Joɛl 3:2 - Maktub gə́ To gə Kəmee

² Tɔgərɔ ya, mee ndəaje’g neelé Kuraje gə́ diŋgam gə njé gə́ dené kara M’a kɔm Ndiləm dɔ dee’g tɔ.

Joɛl 3:2 Iomraidhean Croise

2 Sôrta Gḭka Israɛlje 20:26

Ndɔ gə́ njekɔm’g sɔ lé deḛ d’wa dɔ na̰ mee wəl-loo gə́ Beraka ndá lé neelé deḛ pidi Njesigənea̰ keneŋ. Gelee gə́ bèe ɓa deḛ ɓar ne ri loo neelé lə wəl-loo gə́ Beraka, ri gə́ to dəa’g saar teḛ mee ndɔ gə́ ɓogənè ya.

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Jeremi 12:14

Njesigənea̰ pata togə́bè wɔji ne dɔ njéboataɓeeje ləm gə́ to njémeeyèrje pana: Deḛ tuji nédɔji gə́ n’ar dəwje lə neḛ gə́ Israɛl. Aa ooje, n’a kɔr dee mee ɓee’g lə dee ləm, n’a kɔr gel-bɔje lə Juda kara mbuna dee’g ləm tɔ.

Jeremi 25:31

Kaa né ɓar ɔr rudu naŋg nee njal Mbata Njesigənea̰ Ra gə ginkoji dəwje gə raŋg ta, Yeḛ gaŋgta dɔ dəwje’g lai Yeḛ ɔm njémeeyèrje ta kiambas’g. Njesigənea̰ ɓa pa bèe.

Jeremi 49:1

Ta gə́ wɔji dɔ Amo̰je. Njesigənea̰ pa togə́bè pana: See Israɛl lé see ŋgonee gə́ diŋgam godo wa. See njekwa nénduba ləa godo wa. See gelee ban ɓa magə-Malkɔm Taa ɓee gə́ Gad gə́ kea̰ ləm, Ar koso-dəwje ləa d’isi Mee ɓee-booje gə́ keneŋ ləm tɔ wa.

Jeremi 50:17

Israɛl lé to ŋgon badə gə́ ndəm Gə́ toboḭje tuba gée, Mbai gə́ Asiri ɓa gə́ njesɔ dakasee kédé, yeḛ gə́ rudu lé to Nebukadnesar, mbai gə́ Babilɔn ndá yeḛ təd siŋga rém-rém.

Ejekel 25:8

Mbaidɔmbaije gə́ Njesigənea̰ pa togə́bè pana: To gə́ Moabje gə Seirje pa pana: Gel-bɔje lə Juda to d’asəna gə ginkoji dəwje gə raŋg lai ya lé,

Ejekel 34:6

Koso-badje lə neḛ ndəm d’ila rima-rima dɔ mbalje’g lai ləm, gə dɔ dɔdərlooje gə́ ḭ tar’g ləm tɔ, koso-badje lə neḛ sanéna̰ gə dɔ ɓeeje lai dɔ naŋg nee, dəw gə́ mée to dɔ dee’g kára kara godo ləm, dəw gə́ njendolè dee kára kara godo ləm tɔ.

Ejekel 35:10

Mbata i pana: Ginkoji dəwje gə raŋg loo joo ləm, ɓeeje gə́ joo ləm tɔ lé d’a to gə́ ka̰ síjeḛ. Lée Njesigənea̰ si lée’g neelé kara jeḛ j’a kar dee to ka̰ síjeḛ ya.

Ejekel 36:1

I ŋgon-dəw lé, maji kari tegginta wɔji ne dɔ deḛ gə́ d’isi dɔ mbalje gə́ Israɛl pana: Seḭ gə́ síje dɔ mbalje gə́ Israɛl lé ooje ta lə Njesigənea̰!

Ejekel 36:5

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Tɔgərɔ ya, dan pər oŋg’g lə neḛ lé neḛ m’pata n’ila dɔ ginkoji dəwje gə raŋg gə́ raŋg ləm, gə dɔ Edɔmje’g lai ləm tɔ, deḛ gə́ kai na̰ ɓee lə neḛ d’aree to gə́ né ka̰ dee-deḛ gə rɔlel gə́ taa meḛ dee pəl-pəl ləm, gə kḛji loo bəḭ-bəḭ lə dee ləm tɔ mba kodo ne nékiŋgaje lə dee gə́ nébanrɔ lé.

