Junas 3:4 - Maktub gə́ To gə Kəmee

⁴ Junas aw mee ɓee-boo’g neelé njaa keneŋ as ndɔ kára ndá yeḛ ɔr ndia gə́ tar wəl ula dee pana: Nai ndɔ rɔ-sɔ ba gə mba kar Ninibə tuji pugudu ya.

Junas 3:4 Iomraidhean Croise

2 Mbaije 20:1

Mee ndəa’g neelé Ejekias oso gə rɔko̰ gə́ as yoo. Njetegginta Esai, ŋgolə Amots aw rəa’g aw ulá pana: Njesigənea̰ pa togə́bè pana: Maji kari un ndui ar njémeekəije ləi mbata i a gə kwəi ya ɓó a gə si kəmba el.

2 Mbaije 20:6

M’a kɔm ləbje ləi dɔ maree’g as dɔg-giree-mi. M’a kɔri-i ləm, gə ɓee-boo nee ləm tɔ ji mbai gə́ Asiri’g, m’a kaḭ bada dɔ ɓee’g nee mbata rim-ma ləm, gə mbata lə gelgodo lə kura ləm Dabid ləm tɔ.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Jeremi 42:10

Ɓó lé seḭ naije mee ɓee’g nee Ndá m’a kar sí síje keneŋ ɓó M’a tuji sí el, M’a ma̰a sí ndá m’a tɔr sí el, Mbata ma m’ya̰ goo majel Gə́ m’wɔji-kwɔji ra sə sí lé.

Junas 3:10

Ala oo to gə́ deḛ ra togə́bè ləm, deḛ tel d’ya̰ goo rəw néra gə́ majel lə dee ləm tɔ. Togə́bè ɓa Ala tel ne gə ndia ar goo takə̰ji gə́ wɔji dɔ né gə́ majel gə́ yeḛ wɔji-kwɔji ra sə dee lé yɔr ne ləm, yeḛ ra ne née el ləm tɔ.

Matiyo 12:41

Njé gə́ Ninibə d’a kunda loo teḛ gə ginka dəwje gə́ nee na̰’d ndɔ gaŋg-rəwta’g lé ndá d’a gaŋg-rəwta dɔ dee’g mbata takɔr lə Junas gə́ ar dee d’wa ne ndòo rɔ dee dɔ kaiya’g lə dee. Aa ooje, yeḛ gə́ aar neelé ur dɔ Junas’g.

Lugu 11:30

To gə́ Junas to gə́ némɔri ar njé gə́ Ninibə d’oo lé Ŋgon-dəw ya kara a to gə́ némɔri gə mba kar ginka dəwje gə́ nee d’oo ya tɔ.

Lugu 11:32

Njé gə́ Ninibə d’a kḭ ta gə ginka dəwje gə́ nee lé na̰’d ndɔ gaŋgta’g lé d’a gaŋgta dɔ dee’g mbata ta kɔr lə Junas lé ar dee d’wa ndòo rɔ dee dɔ kaiya’g lə dee, nɛ aa ooje, yeḛ gə́ aar neelé ur dɔ Junas’g ɓəi.

Tel tura Godndu 18:22

Loo gə́ ta gə́ njetegginta pa gə ri Njesigənea̰ lé née teḛ aree aw lée’g béréré el ndá yee ɓa to ta gə́ Njesigənea̰ ɓa pa el. Gə goo kəsta ɓa njetegginta neelé pa ne: maji kar sí ɓəleeje el.