Joɛl 3:5 - Maktub gə́ To gə Kəmee

⁵ Yen ŋga nana ɓa gə́ a ɓar ri Njesigənea̰ ndá a kaji, Kaji lé a to dɔ mbal gə́ Sio̰.

Joɛl 3:5 Iomraidhean Croise

2 Mbaije 12:18

Mee ndəa gən lé Ajael, mbai gə́ Siri ɔr rɔ aw rɔ gə Gatje ndá yeḛ dum dee. Ajael wɔji mée’g mba kaw rɔ gə Jerusalem tɔ.

2 Mbaije 16:8

Tɔɓəi Akas odo larnda gə larlɔr gə́ to mee kəi’g lə Njesigənea̰ ləm, gə dan mee kəi-nébao’g lə mbai ləm tɔ ndá yeḛ ula gə nékar neelé rɔ mbai gə́ Asiri’g.

2 Mbaije 24:13

Yeḛ tɔr nébaoje lai gə́ to mee kəi’g lə Njesigənea̰ ləm, gə nébaoje lai gə́ to mee kəi’g lə mbai ləm tɔ aw ne, tɔɓəi yeḛ tuji nékulaje lai gə́ ra gə larlɔr gə́ Salomo̰, mbai gə́ Israɛl unda dee mee kəi’g lə Njesigənea̰ gə́ to gə kəmee, to gə́ Njesigənea̰ pa ne kédé lé tɔ.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Jeremi 23:7

Gelee gə́ nee ɓa Njesigənea̰ pa ne pana: Ndɔje gə́ d’a gə ree lé dəw a pana: Njesigənea̰ to njesikəmba, yeḛ gə́ ar Israɛlje d’unda loo mee ɓee gə́ Ejiptə teḛ lé a pa bèe el.

Jeremi 50:28

Ooje ndu kii lə njékaḭje, Deḛ gə́ d’ḭ Babilɔn d’aḭ lé D’aw d’ila mber dalba̰ Le Ala lə sí gə́ Njesigənea̰ Mee ɓee gə́ Sio̰, Dalba̰ gə́ wɔji dɔ kəi ləa gə́ to gə kəmee lé,

Jeremi 51:11

Olje ndo̰ kag ɓandaŋgje lə sí ləm, Waje dərje lə sí kègègè ləm tɔ! Njesigənea̰ ɔs kudu mbaije gə́ Médi ɓɔḭ-ɓɔḭ, Mbata yeḛ wɔji mée’g Gə mba tuji Babilɔn, Mbata to dalba̰ lə Njesigənea̰, To dalba̰ gə́ wɔji dɔ kəi ləa Gə́ to gə kəmee.

Ejekel 37:12

Bèe ɓa maji kari tegginta ula dee pana: Mbaidɔmbaije gə́ Njesigənea̰ pa togə́bè pana: Aa ooje, əi koso-dəwje lə neḛ, n’a gə kar ta dɔɓarje lə sí teḛ kar sí undaje loo keneŋ teḛje ləm, n’a tel ree sə sí mee ɓee gə́ Israɛl gogo ləm tɔ.

Loo gə́ killa rea kəm Daniel’g 11:38

Nɛ lé bèe kara yeḛ a kila riɓar dɔ magə’d gə́ njekaa dɔ kəi-kaar-kɔgərɔje gə́ d’uree tar dɔ né’g lé. Ala neelé gə́ bɔbeeje-je gər el lé yeḛ a polé gə larlɔr gə larnda gə jərje gə néje gə́ gad dee to yaa̰ tɔ.

Abdias 1:17

Nɛ kaji a to dɔ mbal gə́ Sio̰’d Gə́ a to gə kəmee ləm, Ginkoji Jakobje lé D’a tel taa nénduba lə dee gogo ya ləm tɔ.