Joɛl 2:10 - Maktub gə́ To gə Kəmee

¹⁰ Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Joɛl 2:10 Iomraidhean Croise

Pakɔsje 114:7

Ǝi naŋg, maji kari unda bala tigi-tigi no̰ Mbaidɔmbaije’g Gə́ to Ala lə Jakob.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 34:4

Boo-néje lai gə́ pə̰ dara’g lèḛ ləm, Dara kara kə́ na̰’d mber-mber to gə́ maktub bèe, Ndá boo-néje lai gə́ keneŋ toso To gə́ kam nduúje Gə kam kodéje ndòlé gəḭ ne bèe tɔ.

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Jeremi 4:23

Ma m’aa naŋg gərərə Ndá aa oo, naŋg nee to kari ba Ar né kára kara godo keneŋ, M’aa dara kara néndogó ləa sané pa.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Joɛl 3:4

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Amɔs 5:8

Yeḛ lé ra kéréméje Gə́ ɓar dee Ŋgama̰dje-gə́-siri gə Bisi-tɔb-talje ləm, Yeḛ ar loo gə́ ndul njudu-njudu lé Tel to loo gə́ a gə kàr ləm, Yeḛ ar lookàr lé kara tel to loondul ləma, Yeḛ ɓar manje mee baa-boo-kad’g Ar dee d’ər dɔ naŋg nee ləm tɔ lé Ria lə Njesigənea̰ ya.

Nahum 1:5

Mbalje yə ɓugu-ɓugu nea̰’g ləm, Dɔdərlooje ləŋg təji-təji ləm tɔ: Naŋg kara ula déréré-dèrèrè nea̰’g ləm, Dɔ naŋg gə dəwje lai gə́ d’isi keneŋ ləm tɔ.

Matiyo 24:29

Waga gə́ a korè goo ndɔ némeeko̰ lé ndá né a dəb kəm kàr’g rigim ləm, naḭ a ndogó el ləm, kéréméje d’a toso naŋg dib-dib ləma, nésiŋgamoŋje lə dara kara d’a yə bura ɓugu-ɓugu ləm tɔ.

Matiyo 27:51

Yen ŋga kubu gə́ gaŋg ne mee kəi-Ala lé un tar til dana njal uru naŋg jig ləm, naŋg yə ləm, mbalje kara ta̰ ɓəgəgə-ɓəgəgə ləma,

Néra Njékaḭkulaje 2:20

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Loo gə́ killa rea kəm Ja̰’g 6:12

M’aa loo gərərə ndá loo gə́ Ŋgonbad lé ɔr nérḛdə ta maktub gə́ njekɔm’g misa̰. Naŋg yə ɓugu-ɓugu ləm, kàr tel ndul asəna gə wul-kunda gə́ d’ṵji gə́ ɓɔl ləma, naḭ gə kuburee kara tel məs ləm tɔ.

Loo gə́ killa rea kəm Ja̰’g 8:12

Kura lə Ala gə́ dara gə́ njekɔm dee’g sɔ im to̰to̰ ləa ndá kàr ləm, gə naḭ ləma, gə kéréméje ləm tɔ lé né unda dee, tuji ne dəb ndɔḭ lə dee kára-kára nɛ debeeje nai joo-joo ɓəi mba kar dəb loo kára-kára dan kàrá gə loondul’g lé loo dəb rigim nɛ dəb loo nai joo-joo ɓəi.

Loo gə́ killa rea kəm Ja̰’g 9:2

ndá yeḛ ɔr ta bwa-wəl neelé. Sa uba keneŋ ŋgɔg-ŋgɔg asəna gə sa pər mbo-boo bèe ndá sa gə́ ḭ bwa-wəl’g neelé udu kəm kàr rəd-rəd ar loondul ndiŋ-ndiŋ.