Junas 2:2 - Maktub gə́ To gə Kəmee

² Junas gə́ to mee ka̰ji’g neelé ra tamaji ta Njesigənea̰, Ala’g ləa.

Junas 2:2 Iomraidhean Croise

2 Sôrta Gḭka Israɛlje 33:12

Loo gə́ yeḛ si dan némeeko̰’g ndá yeḛ ra ndòo rɔ Njesigənea̰ Ala’g ləa, tɔɓəi yeḛ oso kul riba dɔ rəa pərəg no̰ Ala’g lé lə bɔbeeje-je.

Pakɔsje 116:3

Kulaje gə́ ka̰ yoo lé d’aḭ dɔm kɔr-kɔr ləm, Némeekaar kərm gə́ ka̰ bwa-dɔɓar lé ram ləma, Né gə́ too gə némeeko̰ lé d’ubam d’wam kérég ləm tɔ.

Pakɔsje 120:1

Pakɔs kḭ kaw tuga ne loo ɗao-ɗao gə́ tar. Loo gə́ m’isi dan néurti’g ndá M’no̰ wəl gə́ rɔ Njesigənea̰’g ndá Yeḛ ilam keneŋ.

Pakɔsje 16:10

Mbata i a kya̰’m ɓee lə njé gə́ d’wəi’g lé el ləm, Yeḛ gə́ i undá dan kəmi’g lé I a kyá̰ k aree unda naŋg ndəs el ləm tɔ.

Pakɔsje 22:24

Seḭ gə́ ɓəlje Njesigənea̰ lé Maji kar sí pideeje! Seḭ lai gə́ toje ŋgaka Jakob lé Ulaje rɔnduba dəa’g! Seḭ lai gə́ toje ŋgaka Israɛl lé Ndəbje pəd-pəd nea̰’g tɔ.

Pakɔsje 34:6

Loo gə́ dəw tel kəmee par gə́ rəa’g ndá Kəmee ndɔḭ wər-wər gə rɔlel Ɓó rɔkul wa kəmee el.

Pakɔsje 4:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-ko̰déje ya.

Pakɔsje 61:2

Ǝi Ala, oo ndu no̰je ləm, Gə́ ur mbii gèŋ dɔ ndukwɔi’g ləm ya!

Pakɔsje 65:2

Ǝi Ala, d’a pidii Kɔm ne meḛ dee dɔi’g mee ɓee gə́ Sio̰’g, Ndukunje gə́ d’un d’ari lé kara D’a ra tɔl bém ya tɔ.

Pakɔsje 86:13

Mbata meemaji ləi gə́ i ra səm lé Boo al dɔ loo sula ya, I nja ɔrm suna ɓee’g lə njé gə́ d’wəi’g.

Esai 14:9

Loo-si njé gə́ d’wəi’g lé D’aw dɔ na̰’d wur-wur keneŋ Mba kwai gə́ rɔ dee’g loo ree’g ləi, Deḛ ndel njé gə́ d’wəi lé nɔḭ’g, Dəwje gə́ boo-boo lai gə́ dɔ naŋg nee ləm, Gə mbaije lə ginkoji dəwje gə raŋg lai lé Deḛ d’ḭ dɔ kalimbaije’g lə dee ləm tɔ.

Nɔ̰-ndôo gə́ wɔji dɔ Jerusalem 3:55

Ǝi Njesigənea̰, m’no̰ ɓar rii Loo gə́ ma m’to mee bwa-wəl’g neelé.

Ejekel 26:20

n’a kɔsi piriŋ kilai gə deḛ gə́ dubu dee mee bwa’g rɔ koso-dəwje gə́ ləw’g. N’a kari aw si gin naŋg’d naŋg loo gə́ wa ŋgɔ njag-njag gə no̰ rɔ deḛ gə́ dubu dee mee bwa’g mba kar dəw kára kara si ɓee’g ləi el ŋga, ndá n’a kunda rɔnduba kul mbata lə ɓee lə njésikəmbaje.

Ejekel 31:14

mba kar kagje lai gə́ d’aar ta manje’g lé d’a kar dee ŋgal pur-pur el ŋga ləm, mba kar sém dee teḛ tar dan barkəm deeje gə́ ndər siŋ-siŋ’d lé el ŋga ləma, mba kar kag-sɛnəje lai gə́ d’ai mán yaa̰ lé ŋgal dee a to to gə́ kédé el ŋga ləm tɔ. Mbata deḛ lai lé yoo ɓa wɔji dɔ dee kar dee d’aw gin naŋg’d bər mbuna dəwje lai gə́ dubu dee bwa-dɔɓar’g na̰’d.

Matiyo 12:40

To gə́ Junas to ne mee ka̰ji-boo’g ndəa munda, dan kàrá gə loondul’g ndá Ŋgon-dəw lé a to mee bwa’g naŋg ndəa munda dan kàrá gə loondul’g togə́bè tɔ.

Lugu 11:10

Mbata nana ɓa gə́ kwɔi dee né ndá d’a karee ya ləm, yeḛ gə́ saŋg né ndá a kɔs dəa keneŋ ɓəi ləma, yeḛ gə́ unda tabidi rəw-kəi ndá d’a kɔr karee ya ləm tɔ.

Lugu 22:44

Loo gə́ yeḛ to ndur rəa ndá yeḛ to ta Ala’g pəgə-pəgə, ar mán təd gə́ rəa’g teḛ kas asəna gə məs gə́ ndəi ɗəŋ-ɗeŋbèe.

Néra Njékaḭkulaje 2:27

Mbata i a kya̰ neḛ ɓee lə njé gə́ d’wəi’g lé el ləm, Njemeenda ləi lé i a kyá̰ karee unda naŋg ndəs el ləm tɔ.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

1 Samel 1:16

Maji kari oo kura ləi gə́ kaiya-dené el mbata némeeko̰ gə nékəmndoo gə́ al dɔm sula ɓa am m’pa ne ta saar ɓasinè ya.

1 Samel 30:6

Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.