Joɛl 2:8 - Maktub gə́ To gə Kəmee

⁸ Deḛ d’usu na̰ wuduru-wuduru el, Nana kara njaa gə kíla rəw ləa-ləa, Deḛ dəs kalaŋ mbuna ndo̰ nékadje’g Lal kaar naŋg.

Joɛl 2:8 Iomraidhean Croise

2 Sôrta Gḭka Israɛlje 23:10

Yeḛ unda dəwje ar dee gugu ne dɔ mbai lé sub, nana kara aar gə nérɔje jia’g-jia’g, un kudee mbɔr kəi gə́ dɔkɔl saar teḛ ne mbɔree gə́ dɔgel mbɔr loo-nékinjaməs’g ləm gə mbɔr kəi’g ləm tɔ.

2 Sôrta Gḭka Israɛlje 32:5

Ejekias wa rəa kɔgərɔ, yeḛ tel gɔl ndògo-bɔrɔ gə́ təd lé aree ḭta aw njal teḛ kaar kəije gə́ duu dɔ loo ləm, yeḛ tel unda ndògo-bɔrɔ gə́ raŋg gir loo gə́ raga, ar Milo gə́ to dan mee ɓee-boo’g lə Dabid lé ŋgəŋ ləma, tɔɓəi yeḛ wa dɔ gɔl nérɔje bula yaa̰ gə dərje ləm tɔ.

Nehemi 4:17

Ma əsé ŋgakɔmje əsé kuraje ləm əsé dəwje gə́ njékaa-dɔ-looje gə́ d’aw goom’g lé, dəw kára kara gə́ mbuna sí’g lé ɔr kubu ləa rəa’g el tɔ. Nana kara nérɔ gə mán ɓa wa jia’g-jia’g tɔ.

Maktub gə́ wɔji dɔ Jɔb 33:18

Gə mba kaji ne kankəmrea mee bwa’g ləma, Gə mba təa ne ta kiambas’g ləm tɔ.

Maktub gə́ wɔji dɔ Jɔb 36:12

Ɓó lé deḛ d’oo ta el ndá d’a kwəi yoo-kiambas ləm, D’a kwəi dɔ mbə’g lal gər ginee ləm tɔ.

Gosota-Kəmkàrje 30:27

Beedéje lé mbai lə dee godo, Nɛ d’unda loo teḛ gə kudu dee kudu dee,

Pa gə́ ur dɔ paje 4:13

Kag-dḭje d’uba kəm rəbije’g Gə kandə deeje gə́ lel yaa̰ Unda mar deeje ləm, Gə rɔm puduje gə́ ə̰də sululu ləm tɔ.

Esai 5:27

Dəw kára kara mbuna dee’g dao el ləm, Dəw kára kara ndɔr gɔlee el ləma, Ɓi wa kəm dəw kára kara el Ar dəw kara toɓi el ləm tɔ. Dəw kára kara tudu ta ndar ləa el ləm, Kula ta markob ləa gaŋg el ləm tɔ.

Joɛl 2:7

Deḛ d’unda na̰ gə kudu dee kudu dee to gə́ bao-rɔje bèe ləm, Deḛ tal dɔ ndògo-bɔrɔ to gə́ njérɔje bèe ləm tɔ, Nana kara aw gə́ rəw ləa-ləa Ar dəw kára kara ndəm rəw-kabee’g el.

Joɛl 2:9

Deḛ yal na̰ pə mee ɓee-boo’g ləm, D’aiŋgwɔd dɔ ndògo-bɔrɔje’g ləm, Tuba dɔ kəije ləma, Ta̰d kəmbolèje’g to gə́ njéɓogoje bèe ləm tɔ.