Junas 2:9 - Maktub gə́ To gə Kəmee

⁹ Deḛ gə́ d’unda rɔ dee mbo̰-mbo̰ rɔ magə-poleje’d gə́ kari ba lé D’ɔs meekoso lemsé rɔ dee’g rəw.

Junas 2:9 Iomraidhean Croise

Gḭ-Néje 35:3

Jeḛ j’a kḭ tuga loo kaw Betel. Lée gə́ neelé ɓa m’a ra loo-nékinjaməs keneŋ kar Ala, yeḛ gə́ oo ndum mee ndɔ gə́ ma m’nai ne dan nékəmndoo’g ləm, gə nai səm loo-mbá gə́ ma m’aw keneŋ lé ləm tɔ.

2 Samel 15:7

Loo gə́ rudu ləb gə́ njekɔm’g rɔ-sɔ as ndá Absalɔm dəji mbai pana: Ya̰ loo am m’aw Ebro̰ mba tɔl ta ndukun ləm gə́ ma m’un m’ar Njesigənea̰ lé bém ɓa.

Maktub gə́ wɔji dɔ Jɔb 22:27

I a ra tamaji təa’g ndá yeḛ a koo ta ləi, Tɔɓəi i a tɔl ne ta ndukunje ləi bém tɔ.

Pakɔsje 107:22

Maji kar dee d’inja nékinjanéməsje Gə́ ka̰ kɔm na̰’d sad ləm, Maji kar dee d’ila mber kula reaje lé Gə ndu rɔlel ləm tɔ.

Pakɔsje 27:1

Pakɔs lə Dabid Njesigənea̰ lé to lookàr ləm ləm, gə kaji ləm ləm tɔ, Ŋga see na̰ ɓa m’a ɓəlee tɔɓəi wa. Njesigənea̰ lé to gə́ négəd rɔ dɔ’g ləm, Ŋga see na̰ ɓa m’a ndəb pəd-pəd nea̰’g wa.

Pakɔsje 3:8

Njesigənea̰, maji kari uba naŋg ḭta! Ala ləm, maji kari taam ya! Mbata i to njekunda kwɔji njéba̰je ləm lai ləm, I təd ŋgaŋ njémeeyèrje njigi-njigi ləm tɔ.

Pakɔsje 50:14

Maji kar néra oiyo ɓa to gə́ nékinjaməs gə́ seḭ injaje arje Ala Gə mba tɔl ne ta ndukunje lə sí bém kar Njekurdɔloo’g.

Pakɔsje 50:23

Yeḛ gə́ inja nékinjaməs gə́ ka̰ kɔm na̰’d sad lé Yeḛ nja ɓa ula rɔnduba dɔ neḛ’g, Yeḛ gə́ tɔs kəmee bao-bao dɔ rəw-kabee’g lé N’a kar kəmee inja dɔ kaji’g lə Ala ya.

Pakɔsje 68:20

Maji kar dɔkaisəgərə nai gə Mbaidɔmbaije gə ndɔje kára-kára lai ya! Loo gə́ d’ula kəm sí ndòo ndá Ala nja aji sí.

Pakɔsje 95:2

Ar sí j’awje nea̰’g gə pa pidee ləm, Maji kar ndu paje gə́ ka̰ kila riɓar dəa’g lé Ɓar ɔr loo lɔi-lɔi ləm tɔ,

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Ojee 14:2

Ǝi Israɛlje! ɔsje badm telje gə́ rɔ Njesigənea̰ Ala’g lə sí Mbata néra gə́ kori-korije lə sí ɓa Seḭ tugaje ne loo osoje ne.

Tagə́maji gə́ Ja̰ ndang 4:22

Seḭ lé né gə́ seḭ gərje ginee el lé ɓa seḭ waje meḛ sí’g, nɛ jeḛ lé né gə́ jeḛ n’gər ginee njai-njai ɓa j’wá meḛ sí’g mbata kaji lé ḭ ɓee lə Jibje.

Néra Njékaḭkulaje 4:12

Dəw gə́ raŋg rara kara gə́ kaji a kḭ rəa’g lé godo. Ɓó lé seḭ a kawje rara gin dara gə dɔ naŋg nee mbuna dəwje’g kara seḭ a kooje ri dəw gə́ raŋg gə mba kun kaji ne lé el.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Tel tura Godndu 23:18

Maji kar kaiya-dené kára kara godo mbuna denéje gə́ Israɛl ləm, diŋgamje gə́ njéra nérɔkulje d’a godo mbuna diŋgamje’d gə́ Israɛl ləm tɔ.

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

Loo gə́ killa rea kəm Ja̰’g 7:10

Deḛ pata gə ndu dee gə́ boi wəl pana: Kaji lé to ka̰ Ala lə sí gə́ si kalimbai’g lé ləm, to ka̰ Ŋgonbad lé ləm tɔ.

1 Samel 12:21

Ubáje yá̰je el. Ɓó lé bèe el ndá seḭ a ndolèje goo néje gə́ gə mḭdé ba gə́ d’askəm kar sí iŋgaje né keneŋ el ləm, d’askəm kɔr sí kɔm sí tar el ləm tɔ mbata deḛ to néje gə́ gə mḭdé ba ya.