Joɛl 2:12 - Maktub gə́ To gə Kəmee

¹² Njesigənea̰ pa tɔɓəi pana: Ɓasinè lé, gə́ telje reeje rɔm’g gə ŋgaw meḛ sí bura ləm, Gə kɔg-mee-ɓoo ləm, gə no̰ ləma, Gə no̰ sii mbigi-mbigi ləm tɔ.

Joɛl 2:12 Iomraidhean Croise

2 Samel 24:10

Gée gə́ gogo goo tura gə́ Dabid ar dee tura bula lə koso-dəwje lé ndá kaaree ɓar ɗigi-ɗigi. Bèe ɓa yeḛ ula Njesigənea̰ pana: Ma m’ra kaiya gə́ boo loo gə́ m’ra né neelé. Ǝi Njesigənea̰, ɓasinè ar məəi oso lemsé dɔ néra kori-kori’g lə kura ləi mbata né gə́ m’ra lé to némbə ya.

2 Sôrta Gḭka Israɛlje 30:6

Njékaḭkulaje lé d’aw gə maktubje gə́ mbai gə ŋgan-mbaije ləa ndaŋg d’ar dee d’aw ne mee ɓee gə́ Israɛl gə Juda lai ya. Tɔɓəi gə goo ndukun lə mbai lé deḛ pana: Seḭ ges Israɛlje gə́ teḛje ji mbaije gə́ Asiri lé maji kar sí ɔsje badm telje rɔ Njesigənea̰, Ala’g lé lə Abrakam, gə Isaak gə Israɛl mba karee-yeḛ kara tel ree rɔ sí’g tɔ.

2 Sôrta Gḭka Israɛlje 6:27

maji kari oo ta lə dee mee dara’g ləm, ar məəi oso lemsé dɔ kaiya ra kuraje’g ləi gə ka̰ koso-dəwje’g ləi gə́ Israɛl gə́ i a ndoo dee kankəmrəw gə́ kəm kar dee njaa keneŋ ləm tɔ ndá ar ndi ər dɔ naŋg’d gə́ i ar koso-dəwje ləi gə́ né ka̰ dee lé ya.

Este 4:16

Maji kari mbo̰ Jibje lai gə́ d’isi Susə dɔ na̰’d gə mba kar dee d’ɔg meḛ dee ɓoo mbata ləm, lal ko̰ muru ləm, gə lal kai mán ləm tɔ as ndɔ munda dan kàrá gə loondul’g. Ma kara m’a kɔg məəm ɓó gə ŋganjélookisije ləm gə́ dené to ɓa m’a kḭ kaw rɔ mbai’g lé gə goo godndu el ŋga. Ɓó lé to kəm karm m’wəi ne kara m’a kwəi ne ya.

Teḛ-Raga 33:5

Njesigənea̰ ula Moyis pana: Ula Israɛlje lé pana: Seḭ toje dəwje gə́ njégwɔbkelkwɔije ya, ɓó lé m’a njaa mbuna sí’g kurm əw lam ba bèe ya kara m’a tuji sí ya. Bèe ndá ɓasinè lé tɔrje néra basaje gə néra ma̰dje lai gə́ rɔ sí’g ndá m’a koo ne né gə́ kəm kam m’ra sə sí ɓəi.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Esai 58:4

Aa ooje, seḭ ɔgje meḛ sí ɓó Mba maḭ ne na̰ ta gə kɔl ne na̰ ləm, Mba kudu ji sí kunda ne na̰ gə meeyèr ləm tɔ, Seḭ ɔgje meḛ sí ɓó gə goo rəbee Mba kar ndu sí ɓar njal teḛ loo-sim gə́ tar lé el.

Jeremi 3:22

Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 36:7

Banelə Njesigənea̰ a koo ndu ndòo raje lə dee kar nana kara a kɔs ne badm tel dɔ panjaa’g ləa gə́ majel’g. Mbata oŋg, gə meekḭ jugugu gə́ Njesigənea̰ wɔji-kwɔji ra gə koso-dəwje neelé to ɓəl yaa̰.

Jeremi 4:1

Seḭ Israɛlje, ɓó lé seḭ telje Seḭ tel reeje rɔm’g, Njesigənea̰ ɓa pa bèe. Ɓó lé seḭ tɔrje néje gə́ mina̰ nɔm’g Ndá seḭ a kilaje tar mbir-mbir el ŋga.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Loo gə́ killa rea kəm Daniel’g 9:3

Ma m’tel kəm par gə́ rɔ Mbaidɔmbaije Ala’g lé ləm, m’ra tamaji ləm, m’ra ndòo rəa’g ləm, m’ɔg məəm ɓó ləma, m’ula kubu-kwa-ndòo rɔm’g m’isi ne dan bu’g ləm tɔ.