Ejekel 38:22

N’a gaŋg rəwta dəa’g gə yoo-koso ləm, gə məs ləm, gə ndi-bura-boo ləma, gə ndi kwɔjije ləm tɔ. N’a ɓugu pər gə kṵji pər gə́ kas gə́ o̰ bilim-bilim dəa’g gə dɔ kudu-njérɔje’g ləa ləm, gə dɔ koso-dəwje gə́ bula digi-digi gə́ d’a kaw səa lé ləm tɔ.

Ejekel 39:11

Mee ndəa’g neelé n’a kar Gɔg loo gə́ a to dɔɓaree mee ɓee gə́ Israɛl, mee wəl-loo lə njékaw mbáje gə́ to par gə́ bər lə baa-boo-kad lé, dɔɓar neelé a kudu rəw dɔ njékaw mbáje’g. Lée neelé ɓa d’a dubu Gɔg gə dəw-bulaje ləa lai keneŋ ndá wəl-loo neelé d’a ɓaree wəl-loo lə koso-dəwje lə Gɔg.

Amɔs 1:11

Njesigənea̰ ɓa pa togə́bè pana: Gə mbata kaiya ra Edɔmje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’un kiambas tuba ne ŋgako̰ deeje Ɓó d’oo kəmtondoo lə Israɛlje gə́ né el. Mbata oŋg lə dee al dɔ dee sula gə ndɔ dee ndɔ dee ləm, Deḛ d’ar oŋg lə dee ɔs kɔr meḛ dee’g saar gə no̰ ləm tɔ.

Misee 4:12

Nɛ deḛ gər takə̰ji lə Njesigənea̰ el ləm, Deḛ gər néje gə́ yeḛ wɔji mée’g el ləma, Deḛ gər to gə́ yeḛ ɓa mbo̰ dee dɔ na̰’d Asəna gə kó gə́ to loo-kundá’g bèe el ləm tɔ.

Soponi 3:8

Njesigənea̰ pa togə́bè pana: Maji kar sí ŋginaje neḛ saar Ndɔ gə́ n’a kḭ taa nébanrɔ ɓa, Mbata neḛ n’wɔji mee neḛ’g njaŋg Gə mba mbo̰ ginkoji dəwje gə raŋg ləm, Gə ɓeeko̰je ləm tɔ Gə mba kɔm oŋg lə neḛ lé dɔ dee’g Boo-oŋg lə neḛ gə́ to asəna gə pər bèe Mbata pər boo-oŋg lə neḛ a roo naŋg nee lai dula-dula ya.

Loo gə́ killa rea kəm Ja̰’g 11:18

Ginkoji dəwje gə raŋg ra oŋg, nɛ oŋg-boo ləi taa dee rəw, kàr gaŋg-rəwta dɔ njé gə́ d’wəi’g lé kàree teḛ mba̰, kàr kuga dɔ ji kuraje ləi gə́ njéteggintaje ləm, gə dɔ ji deḛ gə́ to gə kəmee ləma, gə dɔ ji njéɓel riije gə́ to dəwje gə́ boo-boo əsé to dəwje gə́ gɔ-gɔ kara kàree teḛ mba̰ ya ləm tɔ. Kàr tuji deḛ gə́ tuji naŋg nee kara teḛ mba̰ ya.

Loo gə́ killa rea kəm Ja̰’g 16:14

Deḛ gə́ ndilje gə́ yèr, deḛ ra nékɔbje d’aw rɔ mbaije gə́ dɔ naŋg nee’g lai mbo̰ dee mba kɔm dee loo-rɔ’g ndɔ boo-oŋg lə Ala yeḛ gə́ njedum dɔ néje lai lé.

Loo gə́ killa rea kəm Ja̰’g 16:16

Deḛ mbo̰ dee dɔ na̰’g loo gə́ deḛ ɓaree gə ta Ǝbrə Harmagedo̰.

Loo gə́ killa rea kəm Ja̰’g 16:6

Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya.

Loo gə́ killa rea kəm Ja̰’g 20:8

Yeḛ a teḛ gə mba su kəm ginkoji dəwje gə raŋg gə́ d’isi dɔ kum naŋg gə́ sɔ’g lé ləm, Gɔg gə Magɔg ləm tɔ gə mba mbo̰ dee ne loo-rɔ’g. Deḛ bula d’asəna gə nagəra gə́ ta baa-boo-kad’g bèe.