə Israɛlje gə́ nékinjaməs gə́ ka̰ kuga ne dɔ kaiya ləm, gə bàl badə kára gə́ nékinjaməs gə́ ka̰ roo ləm tɔ.

Ləbije 22:19

yeḛ a kwa bɔ maŋg əsé bàl badə əsé bàl bya̰ gə́ rəa ya̰ maree el mba kar da nékinjaməs neelé taa kəm Njesigənea̰.

Ləbije 23:12

Ndɔ gə́ seḭ a raje ndur dɔ kó kundaje ne gə kəmee ndá seḭ a kinjaje gwɔs ŋgon badə gə́ ra ləb kára ba ləm, gə́ rəa ya̰ maree el ləm tɔ, gə́ nékinjaməs gə́ ka̰ roo karje Njesigənea̰ ya,

Ləbije 3:1

Loo gə́ dəw a gə kun nékinjaməs gə́ ka̰ kɔm na̰’d gə Njesigənea̰ ndá ɓó lé yeḛ a kwa da-kul gə́ boi, lé to gə́ bɔ maŋg əsé ko̰ maŋg kara yeḛ a kwa yee gə́ rəa mina̰ el ɓa a kaw ne no̰ Njesigənea̰’g ɓəi.

Ləbije 4:23

kəmee inja dɔ kaiya gə́ yeḛ ra’g lé ndá yeḛ a ree gə bàl bya̰ gə́ rəa mina̰ el gə́ nékinjaməs ləa.

Ləbije 4:3

Ɓó lé to ŋgɔ-njekinjanéməs ɓa ra kaiya ar ta wa ne dɔ koso-dəwje lai ndá to kəm karee wa bɔ maŋg gə́ rəa mina̰ el gə́ nékinjaməs gə́ ka̰ kiŋga meekoso lemsé no̰ Njesigənea̰’g.

Ləbije 5:15

Ɓó lé dəw kára al dɔ godndu ra ne kaiya dɔ mbə’d gə́ wɔji dɔ néje gə́ d’ɔr dee d’unda dee gə kəmee d’ar Njesigənea̰ lal gər rəbee ndá yeḛ a ree gə bàl badə gə́ rəa mina̰ el gə́ yeḛ wa mbuna nékulje’g ləa gə́ nékinjaməs ləa gə́ wɔji dɔ ta gə́ wa dəa kar Njesigənea̰ mbata lə kaiya gə́ yeḛ ra lé, a to bàl badə gə́ d’a kwɔji gadee gə́ kəm ŋgan larnda gə goo nékwɔji-né gə́ wɔji dɔ kəi-kubu-si-Ala.

Ləbije 9:2

Yeḛ ula Aaro̰ pana: Maji kari wa ŋgon maŋg gə́ nékinjaməs gə́ wɔji dɔ kuga dɔ kaiya ləm, gə bàl badə gə́ nékinjaməs gə́ ka̰ roo ləm tɔ, deḛ joo bɔr gə́ rɔ dee to ndəb-ndəb ɓa i a kinja dee no̰ Njesigənea̰’g.

Malasi 1:14

Njesukəmloo gə́ bàl nékul ləa aar mbuna mareeje’g nɛ yeḛ yá̰ un nékul gə́ unda ndolè ɓa ar Mbaidɔmbaije ndá ndɔl yoo a nai dəa’g ya. Mbata ma lé m’to gə́ mbai gə́ boo. Njesigənea̰ gə́ njeboo-néje lé ɓa pa bèe. Rim to ɓəl yaa̰ mbuna ginkoji dəwje gə raŋg’g ya.

Bula lə Israɛlje 15:5

tɔɓəi a ree gə nékar gə́ ka̰ kai gə́ to mán-nduú gə́ mḭ as litər kára gə gesee mbata lə nékinjaməs gə́ ka̰ roo əsé nékinjaməs gə́ to ŋgon badə kára-kára ya.

Bula lə Israɛlje 19:2

Aa ooje, ta neelé to godndu gə́ Njesigənea̰ un ndia dɔ’g njaŋg pana: Maji kar sí ulaje Israɛlje mba kar dee ree gə maŋg gə́ kas gə́ rəa ila ɓal el ləm, rəa ya̰ maree el ləma, d’ila néməməna̰ gwɔbee’g gɔl kára kara el ləm tɔ d’ar sí.

Bula lə Israɛlje 6:14

Yeḛ a kun nékar ləa kar Njesigənea̰ togə́bè: Bàl badə gə́ ra ləb kára gə́ rəa mina̰ el lé a to nékinjaməs gə́ ka̰ roo ləm, ma̰də badə gə́ ra ləb kára gə́ rəa mina̰ el lé a to nékinjaməs gə́ ka̰ kuga dɔ kaiya ləma, bàl badə gə́ rəa mina̰ el lé a to nékinjaməs gə́ ka̰ kɔm na̰’d sad ləm tɔ,

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

1 Piɛrə 1:19

Nɛ məs Kristi gə́ gadee dum ndogo ɓa yeḛ uga sí ne. Kristi lé to asəna gə ŋgon badə gə́ rəa mina̰ el ləm, rəa ila ɓal el ləm tɔ,