Joɛl 2:18 - Maktub gə́ To gə Kəmee

¹⁸ Kəm Njesigənea̰ əḭ dɔ ɓee’g ləa Ar mée aw taḭ-taḭ, Bèe ɓa yeḛ oo ne kəmtondoo lə koso-dəwje ləa.

Joɛl 2:18 Iomraidhean Croise

2 Mbaije 19:31

Mbata ges dee gə́ nai lé d’a kunda loo mee ɓee gə́ Jerusalem teḛ ləm, deḛ gə́ d’aji lé d’a kḭ dɔ mbal gə́ Sio̰ ree ləm tɔ.

Pakɔsje 103:13

To gə́ meḛ bɔ ŋganje aw taḭ-taḭ dɔ ŋgan deeje’g lé Njesigənea̰ kara mée aw taḭ-taḭ dɔ deḛ gə́ ɓəlee’g lé togə́bè ya tɔ.

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Esai 37:32

Mbata ges dee gə́ nai lé d’a kunda loo mee ɓee gə́ Jerusalem teḛ ləm, deḛ gə́ d’aji lé d’a kḭ dɔ mbal gə́ Sio̰ ree ləm tɔ.

Esai 42:13

Njesigənea̰ unda loo teḛ To gə́ bao-rɔ bèe ləm, Yeḛ ar ŋguree rəa ŋgwɔd-ŋgwɔd To gə́ njerɔ bèe ya ləm tɔ. Yeḛ ɔr ndia gə́ tar ləm, Yeḛ ndaŋg rəa ləma, Yeḛ riba dɔ siŋgamoŋ ləa koma̰ ne njéba̰je ləa ləm tɔ.

Esai 60:10

Dəw-dɔ-ɓeeje d’a gɔl ndògo-bɔrɔ ləi gogo ləm, Mbaije lə dee d’a tel to kuraje ləi ləm tɔ, Mbata loo gə́ oŋg ram lé ɓa m’kundai ya Nɛ gə goo meekoso lemsé ləm lé M’tel m’oo ne kəmtondoo ləi.

Esai 63:15

I gə́ si mee dara’g tar Mee loo-sii gə́ to gə kəmee gə́ to loo-ronduba lé Maji kari aa loo oo, See mal ra né ləi gə siŋgamoŋ ləi ɓa to ra wa. Meekaw taḭ-taḭ ləi gə koo kəmtondoo ləi Gə́ wɔji dɔm lé m’oo ɓasinè el.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Nɔ̰-ndôo gə́ wɔji dɔ Jerusalem 3:22

Némeemajije lə Njesigənea̰ lé Rudu dee godo ləm, Némeekaw taḭ-taḭje ləa kara D’unda ŋgaŋ dee el ləm tɔ.

Jakari 1:14

Kura gə́ dara gə́ njekwɔji səm ta lé ulam pana: Maji kam m’ra né wəl m’pana: Njesigənea̰ gə́ njeboo-néje pa bèe pana: Mee neḛ aw taḭ-taḭ gə boo-kəmkəḭ Gə mbata lə Jerusalem gə Sio̰.

Jakari 8:2

Njesigənea̰ gə́ njeboo-néje pa togə́bè pana: Mee neḛ aw taḭ-taḭ gə boo-kəmkəḭ mbata lə Sio̰ ləm, Oŋg-boo ḭ sə neḛ dəa’g ləm tɔ.

Lugu 15:20

Yeḛ uba naŋg ḭ mba kaw ɓee lə bɔbeeje lé. Nɛ loo gə́ yeḛ nai əw ya ɓəi ndá bɔbeeje aa loo ée ŋga mee bɔbeeje tɔsee gə no̰ mbigi-mbigi aree aiŋgwɔd aw tée tub wá kaaree’g sud.

Tel tura Godndu 32:16

Deḛ d’ar kəmkəḭ lə Njesigənea̰ ḭ dɔ maree’d gə́ kédé-kédé mbata lə magəje gə́ dɔɓee’g, Deḛ d’ar mée ḭ səa pu gə néje gə́ mina̰ tɔ.

Tel tura Godndu 32:36

Njesigənea̰ a gaŋg rəwta dɔ koso-dəwje’g ləa, Nɛ yeḛ a koo kəmtondoo lə kuraje ləa Loo gə́ yeḛ oo to gə́ siŋga dee godo lé Ar ɓər əsé dəw gə́ to ŋgonkoji kara godo tɔ.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

Maktub gə́ Jak ula ne ar ngan-Allaje 5:11

Aa ooje, jeḛ m’pana: Deḛ gə́ d’ai meḛ dee sam-sam dan némeeko̰’g lé a maji dɔ dee’g. Seḭ ooje ta meekai sam-sam lə Jɔb ləm, tɔɓəi seḭ ooje né gə́ Mbaidɔmbaije aree ndɔ gə́ rudee un’g lé ləm tɔ mbata Mbaidɔmbaije lé koo kəmtondoo gə meekɔrjol taa rəa pəl-pəl ya.

Njéga̰g-Rəwtaje 10:16

Yen ŋga deḛ tɔr magəje gə́ dɔ ɓee’d gə́ to mbuna dee’g, tɔɓəi deḛ d’wa Njesigənea̰ meḛ dee’g ndá mée tɔsee mbigi-mbigi mbata lə boo-nékəmndoo gə́ Israɛlje d’isi danee’g lé.