Joɛl 2:11 - Maktub gə́ To gə Kəmee

¹¹ Njesigənea̰ pata ar dee d’oo ndia no̰ bao-rɔje’g ləa, Mbata loo-siée un loo lad-lad, Njekar ta ləa aw lée’g béréré lé To Njesiŋgamoŋ, Mbata ndɔ lə Njesigənea̰ lé To ndɔ gə́ boo ləm, to ɓəl kədm-kədm ləm tɔ, See na̰ ɓa a kaskəm kaar dɔ gɔlee’g njaŋg wa.

Joɛl 2:11 Iomraidhean Croise

Pakɔsje 18:14

Njesigənea̰ ndaŋg rəa mee dara’g, Njekurdɔloo ar ndia ɓar gə kwɔji gə kɔr pərje tɔ.

Pakɔsje 46:6

Ala si mee ɓee’g neelé, né a yə ŋgirá el, Ala la səa un kudee taginloo’g.

Pakɔsje 68:18

Pusu-rɔje lə Njesigənea̰ lé Kudu kára lé bula digi-digi, bula digi-digi as loo dɔg-dɔg, Mbaidɔmbaije lé si mbuna dee’g, Sinai lé to mee loo gə́ to gə kəmee’g.

Esai 13:4

Ooje kaa né gə́ ɓar dɔ mbalje’g Asəna gə koso-dəwje gə́ bula digi-digi bèe, Ooje ndu koso-dəwje mee ɓeeko̰je Gə́ d’aw dɔ na̰’d pum-pum To gə́ ginkoji dəwje gə́ mbo̰ dɔ na̰, Njesigənea̰ gə́ njeboo-néje tən njérɔje ləa Gə́ d’a gə kaw loo-rɔ’g lé.

Esai 42:13

Njesigənea̰ unda loo teḛ To gə́ bao-rɔ bèe ləm, Yeḛ ar ŋguree rəa ŋgwɔd-ŋgwɔd To gə́ njerɔ bèe ya ləm tɔ. Yeḛ ɔr ndia gə́ tar ləm, Yeḛ ndaŋg rəa ləma, Yeḛ riba dɔ siŋgamoŋ ləa koma̰ ne njéba̰je ləa ləm tɔ.

Esai 7:18

Mee ndəa’g neelé Njesigənea̰ a ɓar kəmje Gə́ to rudu bwa kəm-rəw-manje gə́ Ejiptə gə kól ləm, Yeḛ a ɓar tə̰jije gə́ to mee ɓee gə́ Asiri ləm tɔ,

Jeremi 25:30

Ndá i lé a teggin ta néje neelé lai Kar dee ndá a kula dee pana: Njesigənea̰ a kinja diao̰ tar hər-hər: Ndia a ɓar loo-siée gə́ to gə kəmee’g. Yeḛ a kinja diao̰ dɔ loo-siée’g Loo-mbula-nduú’g Dɔ dəwje lai gə́ dɔ naŋg nee.

Jeremi 30:7

Meeko̰ gə́ ban ɓa bèe wa! Mbata ndɔ neelé to ndɔ gə́ boo! Ndɔ gə́ raŋg gə́ as səa kédé lé godo. To kàr néɓəŋgərəti mbata lə Jakob, Nɛ yeḛ a teḛ ta’g gə majee ya.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Ejekel 22:14

See seḭ a kwaje meḛ sí kɔgərɔ ləm, a karje ji sí ɓar mèr-mèr ləm tɔ mee ndɔje gə́ n’a gə ra sə sí né lé ya wa. Neḛ Njesigənea̰ ɓa m’pata ndá n’a ra née ya.

Joɛl 1:15

Ai, ndɔ nee a to ndɔ gə́ ban wa! Mbata ndɔ lə Njesigənea̰ nai dəb ba. Yee a ree asəna gə nétuji gə́ ḭ rɔ Bao-siŋgamoŋ’d.

