Joɛl 2:6 - Maktub gə́ To gə Kəmee

⁶ Koso-dəwje ɓəl d’unda bala tigi-tigi no̰ dee’g. Dəwje lai lé kəm dee tel wagəsa gə kəm ɓəl.

Joɛl 2:6 Iomraidhean Croise

Pakɔsje 119:83

Mbata ma lé m’to asəna gə ɓɔl gə́ naa̰ tar kəm sa’g bèe, M’ar məəm wəi dɔ godnduije’g lé nda̰ el.

Esai 13:8

Siŋgasa wa dee ləm, Rɔko̰ gə́ ndaŋg dəw paḭ gə rɔtoo ra dee ləm, Deḛ tuma̰ rɔ dee To gə́ dené gə́ ndóo rəa bèe ləm, Deḛ d’aa kəm na̰ kɔbərɔ-kɔbərɔ ləma, Kəm dee ti bo̰-bo̰ ləm tɔ.

Jeremi 30:6

Dəjije na̰ ooje See diŋgam a koji ŋgon wa! Ŋga see gelee ban ɓa M’oo diŋgamje lai d’orè ji dee dun dee’g To gə́ dené gə́ ndóo tée bèe wa! See gelee ban ɓa Kəm deḛ lai tel ndá mbam wa.

Jeremi 8:21

Némeeko̰ lə koso-dəwje ləm Sɔ siŋgam yaa̰ ləm, Ma m’isi dan kəmtondoo’g ləma, Ɓəl undam badə gaŋgm ləm tɔ.

Nɔ̰-ndôo gə́ wɔji dɔ Jerusalem 4:8

Ɓasinè rɔndɔḭ lə dee tel ndul kɔl-kɔl Unda jo-kul ləm, Loo gə́ dee teḛ dan rəw’g kara Dəwje gər dee el ləm tɔ, Ndar rɔ dee lé tia̰ dɔ siŋga dee’g Aree tudu kurum-kurum to gə́ kir bèe ya.

Nahum 2:10

Maji kar sí undaje larnda gə larlɔr gə́ nébanrɔ! Mbata nébaoje gə́ ɔs dɔ maree-maree to keneŋ ləm, Nébaoje gə́ ra gə néje gə́ gad dee to yaa̰ Gə gel dee gel dee lé to keneŋ ləm tɔ.

Nahum 2:11

D’unda nébanrɔ ləm, deḛ tuji néje pugudu ləma, d’wa rəw-rəw ləm tɔ. Meḛ dəwje ila kas bilim ləm, No̰ kəji dee unda ndolé ləm, Deḛ d’unda bala tig-tig ləma, Kəm dee tel wagəsa gə kəm ɓəl ləm tɔ.