Joɛl 2:21 - Maktub gə́ To gə Kəmee

²¹ I dɔ naŋg lé, maji kari gə́ ɓəl el Nɛ maji kari al rɔi ləm, ra rɔlel ləm tɔ Mbata Njesigənea̰ ra néje gə́ boo.

Joɛl 2:21 Iomraidhean Croise

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

Pakɔsje 71:19

Ǝi Ala, meekarabasur ləi lé aw saar teḛ mee dara’g ya, I nja to njera néje gə́ boo, Ǝi Ala, see na̰ ɓa to tana səi ɓəi wa.

Pakɔsje 98:8

Maji kar mán baaje tal turu tuma̰-tuma̰ ləm, Maji kar dɔ mbalje lai-lai kara ra né wəl-wəl gə rɔlel ləm tɔ

Esai 35:1

Dɔdilaloo gə ɓee gə́ tudu kurum-kurum d’a ra rɔlel, Ndag-mbo lé a si dan rɔlel’g ləm, A kidi lururu to gə́ pudu néje bèe ləm tɔ,

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Esai 55:12

Oiyo, seḭ a kundaje loo teḛje gə rɔlel ləm, D’a kɔr no̰ sí gə meekulɔm ləm tɔ. Mbalje gə dɔdərlooje d’a kɔr ndu dee gə́ tar gə kalrɔ no̰ sí’g ləm, Kagje lai gə́ mee wala’g lé d’a kunda ji dee rag-rag ləm tɔ.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Ojee 2:21

Israɛl, m’a to njemɔr ləi gə́ gəd gə́ gə no̰ ləm, M’a to njemɔr ləi gə́ gəd gə goo meekarabasur ləm, Gə goo néra gə́ gə dɔ najee ləm, Gə goo meenoji ləma, gə goo meekɔrjol ləm tɔ.

Joɛl 2:20

M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.

Joɛl 2:26

Seḭ a sɔje né kaareeje as sí nag-nag ləm, Seḭ a kulaje ne rɔnduba dɔ ri Njesigənea̰ Ala’g lə sí ləm tɔ Mbata néje gə́ dum koo gə́ yeḛ ra ar sí, Bèe ɓa rɔkul a dəb dɔ dəwje’g ləm nda̰ el ŋga.

Jakari 8:15

Nɛ ɓasinè mee ndɔje’g neelé Neḛ n’tel n’wɔji njaŋg gə mba ra meemaji gə njé gə́ Jerusalem Gə dəwje gə́ Juda bèe-bèe ya. Bèe ndá maji kar sí ɓəlje el.

Tel tura Godndu 4:32

Maji kar sí ə̰jije dɔ ndɔje gə́ ləw gə́ dəs no̰ sí’g kédé lé un kudee mee ndəa gə́ Ala unda ne dəw dɔ naŋg nee ləm, ə̰jije dɔ né gə́ teḛ un kudee loo gə́ ḭ gwɔi dara’g saar kaw rudee’g lé ləm tɔ, see dəw oo né gə́ boo gə́ togə́bè kédé əsé see a koo gar né gə́ togə́bè gogo ya wa.

1 Samel 12:16

Ɓasinè lé, maji kar sí aarje loo gə́ nee’g mba kooje némɔri gə́ boo gə́ Njesigənea̰ a gə ra kəm sí’g lé.

1 Samel 12:24

Nɛ ɓəl ya maji kar sí ɓəlje Njesigənea̰ ləm, raje né areeje gə ŋgonkoji gə meḛ sí bura ləm tɔ. Mbata aa ooje boo-némɔrije gə́ yeḛ ra mbata lə sí lé.