Joɛl 1:6

Mbata ginkoji dəwje ree buŋga na̰ dɔ ɓee’g ləm. Deḛ to njésiŋgamoŋje gə́ dum tura ya. Ŋgaŋ deḛ to tana gə ŋgaŋ toboḭ bèe ləm, Ka ta deeje kara to asəna gə ka ta ko̰ toboḭ bèe ləm tɔ.

Joɛl 2:1

Imje to̰to̰ mee ɓee gə́ Sio̰’g! Arje ndia ɓar ɔr loo lɔi-lɔi Dɔ mbal’g ləm gə́ to gə kəmee! Maji kar dəw-mee-ɓeeje lai d’unda bala tigi-tigi! Mbata ndɔ lə Njesigənea̰ si ree, Yee nai dəb ba ŋga.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Joɛl 2:25

Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Amɔs 1:2

Amɔs pana: Ndu Njesigənea̰ ɓar asəna gə ndu no̰ lə toboḭ bèe mee Sio̰’g ləm, Ndia gə́ ɓar Jerusalem kara Yeḛ ar dee d’oo ləm tɔ. Bèe ɓa mu ko̰ badje gə́ njékul deeje d’aar keneŋ lé To dan nékəmndoo’g ləm, Dɔ sém mbal gə́ Karmel kara Tudu kurum-kurum ləm tɔ.

Amɔs 5:18

Meeko̰ a koso dɔ deḛ gə́ ndiŋga ndɔ lə Njesigənea̰. See ɗi ɓa meḛ sí to yel gə mba kiŋga mee ndɔ’g lə Njesigənea̰ lé wa. Ndɔ neelé loo a ndul kɔl-kɔl keneŋ ɓó lookàr a to el.

Amɔs 5:20

Ndɔ lə Njesigənea̰ lé See loo a ndul el wa! Lookàr a godo ya. See to loo gə́ to pi ar néndogó gə́ téḛ bèe kara Godo keneŋ el wa.

Abdias 1:15

Mbata ndɔ lə Mbaidɔmbaije lé nai dəb mbata ginkoji dəwje gə raŋg lai, Ndá gə goo néra sí lé ɓa D’a tel ra ne sə sí-seḭ bèe ya tɔ. Bèe ndá bo̰ néra síje d’a kɔs ta sí’g bɔsɔrɔ. Israɛlje d’a dal ba̰ dɔ Edɔmje’g.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Malasi 3:2

See na̰ ɓa a kaskəm kisi kəmba ndɔ ree’g ləa wa. See na̰ ɓa a kaar tar ndɔ gə́ yeḛ a teḛ lé wa. Mbata yeḛ a to kasəna gə pər lə njelḛ̀ lar ləm, a kasəna gə ya̰-kià lə njétogo kubuje kar dee ndá bèe ləm tɔ.

Bula lə Israɛlje 24:23

Balaam pata ləa gə́ gə ndəree tɔɓəi pana: Ai-i! Loo gə́ Ala a ra néje neelé see na̰ ɓa a si kəmba ɓəi wa.

1 Njé gə́ Tesalonikə 4:16

Mbata Mbaidɔmbaije nja ɓa a kwɔji lé ndá ndu ka̰ mbai lə kuraje gə́ dara a ɓar wəl ləm, ndu to̰to̰ lə Ala a ɓar kɔr loo lɔi-lɔi ləm tɔ ndá yeḛ a kḭ dara gə mba ree ŋga. Deḛ gə́ d’wəi gin Kristi’g lé d’a kunda loo teḛ kédé.

Loo gə́ killa rea kəm Ja̰’g 18:8

Gelee gə́ nee ɓa tuji-booje d’a koso ne dəa’g mee ndɔ gə́ kára ba’g ya as bèe: yoo ləm, gə kəmndooyoo ləma, gə yoo-ɓoo ləm tɔ ndá pər ɓa d’a rée ne. Mbata Mbaidɔmbaije Ala gə́ njesiŋgamoŋ lé gaŋg rəwta dəa’g ya.

Loo gə́ killa rea kəm Ja̰’g 6:17

Mbata boo-oŋg lé kàree teḛ mba̰ ndá see na̰ ɓa askəm kaar dɔ gɔlee’g njaŋg wa.