Joɛl 1:4 - Maktub gə́ To gə Kəmee

⁴ Né gə́ beedé-ma̰daŋje d’ya̰ ndá Beedé-booje d’o̰ lai, Né gə́ beedé-booje d’ya̰ ndá Baigo̰je d’o̰ lai, Né gə́ baigo̰je d’ya̰ ndá Lámje to̰ lém-lém tɔ.

Joɛl 1:4 Iomraidhean Croise

1 Mbaije 8:37

Loo gə́ ɓoo-boo, gə yoo-koso, gə rɔko̰ kwa moro ɗugugu-ɗugugu, gə rɔko̰ gə́ ar kó oji sum wa ɗugugu-ɗugugu, gə beedéje əsé gabəraje d’a teḛ ne ɓee’g, əsé loo gə́ njéba̰je d’a gugu dɔ koso-dəwje ləi sub mee ɓee’g lə dee saar teḛ tarəwkəije’g lə dee, loo gə́ yoo-koso əsé rɔko̰je gə́ ɓəd-ɓəd d’a teḛ,

2 Sôrta Gḭka Israɛlje 6:28

Loo gə́ ɓoo-boo, gə yoo-koso, gə rɔko̰, gə moré gə́ wa ɗugugu-ɗugugu gə né gə́ ar kó oji sum wa ɗugugu-ɗugugu, gə beedéje əsé gabəraje d’a teḛ mee ɓee’g ləm, əsé loo gə́ njéba̰je d’a gugu dɔ koso-dəwje gə́ mee ɓee’g lə dee dan tarəwkɔgje’g lə dee ləm, loo gə́ né gə́ to ɓəl teḛ əsé rɔko̰je ɓəd-ɓəd ra dee ləm tɔ ɓa

2 Sôrta Gḭka Israɛlje 7:13

Loo gə́ m’a kar kəm dara udu jigi kar ndi ər el ləm, loo gə́ m’a kun ndum kar beedéje d’usɔ né mee ɓee’g mbad-mbad ləma, loo gə́ m’a kula gə yoo-koso mbuna koso-dəwje’g ləm lé

Pakɔsje 105:34

Yeḛ pata ndá beedéje teḛ To beedé gə́ dum tura ya.

Pakɔsje 78:46

Yeḛ ula beedéje dɔ koje’g lə dee ləm, Gə dɔ néje lai gə́ mee ndɔje’g lə dee ləm tɔ.

Teḛ-Raga 10:4

Ɓó lé i mbad kya̰ dəwje lə neḛ kar dee d’aw ndá aa oo bèlè lé n’a kar beedéje ree taa loo pəl-pəl mee ɓee’g ləi.

Teḛ-Raga 10:5

D’a taa loo pəl-pəl ndá dəw a kas koo ndaji naŋg el, ges néje lə sí gə́ nai gə́ ndi kwɔji lal tuji lé d’a sɔ rɔg-rɔg ləm, kagje lai gə́ d’uba mee wala’g kara d’a sɔ rɔg-rɔg ləm tɔ.

Esai 33:4

Deḛ mbo̰ nébanrɔje lə sí To gə́ beedéje tuji ne né bèe ləm, Deḛ d’al d’ur dɔ’g To gə́ beedéje d’ḭ d’ɔm ne dɔ né’g bèe ləm tɔ.

Jeremi 51:14

Njesigənea̰ gə́ njeboo-néje Maa̰ rəa gə rəa-yeḛ nja pana: Tɔgərɔ, m’a kar dəwje Taa rɔ sí pəl-pəl to gə́ beedéje bèe Ndá deḛ d’a kur kó-rɔ wəl-wəl dɔ sí’g.

Jeremi 51:27

Undaje nétɔji tar mee ɓee’g! Imje to̰to̰ mbuna ginkoji dəwje gə raŋg’g! Gɔlje ginkoji dəwje gə raŋg Gə mba rɔ ne səa ləm, Ɓarje ɓeeko̰je gə́ Ararat, Gə Mini, gə Askenaj dəa’g ləm tɔ! Ɓarje mbaije gə́ dəa’g mba rɔ ne səa! Arje kundaje d’aw gə́ rəa’g Dèm-dèm to gə́ beedéje bèe.

Joɛl 2:25

Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Amɔs 4:9

Neḛ n’ar néje lə sí wɔməs Gə wa moro ɗugugu-ɗugugu ləm, N’kunda sí gə yoo-koso gə́ nuŋga kəd-kəd ləm tɔ. Boo loo-kamnaḭje lə sí, gə nduúje lə sí, Gə kodéje lə sí, gə koiyoje lə sí lé Beedéje d’o̰ mbad-mbad. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Amɔs 7:1

Némḭdi gə́ Mbaidɔmbaije gə́ Njesigənea̰ tɔjim am m’oo ɓa nee: Aa ooje, yeḛ ra beedéje gə́ bula dèm-dèm loo gə́ barkəmko uba gogo sigi lé, to da-kó gə́ uba goo kó gə́ d’inja d’ar mbai kédé lé.

Malasi 3:11

Néje gə́ d’a gə tuji kó lə sí lé m’a ndaŋg dee mbata lə sí ndá d’a tuji dɔ kó lə sí gə́ a gə teḛ mbi lé el ləm, nduú gə́ mee ndɔje’g lə sí kara d’a lal kandə el ləm tɔ. Njesigənea̰ gə́ njeboo-néje lé ɓa pa bèe.

Tel tura Godndu 28:38

Seḭ a kodoje kó né yaa̰ mba kaw dubu nɛ seḭ a kinjaje lam ba bèe mbata beedéje d’a ko̰ lai.

Tel tura Godndu 28:42

Ndirikɔrje d’a taa kagje gə kandə néje gə́ mee ndɔje’g lə sí lai gə́ ka̰ dee-deḛ.