Junas 4:2 - Maktub gə́ To gə Kəmee

² Yeḛ ra tamaji ta Njesigənea̰’g no̰ ne təa’g pana: Ǝi Njesigənea̰, see ta neelé to ta gə́ ma m’pa loo gə́ ma m’nai ne ɓee-sim’g ɓəi el wa. Gelee gə́ nee ɓa ma m’ḭ ne kalaŋ gə mba kaḭ kaw ne Tarsis gə mbəa. Mbata ma m’gər gao to gə́ i to Ala gə́ njekookəmto̰doo ləm, gə njemeekɔrjol ləm tɔ. I lé oŋg ḭ səi kalaŋ el ləm, i to bao-meemaji ləm tɔ ɓa i ar takə̰ji ləi gə́ wɔji dɔ néraje gə́ majel lé yɔr ne.

Junas 4:2 Iomraidhean Croise

1 Mbaije 19:4

Nɛ yeḛ lé aw njaa dɔdilaloo’g as ndɔ kára doŋgɔ ɓa aw si gel kag-sam’g ndá yeḛ ndiŋga yoo pana: Asm ŋga! Ɓasinè lé Njesigənea̰, ɔr kəmə ləm mbata ma m’to maji m’unda bɔmje-je el.

Pakɔsje 103:8

Njesigənea̰ lé to njemeekɔrjol gə njekoo kəmtondoo lə dəwje ləm, Yeḛ ila mée dɔ oŋg’g ləa ləma, Yeḛ to bao-meemaji ləm tɔ.

Pakɔsje 145:8

Njesigənea̰ lé to njemeekɔrjol ləm, Gə njemeekaw taḭ-taḭ ləm tɔ, Oŋg ḭ səa kalaŋ el ləm, Meemaji ɓa yeḛ to babee ləm tɔ.

Pakɔsje 78:38

Nɛ lé bèe kara gə goo meekɔrjol ləa ɓa Yeḛ ar mée ti ne mbidi dɔ néra gə́ kori-kori’g lə dee Ɓó yeḛ tuji dee ne el: Ta-ta yeḛ wa goo oŋg ləa sud Ɓó ya̰ rəa yag dan boo-oŋg’g ləa el.

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Pakɔsje 90:13

Njesigənea̰, maji kari ɔs tel gə́ rɔ sí’g, See ndɔ gə́ ra ɓa i a kunda ŋgaŋ meeko̰ ləi wa. Ar məəi oso lemsé dɔ kuraje’g ləi ya kari.

Teḛ-Raga 32:14

Njesigənea̰ uba goo takə̰ji ləa ya̰ dɔ né gə́ majel’d gə́ yeḛ pa kédé pana: N’a gə ra gə dəwje lə neḛ neelé.

Jeremi 18:8

Nɛ ɓó lé ginkoji dəwje neelé gə́ ma m’pata m’wɔji ne dɔ dee lé d’ya̰ goo meeyèr lə dee ndá ma tel gə ndum dɔ majel gə́ m’wɔji mba ra sə dee lé tɔ.

Jeremi 20:7

I Njesigənea̰ ərm gə́ kər Ndá ma m’ya̰ rɔm m’ari ərm ya tɔ, I wam kérég ləm, i dum dɔm ləm tɔ. Gə ndɔje kára-kára lai m’to gə́ nékunda-kogo Ar dəwje lai d’ula sul dɔm’g.

Jeremi 26:13

Ɓasinè, maji kar sí gɔlje panjaa sí ləm, gə néra sí ləma, ooje ndu Ala lə sí gə́ Njesigənea̰ gə́ ɓar ləm tɔ, yen ɓa Njesigənea̰ a kya̰ ne goo némajel gə́ yeḛ pa taree wɔji ne dɔ sí lé ɓəi.

Jeremi 42:10

Ɓó lé seḭ naije mee ɓee’g nee Ndá m’a kar sí síje keneŋ ɓó M’a tuji sí el, M’a ma̰a sí ndá m’a tɔr sí el, Mbata ma m’ya̰ goo majel Gə́ m’wɔji-kwɔji ra sə sí lé.

Amɔs 7:3

Njesigənea̰ tel gə ndia pana: Né neelé a teḛ el ŋga.

Amɔs 7:6

Njesigənea̰ tel gə ndia dɔ néra gə́ togə́bè’g lé. Ndá Njesigənea̰ pana: Né neelé kara a teḛ el ŋga tɔ.

Junas 1:3

Nɛ Junas lé uba naŋg ḭ gə mba kaḭ kaw Tarsis gə mba kisi əw kar kəm Njesigənea̰ oso dəa’g el. Yeḛ aw Japo ndá yeḛ iŋga bato gə́ aw gə́ Tarsis. Yeḛ uga bato neelé gə lar ɓa uru mée’g gə mba kaw gə deḛ gə́ d’odo dee d’aw sə dee gə́ Tarsis gə mba kisi ne əw kar kəm Njesigənea̰ oso dəa’g el tɔ.

Junas 3:10

Ala oo to gə́ deḛ ra togə́bè ləm, deḛ tel d’ya̰ goo rəw néra gə́ majel lə dee ləm tɔ. Togə́bè ɓa Ala tel ne gə ndia ar goo takə̰ji gə́ wɔji dɔ né gə́ majel gə́ yeḛ wɔji-kwɔji ra sə dee lé yɔr ne ləm, yeḛ ra ne née el ləm tɔ.

Junas 3:9

See na̰ ɓa gər wa. Banelə Ala a tel gə ndia kar goo takə̰ji ləa yɔr ləm, a kuba oŋg ləa kya̰ lal kar sí n’tujije ne ləm tɔ.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Lugu 10:29

Nɛ dəw neelé tel dəji Jeju gə mba kɔr ne rɔkul ta neelé dəa’g pana: See na̰ ɓa gə́ njemarm wa.

Tel tura Godndu 4:31

mbata Ala lə sí gə́ Njesigənea̰ to Ala gə́ njekookəmtondoo, yeḛ a kuba sí kya̰ sí el ləm, yeḛ a tuji sí el ləm tɔ. Mée a kwəi dɔ manrɔ’g lə bɔ síje-je gə́ yeḛ man ne rəa ar dee lé el.