Joɛl 2:25 - Maktub gə́ To gə Kəmee

²⁵ Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Joɛl 2:25 Iomraidhean Croise

Teḛ-Raga 10:5

D’a taa loo pəl-pəl ndá dəw a kas koo ndaji naŋg el, ges néje lə sí gə́ nai gə́ ndi kwɔji lal tuji lé d’a sɔ rɔg-rɔg ləm, kagje lai gə́ d’uba mee wala’g kara d’a sɔ rɔg-rɔg ləm tɔ.

Jeremi 46:23

Lée kag-kɔr ləa siŋ siŋ-siŋ kara Deḛ tuga mbad-mbad gaŋg. Njesigənea̰ ɓa pa bèe. Mbata deḛ bula d’unda beedéje Ɓó dəw askəm tura dee el.

Jakari 10:6

N’a kar siŋga Judaje ḭ dɔ maree’d gə́ kédé-kédé ləm, N’a taa dɔ njé’g lə Jisəb ləm tɔ, N’a tel ree sə dee Mbata mee neḛ aw taḭ-taḭ mbata lə dee, Ndá d’a to kasəna gə dəwje gə́ n’uba dee n’ya̰ dee kédé el lé bèe, Mbata neḛ n’to Njesigənea̰, Ala lə dee Ndá n’a koo ta lə dee ya.

Malasi 3:11

Néje gə́ d’a gə tuji kó lə sí lé m’a ndaŋg dee mbata lə sí ndá d’a tuji dɔ kó lə sí gə́ a gə teḛ mbi lé el ləm, nduú gə́ mee ndɔje’g lə sí kara d’a lal kandə el ləm tɔ. Njesigənea̰ gə́ njeboo-néje lé ɓa pa bèe.