Joɛl 2:3 - Maktub gə́ To gə Kəmee

³ Loo gə́ to no̰ dee’g lé To asəna gə pər gə́ roo loo dula-dula bèe ləm, Loo gə́ goo dee’g lé To asəna gə ndo̰ pər gə́ o̰ loo rug-rug bèe ləm tɔ, Dɔ naŋg gə́ no̰ dee’g kédé lé To asəna gə loo-ndɔ gə́ Edḛ bèe, Nɛ goo dee’g gogo ndá Loo tel to dɔdilaloo gə́ majel, Né kára kara nai keneŋ el.

Joɛl 2:3 Iomraidhean Croise

Gḭ-Néje 13:10

Lɔt un kəmee gə́ tar ndá yeḛ oo loo gə́ təb mee ndag-loo gə́ Jurdɛ̰ lai gə́ mu idi keneŋ lururu. Kédé gə́ Ala tuji Sɔdɔm gə Gɔmɔr el ɓəi lé, un kudee lé gə́ neelé saar teḛ Soar lé to asəna gə loo-ndɔ lə Njesigənea̰, asəna gə ɓee gə́ Ejiptə bèe.

Gḭ-Néje 2:8

Tɔɓəi Njesigənea̰ Ala wa loo-ndɔ loo gə́ ɓaree Edḛ’g, par gə́ bər ndá yeḛ unda dəw gə́ yeḛ rəa lé keneŋ.

Pakɔsje 50:3

Ala lə sí lé si ree Ɓó yeḛ si dɔ mundu el, Loo gə́ nea̰’g lé pər o̰ kənənə-kənənə ləm, Loo gə́ gugu dəa sub lé kara lel-boo ula mbḭ-mbḭ ləm tɔ.

Pakɔsje 97:3

Pər ɓa aw nea̰’g Roo njékoma̰ səaje gə́ gugu dəa sub lé.

Teḛ-Raga 10:15

Deḛ d’ɔn dɔ naŋg lai ndá dɔ naŋg to ne bigim, deḛ d’usɔ muje gə́ dɔ naŋg’d lai ləm, gə kandə kagje lai ləm tɔ, néje lai gə́ ndi kwɔji tuji kédé el lé, mee ɓee gə́ Ejiptə lai lé kam kag kára kara nai el ləm, mu kára kara nai el ləm tɔ.

Teḛ-Raga 10:5

D’a taa loo pəl-pəl ndá dəw a kas koo ndaji naŋg el, ges néje lə sí gə́ nai gə́ ndi kwɔji lal tuji lé d’a sɔ rɔg-rɔg ləm, kagje lai gə́ d’uba mee wala’g kara d’a sɔ rɔg-rɔg ləm tɔ.

Esai 14:17

Gə njekar dɔ naŋg tel to gə́ dɔ nduba ləm, Gə njetuji ɓee-booje ləma, Gə njekɔr dəwje gə́ yeḛ wa dee gə́ ɓər lé Kɔm dee tar el ləm tɔ lé el wa.

Esai 15:6

Mbata manje gə́ Nimrim lé D’yi tə-tə ləm, Mu tudu kurum-kurum Ar mu gə́ təb gə́ idi lururu kara tuji pugudu ləm tɔ. Né gə́ to təb kára kara godo.

Esai 33:4

Deḛ mbo̰ nébanrɔje lə sí To gə́ beedéje tuji ne né bèe ləm, Deḛ d’al d’ur dɔ’g To gə́ beedéje d’ḭ d’ɔm ne dɔ né’g bèe ləm tɔ.

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Esai 9:18

Gə goo oŋg lə Njesigənea̰ gə́ njeboo-néje lé ɓa Pər taa ne ɓee pəl-pəl Ar koso-dəwje tel to d’as ne na̰ Gə kir gə́ pər o̰ bèe, Dəw kára kara oo kəmtondoo lə ŋgokea̰ yá̰ ne el.

Esai 9:19

Dəw nar nésɔ gə́ to dɔ jikɔlee’g Nɛ si gə ɓó ya ɓəi, Dəw gaŋg nésɔ gə́ to jigelee’g Nɛ asee el ya ɓəi tɔ, Nana kara dakas jia-yeḛ ya ɓa sɔ.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Ejekel 36:35

ndá d’a pana: Dɔ naŋg nee gə́ tuji pugudu lé ya tel to asəna gə loo-ndɔ gə́ Edḛ, ɓee-booje nee gə́ tuji pugudu-pugudu ləm, gə to dɔdilaloo ləma, gə gə́ tɔ naŋg pɔs-pɔs ləm tɔ lé tel d’ila ndògo-bɔrɔ gugu ne dɔ dee sub d’ar dəwje d’isi keneŋ ləm tɔ.

Amɔs 7:4

Némḭdi gə́ raŋg gə́ Mbaidɔmbaije gə́ Njesigənea̰ tɔjim am m’oo ɓa nee. Aa ooje, Mbaidɔmbaije gə́ Njesigənea̰ ila mber ta lə pər gə́ a kar bo̰ néra dee ɔs ta dee’g lé. Pər neelé roo bwa-wəl mán ləm, gə dɔ naŋg ləm tɔ.

Habakuk 1:6

Aa ooje, n’a gə kɔs Kaldeje ɓɔḭ-ɓɔḭ Deḛ lé to koso-dəwje gə́ to njéo̰gje gə njémeekḭ juguguje ləm, Deḛ d’unda tad ɓee gə dɔ naŋg dana gaŋg Gə mba kaw taa loo-sije gə́ to ka̰ dee-deḛ el lé ləm tɔ.

Jakari 7:14

Neḛ n’sané dee mbuna ginkoji dəwje gə raŋg’d Gə́ deḛ gər dee el ləm, Ɓee lə dee tel to dɔnduba tor dee’g Ar dəw kára kara dəs keneŋ aw Esé tel keneŋ el ləm tɔ. Ɓee gə́ maji dum lé deḛ d’aree tel to dɔdilaloo ya.