Joɛl 2:20 - Maktub gə́ To gə Kəmee

²⁰ M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.

Joɛl 2:20 Iomraidhean Croise

2 Mbaije 8:13

Ajael pana: Ma kura ləi gə́ m’to bisi nee ya see m’askəm ra néje gə́ boo bèe to gə́ ban wa. Ndá Elije ilá’g pana: Njesigənea̰ riba dɔ ta nee am m’oo to gə́ i a to mbai gə́ Siri ya.

Pakɔsje 126:3

Oiyo, Njesigənea̰ ra néje gə́ boo ar sí ya, Ndá jeḛ j’isije ne dan rɔlel’g.

Teḛ-Raga 10:19

Yen ŋga Njesigənea̰ ar lel-boo ḭ dɔ-gó ula gə siŋga ɔr beedéje neelé ɓugu dee dan baa-boo gə́ ria lə baa-boo gə́ Kas, mee ɓee gə́ Ejiptə lai lé beedéje kára kara nai keneŋ el.

Teḛ-Raga 8:14

Njéra némɔrije kara ra némɔrije lə dee ɓəd-ɓəd mba kar nduji naŋg tel ŋgisaje, nɛ dum dee ŋga. Tɔɓəi ŋgisaje lé to dɔ dəwje’g ləm, gə rɔ daje’g ləm tɔ.

Esai 34:3

D’odo yoo dee d’ɔm dɔ na̰’d rib-rib ləm, Nin dee ə̰də mbo̰ ləma, Məs dee kara ula dɔ mbal’g ləm tɔ.

Ejekel 47:18

Dəb loo gə́ bər a to baa gə́ Jurdɛ̰ mbuna Habran gə Damas gə Galaad ləm, gə ɓee lə Israɛlje ləm tɔ, seḭ a kwɔjije un kudee rəw-nim gə́ dɔgel saar teḛ baa-boo-kad gə́ to par gə́ bər, yee ɓa a to dəb loo gə́ bər.

Amɔs 4:10

Neḛ n’ula gə yoo-ndag, Karee yee gə́ tuji ɓee gə́ Ejiptə kédé dɔ ɓee’g lə sí, Neḛ n’tɔl ŋgan síje gə́ basa gə kiambas ləm N’ar dee t’wa kundaje lə sí ləm tɔ. Neḛ n’ar baḭ néje gə́ ndum loo-si sí’g lé Uru rəw əm sí’g ya. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Jakari 14:8

Mee ndəa’g neelé manje gə́ d’aḭ teḛ kuji-kuji d’a kḭ Jerusalem Kar gesee a kula par gə́ baa-boo-kad gə́ par gə́ bər ləm, Kar Gesee gə́ raŋg a kula par gə́ baa-boo-kad gə́ dɔ-gó ləm tɔ. A to togə́bè gə naḭ kàr ləm, gə naḭ ɓar ləm tɔ.

Malasi 3:11

Néje gə́ d’a gə tuji kó lə sí lé m’a ndaŋg dee mbata lə sí ndá d’a tuji dɔ kó lə sí gə́ a gə teḛ mbi lé el ləm, nduú gə́ mee ndɔje’g lə sí kara d’a lal kandə el ləm tɔ. Njesigənea̰ gə́ njeboo-néje lé ɓa pa bèe.

Tel tura Godndu 11:24

Looje lai gə́ seḭ a kilaje gɔl sí keneŋ lé d’a tel to ka̰ sí: rəw-nim-ɓee lə sí a kun kudee dɔdilaloo’g saar teḛ Liba̰ ləm, a kḭ baa gə́ ria lə Epratə kaw saar teḛ baa-boo-kad’g par gə́ dɔ-gó ləm tɔ.