Ojee 12:6

Njesigənea̰ to Ala gə́ njeboo-néje, Ria to Njesigənea̰ ya.

Ojee 12:7

I lé maji kari tel ree rɔ Ala’g lé ləi, Né gə́ to gə́ nḛ́go̰koji ləm, Gə néra gə́ gə goo rəbee ləm tɔ lé Maji kari aar dɔ’g njaŋg Unda ne məəi yel dɔ Ala’g lé ləi ta-ta.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Joɛl 1:13

Seḭ njékinjanéməsje, Ɔmje kubu-kwa-ndòo rɔ sí’g no̰je ne! Seḭ gə́ raje kula loo-nékinjaməs’g lé Maji kar sí tuma̰je ŋgururu-ŋgururu to! Gə́ reeje, seḭ kuraje lə Ala ləm, Ulaje kubu-kwa-ndòo rɔ sí’g Toje ne loondul’g saar arje loo àr ləm tɔ! Mbata nékarje gə́ to nduji ləm, Gə nékarje gə́ ka̰ tər naŋg ləm tɔ lé Godo mee kəi’g lə Ala lə sí.

Jakari 7:3

gə mba kula njékinjanéməsje gə́ mee kəi’g lə Njesigənea̰ gə́ njeboo-néje, gə njéteggintaje ləm tɔ pana: See to maji kəm kar sí no̰je mee naḭ gə́ njekɔm’g mi ləm, gə jɔgje meḛ sí ɓó ləm tɔ to gə́ jeḛ n’raje mee ləbje bula gə́ kédé lé wa.

Jakari 7:5

Maji kam m’ula koso-dəwje gə njékinjanéməsje lai gə́ mee ɓee’g lé m’pana: Loo gə́ seḭ ɔgje meḛ sí ɓó ləm, gə no̰je ləm tɔ Mee naḭ gə́ njekɔm’g mi gə njekɔm’g siri ləm tɔ As ləbje rɔ-siri lé See to mbata lə neḛ-neḛ nja ɓa Seḭ ɔgje ne meḛ sí ɓó gə mbəa lé wa.

Malasi 1:9

Ɓasinè lé maji kar sí raje tamaji ta Ala’g lé mba karee oo kəm sí lootondoo’g ya! To seḭ ya ɓa né gə́ togə́bè lé ḭ rɔ sí’g. See yeḛ a kwa sí gə́ rəa’g gə meendakaḭ wa. Njesigənea̰ gə́ njeboo-néje lé ɓa dəji sí togə́bè.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.

Njéga̰g-Rəwtaje 2:4

Loo gə́ kura lə Njesigənea̰ gə́ dara pa taje neelé ar Israɛlje lai ndá koso-dəwje d’ɔr ndu dee wəl gə́ tar gə no̰ tɔ.

Njéga̰g-Rəwtaje 20:26

Israɛlje lai gə koso-dəwje bura d’ḭ d’aw Betel, deḛ no̰ ləm, d’isi lée’g neelé no̰ Njesigənea̰’g d’ɔg ne meḛ dee ɓoo saar kàrkemetag ləma, d’inja nékinjaməs gə́ ka̰ roo gə nékinjaməs gə́ wɔji dɔ kɔm na̰’d no̰ Njesigənea̰’g ləm tɔ.

1 Samel 7:3

Samel ula ginkoji Israɛlje lai pana: Ɓó lé seḭ telje reeje rɔ Njesigənea̰’g gə ŋgaw meḛ sí bura ndá tɔrje magəje gə́ dɔ ɓee’g ləm, gə magəje gə́ ri dee lə Astarte ləm tɔ mbuna sí’g ndá arje meḛ sí to gə́ dɔ Njesigənea̰’g ləm, raje né areeje-yeḛ nja kára ba ləm tɔ. Yee ɓa yeḛ a kɔr sí ne ji Pilistije’g kɔm sí tar ya.

1 Samel 7:6

Togə́bè ɓa deḛ mbo̰ dɔ na̰ loo gə́ Mispa ya tɔ. Deḛ to mán d’aw tər naŋg no̰ Njesigənea̰’g ləm, d’ɔg meḛ dee ɓoo mee ndəa’g neelé ləm tɔ pa ne pana: Jeḛ n’raje kaiya j’ɔsje ne Njesigənea̰ rəw ya! Ndá Samel gaŋg rəwta lə Israɛlje loo’d gə́ Mispa ya.